1 यूहन्ना 5:19 - सिरमौरी नौवाँ नियम

¹⁹ आमै जाणुए, कै आमै पौरमेशवर शै औसौ, औरौ सारै दुनिया तैसी दुष्ट शैतान कै वश दै पौड़ेयौंदे औसौ।

Sirmouri

¹⁹ आँमें जाणो ऐ, के आँमें पंण्मिश्वर के असो; अरह् बादी संईसारी तैसी शैतान के बष दी असो।

1 यूहन्ना 5:19 ပူးပေါင်းရင်းမြစ်များ

लूका 4:6

औरौ शैतानै बौल़ौ, “हांव ऐजा सारा औधिकार औरौ ऐजै सारै ठाट-बाट ताखै दैय दैंदा, जिथुकै ऐजौ सौबै मुखै दैय राए।

यूहन्ना 12:31

दुनिया दै लोगौ का न्याय कौरणौ कारिए पौरमेशवर का सौमय ऐबै आए रौआ, औरौ इयौं दुनिया का ठोगड़ा शैतान गाड़ै दिया जांदा।

यूहन्ना 14:30

मुंआगै तुऔं साथी बात कौरणौ कारिए जादा सौमय ना बौचै रैई, जिथुखै इयौं दुनिया का ठोगड़ा शैतान आन्दा लागै रौआ, औरौ मुं पांदी तैसका किछै औधिकार ना आथी।

यूहन्ना 16:11

औरौ न्याय कै बारै मुंजी यकीन दिलांदा कै इयौं दुनिया का ठोगड़ा शैतान दोषी ठोहराए गौआ।”

यूहन्ना 17:15

हांव ऐजै बिन्ती ना कौरु, कै तू तिनुकै दुनिया पौरैशै उठाए दै, पौरौ ऐजौ कै तू तिनुकै तैसी दुष्ट शैतान कैईंदै बौचायौ राख।

रोमियों 8:16

पौरमेशवर का पवित्र आत्मा आपी अमारी आत्मा कै साथै गवाही दैंव, कै आमै पौरमेशवर कै नानड़िया औसौ।

2 कुरिन्थियों 1:12

जिथुकै आमु गर्व औसौ कै अमारा विवेक साफ औसौ, कै दुनिया दा औरौ खास कौरेयौ तोंवारै बीच अमारा चरित्र जू पौरमेशवर कै ढौबौशा औसौ ऐशणी पवित्रता औरौ सौचाई कै साथै थिया, आमु आदमियों कै ज्ञान पांदी भोरोशा ना राखु। पौरौ पौरमेशवर कै अनुग्रह पांदी राखु।

2 कुरिन्थियों 4:4

ऐसी दुनिया कै ईशवर शैतानै तिनु अबिशवाशियौं कै बुध्‍दि खै बंद कौरे राए, इथकारिए सै मसीह कै औरौ तैसकै महिमा कै बारै मुंजी सौंदेश कै ना सौमझै सौकौ जू पौरमेशवर कै जैशणा औसौ।

2 कुरिन्थियों 5:1

जिथुकै आमुवा पौता औसौ, कै इथै धोरती पांदी अमारा शोरीर ऐक तोम्बू कै जैशणा औसौ, जिथमुंजी आमु रोऊं। जोबै आमै मौरुगै तौ आमु पौरमेशवर कै ढौबौशा स्वर्ग दा ऐक ऐशणा घोर भैटदा, जू आदमी कौ बाणैयोंदौ घोर ना आथी पौरौ ऐजा शोरीर स्वर्ग दा हमैशा तौड़ी बौणेयौंदा रौंदा।

गलातियौं 1:4

अमारै पौरमेशवर औरौ पिता की इछा कै हिसाब शै मसीह यीशुए आपी खै अमारै पापौ की बौजैह शै बलिदान कौरे राए ताकि सै आमु तिनु बुरी शोकतियौ शै आज़ाद कौरौ जू ऐलो दुनिया दी काम कौरौ।

इफिसियों 2:2

तैसी सौमय तुऐं इयौं दुनिया कै लोगौ कै तरीको कै पौछौड़ियौ चालौ थिए औरौ तुऐं शैतान कै आज्ञा कै मानौ थिए यानी तैसी प्रधान का जू आकाश दा दुष्टआत्माओं पांदी राज कौरौ, जू ऐबै बै तिनु लोगौ कै मनो दा काम कौरौ जू पौरमेशवर कै आज्ञा ना मानौ।

