1 पतरस 1:18 - सिरमौरी नौवाँ नियम

^18-19 तुऐं जाणौए कै बीतै सौमय दै तुऐं ऐक बैकार तरीकै शै जिन्दगी बिताए लौए थै, ऐक ऐशणा तरीका जू तिनु लोगौ कै दवारा तुऔं दैय राए जू तुऔं दै आगै रौंव थिए। पौरौ तुऔं तिथु बैकार जिन्दगी शै बौचाए पाए। तुऔंखै सूनु-चांदी जैशणी नाश हौणौवाल़ी चीज़ौ लैई ना खोरीदै रैई, पौरौ मसीह कै कीमती लोऊ लैई, जू ऐक शुध्द औरौ सिध्द मेम्ने कै जैशणा थिया।

Sirmouri

¹⁸ किन्देंखे के तुँऐं जाँणों ऐ के तुवाँरा निकारा चाल-चल़्ण जू तुवाँरे बुड़ाईको शा ऊँबा असो, तिन्दे लई तुवाँरा मुँक्त्ति सुन्नें, चाँदी अरह् नाँष बाँन चीजो के जाँणें ने हऐ रंई;

1 पतरस 1:18 ပူးပေါင်းရင်းမြစ်များ

मरकुस 8:37

हमैशा कै जिन्दगी कै बौदलै आदमी पौरमेशवर कै का दैय सौकौ?

रोमियों 1:21

इयौं बौजैह शै कै पौरमेशवर कै जाणणौ पांदी बै तिनुऐ पौरमेशवर कै सैजा आदर ना दी जू तैसका औसौ औरौ धन्यवाद ना कौरी, पौरौ सै बैकार कै बातौ सुंचौए, इथै तौड़ी कै तिनकै मूर्ख विचार सौब गौलत औसौ।

1 कुरिन्थियों 3:20

पवित्र शास्त्र बै बौल़ौए, प्रभु ज्ञानियों कै विचारो खै जाणौए, कै सै बैकार औसौ।”

1 कुरिन्थियों 6:20

पौरमेशवरे यीशु मसीह का जीवन दैयौ तुऔं छुटकारा दैय राए इथकारिए आपणै शोरीर कै दवारा पौरमेशवर कै महिमा कौरौ।

1 कुरिन्थियों 7:23

पौरमेशवरे तोंवारै खातिर ऐक बौड़ै कीमत चुकायो तुऔं कै बौचाए राए इथकारिए आदमी कै दास नी बौणैया पौरौ पौरमेशवर कै दास बौणैया।

गलातियौं 1:4

अमारै पौरमेशवर औरौ पिता की इछा कै हिसाब शै मसीह यीशुए आपी खै अमारै पापौ की बौजैह शै बलिदान कौरे राए ताकि सै आमु तिनु बुरी शोकतियौ शै आज़ाद कौरौ जू ऐलो दुनिया दी काम कौरौ।

इफिसियों 4:17

इथकारिए हांव तैसी औधिकार कै साथै जू प्रभुए मुखै दैय राए, हांव तुऔं ऐजौ बौतौऊं कै जैशै अबिशवाशी लोग आपणै मन कै बुरै विचारो कै साथै जीवन जियौं, तुऐं तैशणा जीवन ना जियौं।

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

इब्रानियों 9:12

औरौ यीशु मसीह सौबी दै पवित्र ठाँव दा सिरफ ऐकै बैई औरौ हमैशा कारिए हौटा। सै आपणै साथै बाकरी कौ लोऊ लैयौ ना हौटै रैई थी। तैसका बलिदान तैसकौ आपणौ लोऊ औसौ, इथलैई तैणै आमु पापौ शै हमैशा कारिए आज़ाद कौरे दियै।

1 पतरस 1:7

इनु मुसीबतौ का मकसद ऐजा दिखाणा औसौ कै का तुऐं सौथीखै पौरमेशवर पांदी भोरोशा राखौ। यीशु मसीह पांदी तोंवारा बिशवाश सूनै दा बै जादा कीमती औसौ। जैशै नाश हौणौवाल़ै सूनै खै आगी मुंजी जांचो औरौ शुद्ध कौरौ, तैशैखैई जै तोंवारा बिशवाश कड़ी परीक्षाओं कै दवारा पौरखै जाणौ कै बाद बै मोजबूत रौंव, तौ तोंवारा बिशवाश तैसी दूसै तुऔं बैजाए खुशी औरौ महिमा औरौ आदर दियांदा जोबै यीशु मसीह औटेयौ पाछु आन्दा।

1 पतरस 4:3

बीतै सौमय दा तुऐं दुनिया कै लोगौ कै जैशणा बुराई कौरणा दा बैजाए सौमय बोरबाद कौरे दिया औरौ तोंवारा जीवन गौलत सौमबंध, गौंदै काम, दावतो औरौ शराबीपन दा बीता औरौ पौरमेशवर मूर्तियों कै पूजा शै नफरत कौरौ औरौ तुऐं सैजौई कौरौ।

1 यूहन्ना 3:5

तुऐं जाणौए कै यीशु मसीह इथकारिए ओऊवा कै पापौ कै मिटाए दैंव, औरौ तैसीदा कुणजाई पाप ना आथी।