1 यूहन्ना 5:11 - सिरमौरी नौवाँ नियम

¹¹ औरौ सैजी गवाही ऐजी औसौ कै पौरमेशवरे आमु सौदा कै जिन्दगी दैय राए, औरौ ऐजी सौदा कै जिन्दगी आमु तैसकै बैटै कै दवारा भैटी रौए।

Sirmouri

¹¹ सेजी गुवाऐ-शाज़्त ऐजी असो: के पंण्मिश्वरे आँमों खे अमर-जीवन देऐ थुवा, किन्देंखे के सेजा अमर-जीवन तिनके बैटे दा असो।

1 यूहन्ना 5:11 ပူးပေါင်းရင်းမြစ်များ

मत्ती 25:46

औरौ सैजै लोग जू डैरै ढौबौ औसौ सौदा कै सौजा भुकतदै पौरौ धरमी लोग सौदा कै जिन्दगी दै जांदै।”

यूहन्ना 1:19

जोबै यहूदी नेताए यरूशलेम शहर शै यहूदी पुरोहित औरौ लेवी मौरदो खै यूहन्ना कैंईदौ ऐजौ पूछणो कारिए भैजै, “तू कुण औसौ?” तौ यूहन्ना कै गवाही ऐजै थी,

यूहन्ना 1:4

सै सौबी जिन्दगीयों का स्रोत औसौ, औरौ सै सैजाई औसौ, जू सौबी लोगौ कै पेयाशो दैंव।

यूहन्ना 10:28

औरौ हांव तिनुकै सौदा कै जिन्दगी दियु, औरौ सै कौलोंई नाश ना हौंदै औरौ कुणिए तिनुखै मुंआदे छीणै ना सौकौ।

यूहन्ना 12:50

औरौ हांव जाणुए कै तैसकै आज्ञा कै मानणै सौदा कै जिन्दगी कै ढौबौ लोए जांव इथकारिए हांव तुऔं सैजौई बौतौऊं, जू पिता पौरमेशवर मुंकैई बौल़ौ।”

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 19:35

जैसी आदमीए ऐजौ सौबै दैखौ, तैणै ऐजी गवाही दी की तुऐं बै यीशु पांदी बिशवाश कौरौ; जिथुकै तैसकै गवाही साची औसौ। औरौ सै जाणौए कै सै साचौ बौल़ौ।

यूहन्ना 3:36

जू पौरमेशवर कै बैटै पांदी बिशवाश कौरौ, सै सौदा कै जिन्दगी पांव; पौरौ जू बैटै कै ना मानौ, तैसी सौदा कै जिन्दगी ना भैटदी, पौरौ पौरमेशवर कै सौजा तैसी पांदी रौंदै।”

यूहन्ना 4:36

औरौ फसल काटणौ वाल़ै आगै ही काम कौरे लौआ, औरौ आपणै धियाड़ी पाए लोए, औरौ सै ऐजौ औसौ, कै तिनुऐ तिनु लोगौ कै कौठै कौरे लौवै जू सौदा कै जिन्दगी पालै, कै बौणौवाल़ा औरौ काटणौवाल़ा दुईनै खोशे मौनालै।

यूहन्ना 4:4

औरौ तैसीखै सामरिया प्रदेश शै हौयौ जाणौ जौरुरी थियु जिथुकै पौरमेशवर बै ऐजौ ही चांव थिया।

यूहन्ना 5:21

जिथुकै जैशै पिता पौरमेशवर मौरेयौंदे लोगौ कै औटेयौ जियुंदै कौरौ, तैशैखैई हांव बै जिनुखै चोऊं, तिनुखै जिन्दगी दियु।

यूहन्ना 5:26

जिथुकै जैशैकै पिता पौरमेशवर आपणै आपी दा जीवन राखौ तैशैकैई तैणै मुखै बै जू तैसका बैटा औसौ ऐजा औधिकार दैय राए कै आपी दा जीवन राखु।

यूहन्ना 6:40

जिथुखै मैरै पिता पौरमेशवर कै ऐजी इछा औसौ, कै जू कुणिए मुखै जू पौरमेशवर का बैटा औसौ दैखौ, औरौ मुं पांदी बिशवाश कौरौ, सै सौदा कै जिन्दगी पांदा औरौ हांव तैसीखै आखरी दूसै हौजौ मौरेयौंदे मुंजीदै जियुंदी कौरे दैंदा।”

यूहन्ना 6:47

हांव तुऔं खै साचौ-साचौ बुलू, कै जू कुणिए बिशवाश कौरौ, सौदा कै जिन्दगी तैसकै औसौ।

यूहन्ना 6:68

शमौन पतरसे यीशु खै जवाब दिया, “ओए रै प्रभु आमै कोसके धोरे जोऊं? सौदा कै जिन्दगी कै बातौ तौ तैरै ही धोरे औसौ।

