1 यूहन्ना 4:9 - सिरमौरी नौवाँ नियम

⁹ जू प्यार पौरमेशवर आमुआरी कौरौ, सै ऐशैखै प्रगट हौंव कै पौरमेशवरे आपणै इकलौतै बैटै खै दुनिया पांदी छाड़ै राए कै आमै तैसकै दवारा सौदा कै जिन्दगी पांव।

Sirmouri

⁹ आँमों मुँझी पंण्मिश्वर को पियार ऐशो दाई पर्गट हुवो; के पंण्मिश्वरे आप्णें ऐकलोता बैटा भे ईयों संईसारी दे ईन्देंखे डियाल़े, के आँमों तिनकी जाँणें अमर-जीवन भेटो।

1 यूहन्ना 4:9 ပူးပေါင်းရင်းမြစ်များ

मरकुस 12:6

ऐबै ऐकैई रौए गौआ थिया, जू तैसका लाड़कु बैटा थिया; आखिर दा तैणै तैसीखै बै तिनकै कै धोरे ऐजौ सोंचैबा छाड़ा कै सै मैरै बैटै कै इज्जत कौरलै।

लूका 4:18

“प्रभु का पवित्र आत्मा मुं पांदी औसौ, इथकारिए तैणै मैरा अभिषेक कौरे राए, औरौ तैणै मुखै कैदी कै आज़ाद कौरणौ कारिए, आन्धै कै नज़र दैणौ कारिए, औरौ दोबैयौंदे कै छुड़ाणो कारिए, औरौ ऐजौ बौताणौ कारिए कै पौरमेशवर कै दया दिखाणौ का सौमय आए गौआ इथकारिए छाड़ै राए।

यूहन्ना 10:10

चोर सिरफ भेड़ो कै चुराणो, मारणौ औरौ नाश कौरणौ कारिए ही आंव। हांव इथकारिए ओऊवा ताकि सै पूरी तरह शै जियुंदै रौंव।

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 3:16

“जिथुकै पौरमेशवरे दुनिया कै लोगौ शै ऐशणा प्यार कौरा, की तैणै आपणा इकलौता बैटा बै दैय दिया, ताकि जू कुणिए तैसी पांदी बिशवाश कौरौ सै नाश नी हौंव पौरौ सौदा कै जिन्दगी पांव।

यूहन्ना 3:18

जू पौरमेशवर कै बैटै पांदी बिशवाश कौरौ, तैसी पांदी कौलोंई दोष ना लाया जांव, पौरौ जू तैसी पांदी बिशवाश नै कौरला सै दोषी बौणै गौआ, इथकारिए की तैणै पौरमेशवर कै इकलोतै बैटै पांदी बिशवाश नै कौरी।

यूहन्ना 5:23

जिथुकै जैशैखै सौबै लोग पिता पौरमेशवर कै आदर दैंव, तैशैखैई मुखै बै आदर दैंव; जै कुणिए मुखै आदर ना दैंव तौ सै पिता पौरमेशवर कै बै आदर ना दैंव जैणै मुखै छाड़ै राए।

यूहन्ना 6:29

यीशुए तिनुखै जवाब दिया, “पौरमेशवर चांव कै तुऐं मुं पांदी बिशवाश कौरौ जैणै तैसी छाड़ै राए।”

यूहन्ना 6:51

जीवन कै रोटै जू स्वर्ग शै उतरी रौए सै हांव औसौ जै कुणिए इयौं रोटी पौरैशौ खांव तौ हमैशा जियुंदा रौंदा औरौ जू रोटै हांव दुनिया कै लोगौ खै जीवन कारिए दियुंबा, सै मैरा शोरीर औसौ।”

यूहन्ना 6:57

मैरा पिता पौरमेशवर जैणै मुखै भैज राए सै जीवन दैंव। जैशैकै तैणै मुखै जीवन दैय राए तैशैकैई हांव बै तैसी आदमी कै जीवन दियुंबा जू मैरै शोरीर कै खांव।

यूहन्ना 8:29

मैरा भैजणौवाल़ा मैरै साथै औसौ, तैणै मुखै इकली ना छोड़े रैई जिथुखै हांव हमैशा सैजाई काम कौरु, जिथलैई सै खुश हौंव।”

यूहन्ना 8:42

यीशुए तिनुकै बौल़ौ, “जै पौरमेशवर तोंवारा पिता पौरमेशवर हौंदा, तौ तुऐं मुं आरी प्यार राखदै, जिथुकै हांव पौरमेशवर कै ढौबौशा आए रौआ, हांव खुद शै ना आए रैई पौरौ तैणै ही मुखै भैजै राए।

यूहन्ना 9:3

यीशुए जवाब दिया, “ना तौ ऐणै पाप कौरे राए थिया, ना ऐसकै माँ बापूए पाप कौरे रैई थी, पौरौ ऐजा इथकारिए आन्धा पौयदा हौआ ताकि पौरमेशवर कै चौमत्कार कै काम तैसी पांदी प्रगट हौंव।

रोमियों 8:32

पौरमेशवरे आपणै बैटै कै आपी कारिए ना राखी, पौरौ तैसीकै अमारै खातिर आपणै दुशमन कै सौंपै दिया, सै आमु सैजौ सौबै ठुँ बै दैंदा जू वादा तैणै आमुआरी कौरे राए।

इब्रानियों 1:5

पवित्र शास्त्र दो पौरमेशवरे आपणै कोसी बै स्‍वर्गदूत कै ऐशै ना बुली, तू मैरा बैटा औसौ; ऐलो हांव ताखै बैटै कै रुप दा प्रकट कौरु औरौ ऐजौ तैणै ऐशै आपणै कोसी बै स्‍वर्गदूत कै ना बुली, हांव तैसका पिता बौणदा, “औरौ सै मैरा बैटा बौणै जांदा।”

1 यूहन्ना 3:16

आमुए प्यार इथलैई जाणा कै यीशु मसीहे आमु कारिए आपणै प्राण दैय दियै, इथकारिए आमु बै भाईटु कारिए प्राण दैणै चैंई।

1 यूहन्ना 4:10

साचा प्यार ऐजा ना आथी कै आमै पौरमेशवरे आरी प्यार कौरा, पौरौ तैसका प्यार औसौ जू प्यार सै आमुआरी कौरौ; औरौ पौरमेशवरे अमारै पापौ कै बलिदान कारिए आपणै बैटै खै भैजा ताकि तैसकै दवारा अमारै पाप माफ हौंव।

1 यूहन्ना 4:16

औरौ आमै जाणै पोऊ कै पौरमेशवर आमुआरी प्यार कौरौ, औरौ आमै तैसी पांदी बिशवाश बै कौरु। पौरमेशवर प्यार औसौ, औरौ जू प्यार दा बौणेयौंदा रौंव सै पौरमेशवर दा बौणेयौंदा रौंव, औरौ पौरमेशवर तेसिदा बौणेयौंदा रौंव।

1 यूहन्ना 5:11

औरौ सैजी गवाही ऐजी औसौ कै पौरमेशवरे आमु सौदा कै जिन्दगी दैय राए, औरौ ऐजी सौदा कै जिन्दगी आमु तैसकै बैटै कै दवारा भैटी रौए।

1 यूहन्ना 5:13

मोऐं तुऔं ऐजै चिट्ठी इथकारिए लैखै लौए कै तुऐं पौरमेशवर कै बैटै कै औधिकार पांदी बिशवाश कौरौ, ताकि तुऐं ऐजौ जाणै पांव कै सौदा कै जिन्दगी तोंवारै औसौ।