2 तीमुथियुस 1:12

औरौ इथ बौजै शै मोऐं इथै कोयदी दा दुख लौआ सौय पौरौ शर्मोऊं ना, जिथुकै हांव मसीह कै जाणुए जैसी पांदी मोऐं बिशवाश राए कौरे, औरौ मुखै पाको पौता औसौ, कै मसीह तैसी दूसौ तौड़ी जौल़ौ तौड़ी सै पाछु ना आंव, तैसी सुसमाचार कै रक्षा कौरणौ दा पूरी तरह शै काबिल औसौ जू तैणै मुखै दैय राए।

तीतुस 3:3

जिथुकै आमै बै इदै आगै मूर्ख, औरौ पौरमेशवर कै आज्ञा ना मानणोवाल़ै, लोगौ शै धौखा खाणौवाल़ै थिए, आमुए हर भान्त कै बुरै काम कौरे जू आमै कौरणा चोऊं थिए औरौ जिथु कौरणौ दा आमु मौज़ा आंव थिया। आमै आपणा सौमय बुरै तरीकै शै बर्ताव कौरणौ दै औरौ ओकी लोगौआरी ज़लन कौरणौ दै बितौऊं थिए, औरौ आमै नफरत कै लायक थिए; हर कुणिए आमुआरी नफरत कौरौ थिए औरौ आमै तिनुआरी नफरत कौरु थिए।

याकूब 4:4

ओए रै धौखै बाज लोगौ, का तुऐं ना जाणौ कै दुनिया कै चीज़ौ आरी दोस्‍ते कौरणै पौरमेशवर सै बैर कौरणा औसौ? इथकारिए जू कुणिए दुनिया कै चीज़ौ आरी दोस्ती राखणा चांव, सै आपी खै पौरमेशवर का बैरी बौणांव।

1 यूहन्ना 3:14

आमै जाणुए कै आमै मौत कै शौकतै शै आज़ाद हौए गौवै, औरौ ऐबै आमुकैंई पौरमेशवर कै ढौबौशै सौदा कै जिन्दगी औसौ; जिथुकै आमु भाईटु आरी प्यार राखु। जू प्यार ना कौरौ सै मौत कै औधिकार दा रौंव।

1 यूहन्ना 3:24

औरौ जू पौरमेशवर कै आज्ञा खै मानौए, सै तैसकै साथै औरौ पौरमेशवर तैसकै साथै बौणेयौंदा रौंव औरौ पवित्र आत्मा लैई जू तैणै आमु दैय राए, आमै जाणुए कै पौरमेशवर अमारै साथै बौणेयौंदा रौंव।

1 यूहन्ना 5:10

जू पौरमेशवर कै बैटै पांदी बिशवाश कौरौए सै आपणै भीतरै गवाही राखौए; पौरौ जैणै पौरमेशवर पांदी बिशवाश ना कौरी तैणै पौरमेशवर कै झूठा बाणै राए; जिथुकै तैणै तियौं गवाही पांदी बिशवाश ना कौरी जू पौरमेशवरे आपणै बैटै कै बारै मुंजी दैय राए।

1 यूहन्ना 5:13

मोऐं तुऔं ऐजै चिट्ठी इथकारिए लैखै लौए कै तुऐं पौरमेशवर कै बैटै कै औधिकार पांदी बिशवाश कौरौ, ताकि तुऐं ऐजौ जाणै पांव कै सौदा कै जिन्दगी तोंवारै औसौ।

1 यूहन्ना 5:15

औरौ जोबै आमै जाणुए कै जू किछै आमै पौरमेशवर कैईंदु मांगुए सै अमारै शुणौए, तौ ऐजौ बै जाणुए कै जू किछै आमुए तैसी कैईंदु मांगुए, सै आमु दैंदा।

1 यूहन्ना 5:18

आमै जाणुए कै जू कुणिए पौरमेशवर कै संतान औसौ सै लगातार पाप ना कौरौ; पौरौ जू पौरमेशवर कै संतान औसौ, तैसीखै सै बौचाएयौ राखौ: औरौ तैसीखै दुष्ट शैतान छोए बै ना सौकौ।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।

प्रकाशितवाक्य 12:9

इथकारिए तैसी औरौ तैसकै दूतौ खै धोरती पांदी फेरकाए दियै। ऐजा बौड़ा अजगर, सैजाई औसौ जू बैजाए सौमय औगौड़ियौ शोंगोऊं कै भैष दा दैखैयो थिया, जैसी शैतान या दोष लाणौ वाल़ा बै बौला जांव। ऐजा सैजाई औसौ जू इयौं दुनिया कै लोगौ खै धौखा दैंदा आए रौआ।