रोमियों 5:21

कै जैशै सौबै लोगै पाप कौरा औरौ सै सौबै मौरे गौवै, तैशैखैई अमारै प्रभु यीशु मसीह कै दवारा पौरमेशवर का अनुग्रह तिनु धरमी औरौ सौदा कै जिन्दगी दैंदा।

रोमियों 6:23

जिथुकै पाप वाल़ै कामौ का नतीजा तौ मौत औसौ, पौरौ जू वरदान पौरमेशवर आमु दैंव, सै सौदा कै जिन्दगी औसौ जू अमारै प्रभु मसीह यीशु दै औसौ।

1 तीमुथियुस 1:16

पौरौ मसीह यीशुए मुंआरी दया दिखाए। मुखै माफ कौरा, मोऐं जैणै सौबी दै जादा पाप कौरे राए, इयौं बातौ लैई प्रभु ऐजौ दिखाणौ चांव कै सै कैतरा सहनशील औसौ। ऐजौ तिनु लोगौ कारिए ऐक उदारण हौंदा जू तैसी पांदी बिशवाश बाद मै कौरदै औरौ सौदा कै जिन्दगी पांदै।

तीतुस 1:2

इथका नतीजा ऐजा औसौ, कै लोग पौरमेशवर कै साथै हमैशा रौणौ कै आशा कौरौ, जिथुकै पौरमेशवर कौलोंई झूठु ना बौल़ौ, तैणै दुनिया कै बाणणौ दा आगै वादा कौरे राए थिया कै तैसकै लोग सौदा कारिए जियुंदी रौंदै।

1 यूहन्ना 2:25

औरौ पौरमेशवरे आमुआरी वादा कौरे राए कै सै आमु सौदा कै जिन्दगी दैंदा।

1 यूहन्ना 4:10

साचा प्यार ऐजा ना आथी कै आमै पौरमेशवरे आरी प्यार कौरा, पौरौ तैसका प्यार औसौ जू प्यार सै आमुआरी कौरौ; औरौ पौरमेशवरे अमारै पापौ कै बलिदान कारिए आपणै बैटै खै भैजा ताकि तैसकै दवारा अमारै पाप माफ हौंव।

1 यूहन्ना 4:9

जू प्यार पौरमेशवर आमुआरी कौरौ, सै ऐशैखै प्रगट हौंव कै पौरमेशवरे आपणै इकलौतै बैटै खै दुनिया पांदी छाड़ै राए कै आमै तैसकै दवारा सौदा कै जिन्दगी पांव।

1 यूहन्ना 5:10

जू पौरमेशवर कै बैटै पांदी बिशवाश कौरौए सै आपणै भीतरै गवाही राखौए; पौरौ जैणै पौरमेशवर पांदी बिशवाश ना कौरी तैणै पौरमेशवर कै झूठा बाणै राए; जिथुकै तैणै तियौं गवाही पांदी बिशवाश ना कौरी जू पौरमेशवरे आपणै बैटै कै बारै मुंजी दैय राए।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।

1 यूहन्ना 5:7

औरौ गवाही दैणैवाल़ै तीन औसौ;

3 यूहन्ना 1:12

कलीसिया कै सौबै लोग बौल़ौए कै दिमेत्रियुस ऐक आछा आदमी औसौ औरौ सौचाई कै हिसाब शै जियौंए, औरौ आमै बै ऐजौ बुलू कै सै ऐक आछा आदमी औसौ, औरौ तू जाणै कै आमै जू बौल़ै लो सैजौ साचौ औसौ।

यहूदा 1:21

आपी दा पौरमेशवर कै प्यार खै महसूस कौरौ; जोबै कै तुऐं अमारै प्रभु यीशु मसीह का उमीद कै साथै इंतजार कौरे लौआ कै तुऔं सौदा कै जिन्दगी भैटदै। सै तुऔं कै सौदा कै जिन्दगी दैंदा जिथुकै सै तुऔंआरी प्यार कौरौ।

प्रकाशितवाक्य 1:2

यूहन्नाए सैजौ सौब ठुँ लिखु, जू तैणै दैखौ, यानी सैजा सौंदेश जू पौरमेशवर कै ढौबौशा आए रौआ थिया औरौ सैजौ सौब ठुँ जू यीशु मसीहे बौल़ै राए थियु।

प्रकाशितवाक्य 22:1

तोबै स्‍वर्गदूतै मुखै ऐक नोंदी दिखाए जिंदु जिन्दगी कौ पाणी थियु। पाणी साफ कांचो कै जैशणौ चौमकौ थियु। ऐजौ पौरमेशवर औरौ मेम्ने कै सिंहासन शै बौंहदौ लाग रौ थियु।