1 यूहन्ना 3:23 - सिरमौरी नौवाँ नियम

²³ औरौ तैसकै आज्ञा ऐजी औसौ कै आमै तैसकै बैटै यीशु मसीह कै नांव पांदी बिशवाश कौरो, औरौ जैशै मसीहे आमु आज्ञा दैय राए तिथकै हिसाब शै आपी मुंजी प्यार राखौ।

Sirmouri

²³ ऐजी पंण्मिश्वर की अज्ञाँ असो, के आँमें तिनके बैटे मसीया प्रभू यीशू के नाँव गाशी बिश्वाष करह्, अरह् आँमों मुँझी पियार हों, जैष्णी तिन्ऐ आँमों खे अज्ञाँ देऐ थऐ।

1 यूहन्ना 3:23 ပူးပေါင်းရင်းမြစ်များ

मत्ती 22:39

औरौ तियौंई साए ऐजै दूजै बै औसौ, कै तू आपणै पड़ोसी आरी तैशणा प्यार कौर जैशणा आपिआरी कौरे।

मरकुस 9:7

तोबै ऐक बादल़ तिनु पांदी छाए गौआ, औरौ तिनुऐ तैसी बादल़ौ पौरैशा पौरमेशवर कै ऐजौ बौलदै शुणा कै, “ऐजा मैरा लाड़कु बैटा औसौ; ऐसकी शुणौ।”

यूहन्ना 1:12

पौरौ जैतरै लोगै तैसी अपनोऊवा, तैणै तिनु पौरमेशवर कै सन्‍तान हौणौ का औधिकार दिया, यानी तिनु जू तैसी पांदी बिशवाश कौरौ।

यूहन्ना 13:34

हांव तुऔं ऐक बौड़ै आज्ञा दियु, कै ऐकी दुजैआरी प्यार राखैया। ऐशैखैई जैशै मोऐं तुऔं आरी प्यार राखा, तैशैकैई तुऐं बै ऐकी दुजैआरी प्यार कौरेया।

यूहन्ना 14:1

यीशुए तिनुखै बौल़ौ, “तोंवारा मन नी घोबराणा चैंई, तुऐं पौरमेशवर पांदी बिशवाश राखौ औरौ मुं पांदी बै बिशवाश राखौ।

यूहन्ना 15:12

“मैरी आज्ञा ऐजी औसौ, कै ऐशैखैई जैशै मोऐं तुऔं आरी प्यार कौरा, तैशैकैई तुऐं बै ऐकी दूजै आरी प्यार राखौ।

यूहन्ना 17:3

सौदा कै जिन्दगी ऐजै औसौ कै लोग ताखै जाणै सौकौ, बल्कि सिरफ एकमात्र साची पौरमेशवर कै। औरौ ऐजौ बै कै सैजै मुखै जाणौ, यानी यीशु मसीह कै, जैसी तुऐं भैजै राए।

यूहन्ना 2:23

फसह कै तैयारो कै सौमय मुंजी जोबै यीशु यरूशलेम शहर दा थिया, तौ बौहितै लोगै तिनु निशान कै जू यीशु दिखांव थिया तिनुकै दैखैयो तैसी पांदी बिशवाश कौरा।

यूहन्ना 3:18

जू पौरमेशवर कै बैटै पांदी बिशवाश कौरौ, तैसी पांदी कौलोंई दोष ना लाया जांव, पौरौ जू तैसी पांदी बिशवाश नै कौरला सै दोषी बौणै गौआ, इथकारिए की तैणै पौरमेशवर कै इकलोतै बैटै पांदी बिशवाश नै कौरी।

यूहन्ना 6:29

यीशुए तिनुखै जवाब दिया, “पौरमेशवर चांव कै तुऐं मुं पांदी बिशवाश कौरौ जैणै तैसी छाड़ै राए।”

प्रेरितो कै काम 16:31

तिनुऐ बौल़ौ, “प्रभु यीशु मसीह पांदी बिशवाश कौर, तोबै तू औरौ तैरा कुड़बा उध्दार पांदा।”

इफिसियों 5:2

औरौ प्यार दै चालौ जैशै मसीहे बै तुऔंआरी प्यार कौरा; मसीह कै उदारण कै पौछौड़ियौ चालदै रौव, औरौ ओकीआरी प्यार शै भौरेयौंदा जीवन जियौ, जैणै तुंआरी प्यार कौरा औरौ तोंवारै पापौ कै उठाणौ कारिए आपी कै बलिदान कौरेयौ दैय दिया। औरौ पौरमेशवर खुश इथलैई थिया, जिथुकै सैजा बलिदान तैसी कारिए खुशबूदार इत्र कै जैशणा थिया।

1 थिस्सलुनीकियों 4:9

पौरौ साथी बिशवाशियौं कै प्रति प्यार कै बारै मुंजी ऐजौ जौरुरी ना आथी, कै हांव तुऔं कारिए किछै लिखु; जिथुकै आपी मुंजी प्यार राखणा तुऐं आपी ही पौरमेशवर शै शैखै राखा;

1 तीमुथियुस 1:15

ऐजै कहावत साची औसौ, जियौं पूरी तरह शै मानणी औरौ बिशवाश कौरणी चैंई कै यीशु मसीह आमु पापी लोगौ कै बौचाणौ कारिए दुनिया दा ओऊवा, जिनुमुंजी सौबिदा जादा पापी हांव औसौ।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

1 पतरस 4:8

सौबदै खास बात ऐजै औसौ, कै ऐकी दुजैआरी जादा शै जादा प्यार कौरौ जिथुकै जै तुऐं लोगौआरी प्यार कौरलै तौ तुऐं हमैशा कोसी बै गौलत काम खै माफ कौरणौ कारिए तैयार रौंदै जू तिनुऐ कौरे राए।

1 यूहन्ना 2:7

ओए रै प्यारो, मोऐं तुऔं खै कुणजै नोऐं आज्ञा ना लैखै लैई, पौरौ सैजी पुराणी आज्ञा जू शुरु सै तुऔं भैट रौए; जिथु तुऐं शौणै राए जोबै तुऐं मसीह पांदी बिशवाश कौरा।

1 यूहन्ना 3:11

जू समाचार तुऐं शुरु शै शौणै राए, सै ऐजा औसौ कै आमु ऐकी दुजैआरी प्यार कौरणा चैंई।

1 यूहन्ना 4:15

जू कुणिए ऐजौ अंगीकार कौरे पांव कै यीशु पौरमेशवर का बैटा औसौ, पौरमेशवर तेसिदा बौणेयौंदा रौंव, औरौ सै पौरमेशवर दा बौणेयौंदा रौंव।

1 यूहन्ना 4:21

मसीह कैईंदै आमु ऐजै आज्ञा भैटी रौए, कै जू कुणिए पौरमेशवर आरी प्यार राखौ सै आपणै बिशवाशी भाईटु आरी बै प्यार राखौ।

1 यूहन्ना 5:13

मोऐं तुऔं ऐजै चिट्ठी इथकारिए लैखै लौए कै तुऐं पौरमेशवर कै बैटै कै औधिकार पांदी बिशवाश कौरौ, ताकि तुऐं ऐजौ जाणै पांव कै सौदा कै जिन्दगी तोंवारै औसौ।