1 यूहन्ना 3:21 - सिरमौरी नौवाँ नियम

²¹ ओए रै प्यारो, जै अमारा मन आमु दोषी ना ठोहरांव, तौ आमु पौरमेशवर कै सामणै हिम्मत हौंव।

Sirmouri

²¹ हे प्यारों, जे अमाँरी अन्तर-आत्त्मा आँमों दुषी कसूरबार ने बाँणों, तअ आँमें पंण्मिश्वर के साम्णें नीडर बंणें अंदे रंह्दे;

1 यूहन्ना 3:21 ပူးပေါင်းရင်းမြစ်များ

रोमियों 14:22

तू इनु बातौ कै बारै मुंजी जू किछै मानै सै तैरै औरौ पौरमेशवर कै बीच कै बात औसौ। धन्‍य औसौ सैजा जू तैसी बातौ दा, जिथुखै सै ठीक सौमझौ, आपी खै दोषी ना मानौ।

1 कुरिन्थियों 4:4

जिथुकै मैरा विवेक मुखै कोसी बातौ दा दोषी ना ठोहरांव, पौरौ इथलैई हांव बैकसूर ना ठौरु, जिथुकै मैरा पोरखणै वाल़ा प्रभु औसौ।

2 कुरिन्थियों 1:12

जिथुकै आमु गर्व औसौ कै अमारा विवेक साफ औसौ, कै दुनिया दा औरौ खास कौरेयौ तोंवारै बीच अमारा चरित्र जू पौरमेशवर कै ढौबौशा औसौ ऐशणी पवित्रता औरौ सौचाई कै साथै थिया, आमु आदमियों कै ज्ञान पांदी भोरोशा ना राखु। पौरौ पौरमेशवर कै अनुग्रह पांदी राखु।

इफिसियों 3:12

मसीह कै साथै अमारै जुड़णौ कै बौजैह शै औरौ तैसी पांदी अमारै बिशवाश की बौजैह शै, ऐबै आमु पौरमेशवर कै सामणै हिम्मत औरौ आत्मविशवास शै आए सौकु।

1 तीमुथियुस 2:8

हांव चोऊं कै हर जौगैह सभाओ दै सैजै मर्द जू पवित्र जीवन जियौं, आपणै हाथौ खै टिपयौ, बिना खीजै औरौ बिना बैहस कै प्रार्थना कौरेया कौरौ।

इब्रानियों 10:22

अमारै दिल कै मसीहे आपणै लोऊ लैई पवित्र कौरे राए ताकि आमै जाणै सौकु कै ऐबै आमु दै कुणजै गौलती ना आथी। अमारै शोरीर खै शुध्द पाणी लैई धौयौ आमु तैयार कौरे राए। इथकारिए बिशवाशी भाईयों, आमु आपणै पूरै मन औरौ ऐशणै बिशवाश कै साथै पौरमेशवर कै नेड़िक ओऊं। जू ऐबै हिली ना सौकौ

इब्रानियों 4:16

इथकारिए आओ, आमु हिम्मत कै साथै पौरमेशवर कै धोरे ओऊं, जू अनुग्रह लैई भौरेयौंदा औसौ तोबै पौरमेशवर आमु दया औरौ अनुग्रह दिखांदा औरौ जोबै आमु जौरुरत हौलै तोबै सै अमारै मौदद कौरदा।

1 यूहन्ना 2:28

ओए रै नानड़िया, मसीह कै साथै बौणैयौंदे रौव कै जोबै सै औटेयौ प्रगट हौंव तौ आमु हौंसला भैटौ, औरौ आमै तैसकै आणौ पांदी तैसकै सामणै बैज्जत ना हौंव।

1 यूहन्ना 2:7

ओए रै प्यारो, मोऐं तुऔं खै कुणजै नोऐं आज्ञा ना लैखै लैई, पौरौ सैजी पुराणी आज्ञा जू शुरु सै तुऔं भैट रौए; जिथु तुऐं शौणै राए जोबै तुऐं मसीह पांदी बिशवाश कौरा।

1 यूहन्ना 3:2

ओए रै प्यारो, ऐबै आमु पौरमेशवर कै ओलाद औसौ, औरौ इबी तौड़ी ऐजौ प्रगट ना हौए रैई कै आमु का बौणदै। आमु ऐतरो जाणु कै जोबै यीशु मसीह प्रगट हौला तौ आमै तैसकै जैशणै हौंदै जिथुकै आमै तैसीखै तैशणाई दैखदै जैशणा सै औसौ।

1 यूहन्ना 4:17

इथी लैई प्यार आमुदा पूरा हौं कै, न्याय कै दूसै आमु हिम्मत भैटौ कै पौरमेशवर आमु सौजा ना दैंदा, जिथुकै मसीह कै जैशणै आमु ओकीआरी प्यार कौरु औरौ इयौं दुनिया दै यीशु मसीह कै जैशणै रौंव।

1 यूहन्ना 5:14

आमु पौरमेशवर कै सामणै जू हिम्मत हौंव, सै ऐजी औसौ, कै जै आमु तैसकै इछा कै हिसाब शै मांगुए, तौ सै अमारी शुणौए।