1 पतरस 1:1 - सिरमौरी नौवाँ नियम

¹ हांव पतरस, जू यीशु मसीह का चोणेयौंदा चैला औसौ, मोऐं ऐजी चिट्ठी लैखै लोए, मोऐं ऐजी चिट्ठी पौरमेशवर कै चोणेयौंदे तिनु लोगौ खै लैखै लोए जू कै पुन्‍तुस, गलातिया, कप्‍पदूकिया, एशिया, औरौ बितूनिया प्रदेशो कै कैई शहरो दै प्रदेशी कै जैशणै रौंव।

Sirmouri

¹ संत्त-पतरस की ढबे शी जू प्रभू यीशू मसीया का खास-चैला, तिनू प्रदेशियों के नाँम जुण्जे पुन्तुस, गलातियों, कप्पदुकिया, आसिया, अरह् बिथुनिया दे खिदर-बिदर हऐयों रंह् थिऐ,

1 पतरस 1:1 ပူးပေါင်းရင်းမြစ်များ

मत्ती 10:2

बारौ चोणेयौंदे चैलै कै नांव ऐजै औसौ: आगला शमौन जैसकौ नांव तैणै पतरस राखौ, औरौ तैसका भाई अन्द्रियास; जब्दी का बैटा याकूब औरौ तैसका भाई यूहन्ना।

मत्ती 24:22

औरौ जै पौरमेशवर तिनु दुखो कै सौमय कै ना घोटांदा, तौ कुणिए आदमी बै ना बौचदा; पौरौ चोणेयौंदे की बौजैह शै सैजै दूस घोटाए जांदै।

मत्ती 4:18

गलील झील कै किनारे घुमदै बैई तैणै दो भाई खै यानी शमौन खै जैसीकै पतरस बौल़ौ थिए, औरौ तैसकै भाई अन्द्रियास खै झील दै जाल फेरकांदै दैखै; जिथुकै सै मोछुवारै थिए।

लूका 18:7

तौ इथकारिए पौरमेशवर आपणै चोणेयौंदे लोगौ कारिए जू राती दूसै तैसकै धोरे रुओं तिनका न्याय कौरदा, औरौ सै तिनकै मौदद कौरणौ दै देर ना कौरदा?

यूहन्ना 11:52

पौरौ सिरफ तिनु कारिए ना मौरदा। सै पौरमेशवर कै ओकी संतान कारिए बै मौरदा जू इयौं दुनिया पांदी बिखरेयोंदे औसौ, ताकि तिनु कौठै कौरे सौकौ।

यूहन्ना 7:35

इथपांदी यहूदी नेताए आपी मुंजी चौर्चा कौरेयौ बौल़ौ, “ऐजा कुकै जांदा कै आमै ऐसी जौए ना सौकदै? शायद सै तिनु यहूदी लोगौ कै धोरे जाला जू यूनानी शहरो दै इस्राएल देश शै बायरै बिखरेयोंदे रौंव, औरौ तिनुकै शिक्षा दैणा चांव।

प्रेरितो कै काम 18:2

औरौ तिथै अक्विला नांव का ऐक यहूदी आदमी भैटा जैसका जन्म पुन्‍तुस प्रदेश दा हौए रौआ थिया; औरौ आपणै घोरवाल़ी प्रिस्किल्‍ला कै साथी इटली देश दा कुछैक सौमय औगौड़ियौ आए रौआ थिया, जिथुकै महाराजा क्लौदियुस सौबै यहूदी लोगौ खै रोम देश शै आगु जाणौ कै आज्ञा दैय राए थी, तैसी आदैश कै बौजैह शै सै कुरिन्‍थुस शहर दै ओऊवे।

प्रेरितो कै काम 18:23

तोबै किछै दूसौ तौड़ी रौयौ अन्‍ताकिया शहर पौरैशा आगु हौटा, औरौ हर तरफ शै गलातिया औरौ फ्रूगिया प्रदेश दा सौबी चैलो खै मोजबूत कौरेयौ फिरदा रौआ।

प्रेरितो कै काम 19:10

दो सालो तौड़ी ऐशैखैई हौंदौ रो, इथै तौड़ी कै एशिया प्रदेश कै रौणौवाल़ै यहूदी लोगै औरौ यूनान देश कै रौणौवाल़ै सौबी लोगै प्रभु का वचन शौणै पोऊवा।

प्रेरितो कै काम 6:9

पौरौ किछै लोग स्तिफनुस कै खिलाफ हौए गौवै, सै तियौं यहूदी सभा-घोरो कै सदस्य थिए, जिथु गुलामी शै आज़ाद हौणौ बौल़ौ थिए, सैजै लोग कुरेन औरौ सिकन्‍दरिया शहरो शै औरौ किलिकिया औरौ एशिया प्रदेशो शै बै थिए। सैजै लोग स्तिफनुस कै साथै बैहसबाजी कौरदै लागै।

