1 यूहन्ना 4:15 - सिरमौरी नौवाँ नियम

¹⁵ जू कुणिए ऐजौ अंगीकार कौरे पांव कै यीशु पौरमेशवर का बैटा औसौ, पौरमेशवर तेसिदा बौणेयौंदा रौंव, औरौ सै पौरमेशवर दा बौणेयौंदा रौंव।

Sirmouri

¹⁵ जुण्जा कुँऐं ऐजो मानी पाँव के प्रभू यीशू मसीया ही पंण्मिश्वर का बैटा असो, तअ से पंण्मिश्वर दा अरह् पंण्मिश्वर तैस्दा बास करह्।

1 यूहन्ना 4:15 ပူးပေါင်းရင်းမြစ်များ

मत्ती 10:32

“जू कुणिए आदमी कै सामणै बौल़ौ, कै सै मैरै चैलै औसौ तिनुखै हांव बै आपणै स्वर्गीय पिता कै सामणै बुलूबा कै ऐजै मैरै चैलै औसौ।

लूका 12:8

“हांव तुऔं बुलू: जू कुणिए आदमी कै सामणै बौल़ौ, कै सै मैरै चैलै औसौ, तौ तैसीकै हांव आदमी का बैटा बै पौरमेशवर कै स्‍वर्गदूतौ कै सामणै बुलूबा कै ऐजै मैरै चैलै औसौ।”

यूहन्ना 6:56

जू मैरा शोरीर खांव औरौ मैरा लोऊ पियौं सै मुंआरी जियुंदा बौणेयौंदा रौंव। औरौ हांव तैसीआरी जियुंदा बौणेयौंदा रोऊं।

प्रेरितो कै काम 8:37

फिलिप्पुसे बौल़ौ, “जै तू सारै मन लैई बिशवाश कौरे तौ लोए सौकै।” तैणै जोवाब दिया, “हांव बिशवाश कौरु कै यीशु मसीह ही पौरमेशवर का बैटा औसौ।”

रोमियों 10:9

इथकारिए जै तुऐं आपणै मुँह लैई लोगौ कै सामणै यीशु मसीह कै प्रभु जाणैयौ अपनांव, औरौ आपणै मन दा ऐजा बिशवाश कौरौ कै पौरमेशवरे मसीह कै मौरेयौंदे मुंजीदा जियुंदी कौरा, तौ पौरमेशवर तैरा उध्दार कौरदा।

फिलिप्पियों 2:11

औरौ पौरमेशवर पिता कै महिमा कारिए सौबै लोग अंगीकार कौरे पाव कै यीशु मसीह ही प्रभु औसौ।

1 यूहन्ना 2:23

जू कुणिए पौरमेशवर कै बैटै कै मौना कौरौ तैसीकैईं पिता पौरमेशवर बै ना आथी, जू बैटै खै मानै पांव, तैसीकैईं पिता पौरमेशवर बै औसौए।

1 यूहन्ना 2:24

जू साचा सौंदेश तुऐं तोबै शुणा जोबै तुऐं मसीह पांदी बिशवाश कौरे राए थिया, सैजाई तुऔं दा बौणेयौंदा रौंव; औरौ जै सैजा सौंदेश तुऔं दा बौणेयौंदा रौंव तौ तुऐं बै बैटै दै औरौ पिता पौरमेशवर दै बौणैयौंदे रौलै।

1 यूहन्ना 3:23

औरौ तैसकै आज्ञा ऐजी औसौ कै आमै तैसकै बैटै यीशु मसीह कै नांव पांदी बिशवाश कौरो, औरौ जैशै मसीहे आमु आज्ञा दैय राए तिथकै हिसाब शै आपी मुंजी प्यार राखौ।

1 यूहन्ना 3:24

औरौ जू पौरमेशवर कै आज्ञा खै मानौए, सै तैसकै साथै औरौ पौरमेशवर तैसकै साथै बौणेयौंदा रौंव औरौ पवित्र आत्मा लैई जू तैणै आमु दैय राए, आमै जाणुए कै पौरमेशवर अमारै साथै बौणेयौंदा रौंव।

1 यूहन्ना 4:12

पौरमेशवर खै कौलोंई कुणिए ना दैखै रैई, जै आमै आपी मुंजी प्यार राखु, तौ पौरमेशवर आमुदा बौणेयौंदा रौंव औरौ तैसका प्यार आमुदा सिध्द हौंव।

1 यूहन्ना 4:2

पौरमेशवर कै आत्मा कै तुऐं ऐशैखै पौछेयाणै सौकौ, कै जू कुणिए आदमी ऐजौ मानै पांव कै यीशु मसीह ऐक आदमी कै रुप दा आए रौआ औरौ सै पौरमेशवर कै ढौबौशा औसौ।

1 यूहन्ना 5:1

जैसका ऐजा बिशवाश औसौ कै यीशु ही मसीह, औरौ पौरमेशवर कै ओलाद औसौ, औरौ जू कुणिए पिता पौरमेशवर शै प्यार राखौ, सै तैसीआरी बै प्यार राखौ जू तैसकै ओलाद औसौ।

1 यूहन्ना 5:5

दुनिया पांदी जय पाणौ वाल़ा कुण औसौ? सिरफ सैजा जैसका ऐजा बिशवाश औसौ, कै यीशु ही पौरमेशवर का बैटा औसौ।

2 यूहन्ना 1:7

मोऐं ऐजौ इथकारिए बौल़ै लो जिथुकै बौहितै सारै लोग झूठी शिक्षा दैयौ लोगौ कै धौखा दैय लौआ, सै दुनिया दै आए गौवै। औरौ सै बौल़ौए यीशु मसीह ऐक आदमी बोणेयो इयौं सोंईसारी पांदी ना आए रैई। जै कोसी आदमीए ऐशणै बात बौल़ै लौए तौ सै मसीह का दुशमन औसौ जू लोगौ कै सौदा धौखा दैंव।