1 यूहन्ना 5:21 - सिरमौरी नौवाँ नियम

²¹ ओए रै नानड़िया, आपी कै ऐशणी बातो औरौ चीज़ौ शै दूर राखौ जू तोंवारै दिल दै पौरमेशवर कै जौगैह लौए सौकौ।

Sirmouri

²¹ हे प्यारे नहाँन्ड़िया, आपु आप्खे मुँर्तियों शे भचाऐयों थुऐ।

1 यूहन्ना 5:21 ပူးပေါင်းရင်းမြစ်များ

मत्ती 6:13

‘औरौ आमुखै परीक्षा दै नै पोड़णो दैया, पौरौ दुष्ट शैतान कैईंदै बौचा; (जिथुखै राज्य औरौ शौकतै औरौ महिमा सौदा तैरै औसौ।’” आमीन)

1 कुरिन्थियों 10:14

ऐशैखैई, ओए रै मैरै प्यारो, मूर्ति पूजा शै दूर भागैया।

1 कुरिन्थियों 10:7

औरौ ना ही तुऐं मूर्तिपूजा कौरणौवाल़ै बौणौ, जैशैकै तिनुमुंजी दै किछै लोग थिए, जैशैखै पवित्र शास्त्र बोतांव, कि लोग खाणौ पिणौ कारिए दावत दै बौठै। औरौ तोबै नाचदै औरौ ऐश मौस्ती कौरदै ऊबै बिजै।

1 थिस्सलुनीकियों 1:9

जिथुकै सैजै लोग ओकी कै बौतांव कै जोबै आमु तोंवारै धोरे ओऊं तौ तुऐं कैशैकै अमारा स्वागत कौरौ। औरौ तुऐं किथु मूर्ति शै दूर हौयौ पौरमेशवर कै ढौबौ फिरो ताकि जियुंदै औरौ साची पौरमेशवर कै सेवा कौरौ।

1 यूहन्ना 2:1

मैरै प्यारे नानड़िया, मोऐं ऐजी बातौ तुऔं इथकारिए लैखै लोई कै तुऐं पाप ना कौरौ। जै कुणिए पाप कौरौ, तौ पिता पौरमेशवर कै धोरे अमारा ऐक सहायक औसौ, सैजा यीशु मसीह औसौ जू अमारै पापौ कै माफी कारिए प्रार्थना कौरौ, औरौ सै धरमी औसौ।

प्रकाशितवाक्य 14:11

आग शै निकल़णौ वाल़ा धुआँ जू तिनु सताव सैजा हमैशा ऊबा जांव। रात-दूस तिनका सताए जाणा ना रुकदा, जिथुकै तिनुऐ राकस कै औरौ तैसकै मूर्ती की पूजा कौरे, औरौ तिनुऐ तैसी राकस कै नांव कै छाप लोए।”

प्रकाशितवाक्य 9:20

पौरौ बाकी कै लोग जू तिनु पौरैशानी शै आगै नी मौरे रैई थी, तिनुऐ ऐबै बै आपणै बुरै कामौ शै पाप कौरणै ना छुड़ी। हत्या कौरणै, बाण बौणाटा, गौलत सौमबंध औरौ चोरी कौरणै ना छुड़ी। तिनुऐ दुष्टआत्माओं औरौ आपणै हाथौ शै बौणेयौंदी चीज़ौ कै पूजा कौरणै बै ना छुड़ी, जैशैकै सूनै या चांदी या पीतलो या पाथर या लाकड़ी शै बौणेयौंदी मूर्ती। सैजी मूर्ती, ना दैख सौकौ, ना शौणै सौकौ, औरौ ना ही हांडै सौकौ।