1 पतरस 2:19 - सिरमौरी नौवाँ नियम

¹⁹ जै आमै बिना किछै गौलती कौरेयौ दुख सैहलै, तौ पौरमेशवर आमुदा खुश हौं। जिथुकै आमुए ऐजौ जाणैयौ कै दुख झैलू कै पौरमेशवर सौबै ठुँ जाणौए।

Sirmouri

¹⁹ किन्देंखे के जे कुँऐं पंणमिश्वर का बिचार करियों अ-नियाऐं शा दु:ख भूगदे कल़ेष सह्दा रंह् तअ ऐजो आछो असो।

1 पतरस 2:19 ပူးပေါင်းရင်းမြစ်များ

लूका 6:32

“जै तुऐं आपणै प्यार कौरणौवाल़ै आरी प्यार कौरलै, तौ तोंवारै का बौड़ाए? जिथु पापी बै आपणै प्यार राखणौवाल़ै कै साथै प्यार कौरौ।

यूहन्ना 15:21

पौरौ ऐजौ सौबै ठुँ सै तोंवारै साथै कौरदै, जिथुकै तुऐं मैरै चैलै औसौ, औरौ सैजै मैरै भैजणौवाल़ै पौरमेशवर कै ना जाणौ।

प्रेरितो कै काम 11:23

बरनबास तिथै पोंचैयो, औरौ पौरमेशवर कै अनुग्रह खै दैखैयो खुशी हौआ; औरौ सौबी खै उपदैश बौतांदा लागा, कै तन मन लायौ प्रभु शै लिपटै रौंव।

रोमियों 13:5

तोंवारै तिनकै अधीन हौणौ सिरफ इथकारिए नी कै तुऐं सौजा शै बौचै जांव बल्कि इथकारिए कै तोंवारा विवेक बै शुध्द रौंव।

1 कुरिन्थियों 15:10

इथकारिए हांव पौरमेशवर कै अनुग्रह लैई चोणेयौंदा चैला औसौ। औरौ तैसकै अनुग्रहे शै मैरै जीवन दा बोड़ा बदलाव आया। मोऐं औकै कोसी बै चोणेयौंदे चैलै शै बौढ़ेयौ मैहनत बै कौरे, तौ बै ऐजौ मैरै ढौबौशौ ना आथी पौरौ पौरमेशवर कै अनुग्रह मुखै तैसका काम कौरणौ दै मौदद कौरे।

2 कुरिन्थियों 1:12

जिथुकै आमु गर्व औसौ कै अमारा विवेक साफ औसौ, कै दुनिया दा औरौ खास कौरेयौ तोंवारै बीच अमारा चरित्र जू पौरमेशवर कै ढौबौशा औसौ ऐशणी पवित्रता औरौ सौचाई कै साथै थिया, आमु आदमियों कै ज्ञान पांदी भोरोशा ना राखु। पौरौ पौरमेशवर कै अनुग्रह पांदी राखु।

2 कुरिन्थियों 8:1

ऐबै ओए रै बिशवाशी भाईयों, हांव तुऔं लोगौ खै तैसी अनुग्रह कै बारै मुंजी बौताणा चोऊं, जू पौरमेशवरे मकिदुनिया प्रदेश कै कलीसिया दै बिशवाशियौं कै मंडली खै दैय राए।

2 तीमुथियुस 1:12

औरौ इथ बौजै शै मोऐं इथै कोयदी दा दुख लौआ सौय पौरौ शर्मोऊं ना, जिथुकै हांव मसीह कै जाणुए जैसी पांदी मोऐं बिशवाश राए कौरे, औरौ मुखै पाको पौता औसौ, कै मसीह तैसी दूसौ तौड़ी जौल़ौ तौड़ी सै पाछु ना आंव, तैसी सुसमाचार कै रक्षा कौरणौ दा पूरी तरह शै काबिल औसौ जू तैणै मुखै दैय राए।

इब्रानियों 10:2

जै मूसा कै कानून तिनु सोही कौरे सौकदै, तौ बलिदान चौढ़ाणै बोन्‍द हौए जांदै। औरौ आराधना कौरणौवाल़ै सौथीखै आपणै पापौ शै शुध्द हौए जांदै औरौ सै आगै खै पापौ का दोष महसूस नी कौरदै।

1 पतरस 2:20

पौरौ जै तुऔं गौलत कौरणौ कारिए पीटौ, तौ सौजा भैटणौ पांदी सब्र राखैयौ तोंवारै तारीफ कौरणौ कै कुणजै बौजैह ना आथी। पौरौ जै भोलाए कौरणौ कै बौजैह शै तुऔं दुख सैहणा पौड़ौ औरौ सब्र राखौ, तौ पौरमेशवर खुश हौंव।

1 पतरस 4:15

तुऔं मुंजीदै कुणिए आदमी खूनी या चोर, या कुकर्मी हौणौ पांदी, या पराए काम दै हाथ पाणौ कै बौजैह शै दुख ना पांव।