प्रेरितो कै काम 8:4

पौरौ जू बिशवाशी बैखरै रौवै थिए सै सुसमाचार शुणादै रौवै।

1 कुरिन्थियों 16:19

एशिया प्रदेश कै कलीसियाओं कै बिशवाशियौं कै ढौबौशा तुऔं खै नमशकार; अक्विला औरौ तैसकै घोरवाल़ी प्रिस्का औरौ सैजी कलीसिया जू तिनकै घोरे भैटियो, तिनुकै बै प्रभु दा बौहुत-बौहुत नमशकार।

2 कुरिन्थियों 1:8

ओए रै बिशवाशी भाईयों, हांव जाणुए कै तुऐं तिनु पौरैशानी कै बारै मुंजी जाणौ जू आमु पांदी थी, जू एशिया प्रदेश दी आमु पांदी पौड़ौ, कै ऐशणै भारी बौझ लैई दौबे गौवै थिए, इथका भार टिपणा आमु कारिए बरदाश शै बायरै थिया। इथै तौड़ी कै आमुए जिणौ कै पूरै उमीद छोड़े दै थै।

गलातियौं 1:2

हांव औरौ मैरै साथै इथै जिशैक बिशवाशी भाईटु औसौ, गलातिया प्रदेश कै सौबी कलीसियाओं खै बिशवाशियौं कै नमशकार बुलू।

इफिसियों 2:12

तुऐं लोग तैसी सौमय मसीह कै ना जाणौ थिए औरौ तुऐं पौरमेशवर कै चोणेयौंदे लोग इस्राएल देश कै जैशणै नागरिक कै रुप दै शामिल नै थी, पौरमेशवरे आपणै वायदै कै हिसाब शै जू कौरार यदूदी लोगौ आरी कौरे राए थै, तुऐं तिथकै बै भागीदार नै थी। औरौ तुऐं ऐसी दुनिया दै बिना आशा कै औरौ बिना ईशवर कै रौंव थिए।

इफिसियों 2:19

इथकारिए बैगानै यहूदी लोग ऐबै प्रदेशी औरौ मुसाफिर ना रोई, पौरौ तुऐं पौरमेशवर कै पवित्र लोगौ कै साथै स्‍वदेशी औरौ पौरमेशवर कै परिवार कै हौए गौवै।

2 तीमुथियुस 1:15

तू जाणैए कै एशिया प्रदेश दै रौणौवाल़ै कैई बिशवाशीए मुखै छोड़े दिया, जिनुमुंजी फूगिलुस औरौ हिरमुगिनेस औसौ।

इब्रानियों 11:13

ऐजै सौबै लोग जिनुवै पौरमेशवर पांदी भोरोशा कौरा, तिनु चीज़ौ कै पाए बिना मौरे गौवै जिथका वादा पौरमेशवरे कौरे राए थिया, पौरौ तिनुऐ इनु बातौ खै दूर कै भविष्‍य दी आन्दै बैई दैखी औरौ खुशी हौवे। तिनुऐ ऐजै बात सौमझै पाए कै आमु इयौं धोरती पांदी अजनबी औरौ प्रदेशी औसौ।

याकूब 1:1

मोऐं याकूबे ऐजै चिट्ठी लैखै लोए। हांव पौरमेशवर औरौ प्रभु यीशु मसीह का सेवक औसौ। मोऐं ऐजै चिट्ठी इस्राएल देश कै बारौ गोत्रो कै लोगौ कारिए लैखै लोए, जू दुनिया दै बिखरे रौवै, तुऔं सौबी लोगौ कै मैरा नमशकार।

1 पतरस 2:11

ओए रै बिशवाशी भाईयों तुऐं आपी खै इयौं दुनिया दै प्रदेशी औरौ यात्री कै जैशणै सौमझौ। हांव तुऔं खै चैतावणी दियु कै शोरीर की सौबी बुरी इछा शै बौचौ जिथुकै सै तोंवारै आपणै आत्माओं कै खिलाफ हमैशा विरोध कौरौ।

2 पतरस 1:1

मोऐं शमौन पतरसे ऐजै चिट्ठी लिख लोए जू यीशु मसीह का सेवक औरौ चोणेयौंदा चैला औसौ। मोऐं तुऔं सौबी कारिए लैख लोए जू तैसी कीमती बिशवाश कै साझा कौरौ जू आमुदा औसौ, सैजा बिशवाश जू अमारै पौरमेशवरे मोक्ति दैणौवाल़ै यीशु मसीह कै दवारा आमु दैय राए, जू आमु पौरमेशवर कै साथै सोही बाणौ।

प्रकाशितवाक्य 1:11

“आवाज़ै बौल़ौ, जू किछै तू दैखै, तिथु किताब दो लिखयो तिनु सात कलीसियाओं खै भैज जू इनु शहरो दै औसौ: यानी कै इफिसुस, स्मुरना, पिरगमुन, थुआतीरा, सरदीस, फिलदिलफिया, औरौ लौदीकिया खै।”