1 पतरस 2:16 - सिरमौरी नौवाँ नियम

¹⁶ ऐबै तुऐं पाप कै गुलाम ना आथी जिथुकै तुऐं अमारै प्रभु यीशु मसीह कै दवारा आज़ाद हौए रौवै। पौरौ तुऐं आपणी आज़ादी का इस्तैमाल बुरै काम कौरणौ कारिए भाना नी बाणौ। पौरौ पौरमेशवर कै सेवको कै जैशणा बर्ताव कौरौ।

Sirmouri

¹⁶ आपु-आप्खे अजाद जाँणों, परह् आप्णी अजादी बुराई कर्णो के आड़ ने बंणाँव; परह् आपु-आप्खे पंणमिश्वर के दास जाँणों।

1 पतरस 2:16 ပူးပေါင်းရင်းမြစ်များ

मत्ती 23:13

“ओए रै कपटी यहूदी शास्त्रीयों औरौ फरीसी लोगौ तुऔं पांदी हाय, तुऐं लोगौ कारिए स्वर्ग कै राज्य का दवार बन्‍द कौरौ, ना तौ आपी तिन्‍दै जांव औरौ ना तिन्‍दै ओकी कै जाणौ दैंव।

यूहन्ना 15:22

जै हांव ना आन्‍दा औरौ तिनुआरी बातौ नी कौरदा, तौ सै पापी ना ठोहरदै, पौरौ ऐबै तिनुवागे तिनकै पाप कारिए कुणजाई बाना ना आथी।

रोमियों 6:18

औरौ पौरमेशवरे तुऔं पाप कै शौकतै शै छुड़ाए राए बल्कि तुऐं पौरमेशवर कै दास बौणै गौवै ताकि सैजौ कौरौ जू सोही औसौ।

रोमियों 6:22

पौरौ ऐबै पाप शै आज़ाद हौयौ औरौ पौरमेशवर कै दास बोणेयो ऐबै तुऐं तिनु कामौ कै कौरौ जू पवित्रता कै ढौबौ लौए जांव, औरौ तिथका अन्त सौदा कै जिन्दगी औसौ।

1 कुरिन्थियों 7:22

जिथुकै जू गुलाम कै दशा दा तैसी सौमय बौएदै गौआ, जोबै सै गुलाम थिया प्रभुए तैसी पाप कै शौकतै शै आज़ाद कौरे राए औरौ तैशैखैई जू आज़ादी कै दशा दै बौएदै गौवै, सै मसीह कै गुलाम बौणौ।

गलातियौं 5:1

मसीहे आमु मूसा कै कानून का पालन कौरणौ शै आज़ाद कौरे राए। ताकि आमै हौजौ कौलोंई बै तिनु मूसा कै कानून कै गुलाम नी बौणु। इथकारिए आपणै आज़ादी कै पाकड़ेयौ राखौ औरौ आपी कै औटेयौ गुलाम नी बौणणौ दैंव।

गलातियौं 5:13

ओए रै बिशवाशी भाईयों तुऔं पौरमेशवर कै दवारा आज़ाद हौणौ कारिए चोणे राए इथकारिए ऐबै तुऔं मूसा कै कानून का पालन नी कौरणा चैंई। पौरौ आपणी शोरीर कै इछाओं कै पूरा कौरणौ का मौका नी दैंव। पौरौ आपणी आज़ादी का इस्तैमाल प्यार शै ऐकी दूजै कै सेवा कौरणौ कारिए कौरौ।

इफिसियों 6:6

तुऔं आपणै मालिको कै आज्ञा का पालन कौरणा चैंई, सिरफ तोबै नी जोबै सै तुऔं दैखौए, पौरौ तुऐं मसीह कै सेवक औसौ, इथकारिए तुऔं आपणै पूरै मन शै सैजौई कौरणौ चैंई जू पौरमेशवर चांव कै तुऐं कौरौ।

कुलुस्सियों 3:24

याद राखौ कै प्रभु मसीह तुऔं इनाम दैंदा जू ऐजा औसौ कै सै तुऔं तिनु आशीषौ मुंजी दा तोंवारा हिस्सा दैंदा जैसी तैणै आपणै सौबी लोगौ कै दैणौ कारिए तैयार कौरे राए। तुऐं जैसी मालिक कै सेवा कौरे लोए सै मसीह औसौ।

1 थिस्सलुनीकियों 2:5

तुऐं जाणौए कै आमै ना तौ कौलोंई चापलूसी की बातौ कौरेया कौरु थिए, औरौ आमुए ऐशणै मकसद लैई काम ना कौरी जू लालची औसौ, पौरमेशवर गवाही दैंव कै आमु ऐशणै ना थी।

याकूब 1:25

पौरौ जू आदमी पौरमेशवर कै सिध्द कानून कै ध्यान शै पालन कौरौ, जू लोगौ कै पाप शै आज़ाद कौरौ; सै आपणै काम दा इथकारिए आशीष पांदा कै सै कानून कै शोणेयो बिसरो ना पौरौ जू सै शिखौ तैशैखैई तिथका अभ्यास कौरौ।

याकूब 2:12

तुऐं तिनु लोगौ साए बौल़ौ औरौ बर्ताव बै कौरौ, जिनका न्याय कानून कै हिसाब शै हौंदा जू आमु आज़ाद कौरौ।

2 पतरस 2:19

झूठै शिक्षक लोगौ खै बौतांवे कै जू किछै बै सै कौरणौ चांव तिथु कौरणौ कारिए आज़ाद औसौ, जिथुकै तिनका कुणजाई मालिक ना आथी। पौरौ सौचाई ऐजै औसौ कै सै आपी बै आपणै बुरै आदत कै गुलाम औसौ। जिथुकै जू कुणिए बै कोसी पाकी चीज़ौ का आदी हौंव, सै जू किछै कौरौए तिथी लैई गुलाम बाणै जांव।

यहूदा 1:4

हांव तुऔं कै लिखु जिथुकै किछै लोग जू यीशु मसीह पांदी बिशवाश कौरणौ कारिए दिखावा कौरौ, सैजै तोंवारै बीच शामिल हौए गौवै। सैजै पौरमेशवर कै इज्जत ना कौरौ औरौ सै गौलत शिक्षा दैंव सै बौल़ौ जिथुकै पौरमेशवर आपणै अनुग्रह लैई अमारै पापौ खै माफ कौरे दैंव, इथकारिए आमै बुरा जीवन जी सौकु। सैजै यीशु मसीह का इन्कार कौरौ, जू अमारा एकमात्र मालिक औरौ अमारा प्रभु औसौ। बैजाए सौमय औगौड़ियौ, पवित्र शास्त्र बौल़ौ कै पौरमेशवर ऐशणै लोगौ खै सौजा दैंदा।