1 यूहन्ना 3:14 - सिरमौरी नौवाँ नियम

¹⁴ आमै जाणुए कै आमै मौत कै शौकतै शै आज़ाद हौए गौवै, औरौ ऐबै आमुकैंई पौरमेशवर कै ढौबौशै सौदा कै जिन्दगी औसौ; जिथुकै आमु भाईटु आरी प्यार राखु। जू प्यार ना कौरौ सै मौत कै औधिकार दा रौंव।

Sirmouri

¹⁴ आँमें जाँणोऐं, के आँमें मऊँत्ती के बष शे दुर्के हऐयों अमर-जीवन दे पंऊँची रूऐ; किन्देंखे के आँमें आपु मुझी ओका ओकी शो पियार थंह्। परह् जुण्जा कुँऐं ओका ओकी शो पियार ने थंह्दा से हजो भे मऊँत्ती की बष दा असो।

1 यूहन्ना 3:14 ပူးပေါင်းရင်းမြစ်များ

मत्ती 25:40

तोबै हांव राजा तिनुखै जोवाब दैन्दा, ‘हांव तुऔं कैंई साचौ बुलू, कै जू तुऐं मैरै इनु नानड़ै शै नानड़ै साथी बिशवाशी मुंजी कोसी ऐकी खै साथै कौरौ, सैजौ मैरै ही साथै कौरे राए।’

लूका 15:24

जिथुकै मोऐं ऐजौ सोंचै राए थियु, कै मैरा नानड़ा बैटा मौरे गौआ, पौरौ ऐबै जियुंदा औसौ ऐजा हाँईची रौआ थिया, औरौ ऐबै भैटी गौआ।’ औरौ सै सौबै जोणे जोश्न मोनादै लागै।

लूका 15:32

पौरौ ऐबै जोश्न मोनाया औरौ खुशी हौया जिथुकै ऐजा तैरा भाई मौरे गौआ थिया औरौ ऐबै जियुंदा औसौ; ऐजा हाँईची गौआ थिया, ऐबै भैटी गौआ।”

लूका 7:5

जिथुकै सै अमारै जातिआरी प्यार राखौ, औरौ तैणैई अमारै यहूदी सभा-घोरो कै बाणै राए।”

यूहन्ना 13:35

जै तुऐं ऐकी दुजैआरी प्यार राखलै तौ सौबै लोग जाणदै कै तुऐं मैरै चैलै औसौ।”

यूहन्ना 15:12

“मैरी आज्ञा ऐजी औसौ, कै ऐशैखैई जैशै मोऐं तुऔं आरी प्यार कौरा, तैशैकैई तुऐं बै ऐकी दूजै आरी प्यार राखौ।

यूहन्ना 15:17

इनु बातौ की आज्ञा हांव तुऔं इथकारिए दियु कै तुऐं ऐकी दुजैआरी प्यार राखौ।”

यूहन्ना 5:24

हांव तुऔं खै साचौ-साचौ बुलू, जू मैरा वचन शौणैबा मैरै भैजणैवाल़ै पांदी बिशवाश कौरौ कै पिता पौरमेशवरे मुखै छाड़ै राए, सै सौदा कै जिन्दगी पांव, औरौ तिनुखै सौजा ना भैटदै, पौरौ सै सौदा कै मौत शै बौचै गौवै औरौ आगैई नौवें जिन्दगी दा प्रवेश कौरे पाए।”

2 कुरिन्थियों 5:1

जिथुकै आमुवा पौता औसौ, कै इथै धोरती पांदी अमारा शोरीर ऐक तोम्बू कै जैशणा औसौ, जिथमुंजी आमु रोऊं। जोबै आमै मौरुगै तौ आमु पौरमेशवर कै ढौबौशा स्वर्ग दा ऐक ऐशणा घोर भैटदा, जू आदमी कौ बाणैयोंदौ घोर ना आथी पौरौ ऐजा शोरीर स्वर्ग दा हमैशा तौड़ी बौणेयौंदा रौंदा।

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

इफिसियों 1:15

पौरमेशवरे जू किछै कौरे राए तिथकी बौजैह शै, हांव बै प्रभु यीशु पांदी तोंवारै बिशवाश औरौ पौरमेशवर कै पवित्र लोगौ कै प्रति तोंवारै प्यार कै बारै मुंजी शोणेयो,

इफिसियों 2:1

आगै तुऔं कैई पौरमेशवर कै ढौबौशा नौवाँ जीवन नी थी; आपणै बुरै काम औरौ पापौ की बौजैह शै तुऐं मौरेयौंदे लोगौ कै जैशणै थिए।

इफिसियों 2:5

जोबै आमै पापौ की बौजैह शै मौरेयौंदे कै जैशणै थिए, तौ तैणै आमु सौदा कै जिन्दगी दैय राए औरौ तैणै मसीह कै मौरेयौंदे मुंजीदा जियुंदी कौरा; औरौ पौरमेशवर कै अनुग्रह लैई अमारा उध्दार हौए रौआ,

कुलुस्सियों 1:4

जिथुकै आमुए शौणै राए कै तुऐं लोग मसीह यीशु पांदी बिशवाश कौरौए, औरौ सौबी पवित्र लोगौ आरी प्यार राखौ।

1 थिस्सलुनीकियों 4:9

पौरौ साथी बिशवाशियौं कै प्रति प्यार कै बारै मुंजी ऐजौ जौरुरी ना आथी, कै हांव तुऔं कारिए किछै लिखु; जिथुकै आपी मुंजी प्यार राखणा तुऐं आपी ही पौरमेशवर शै शैखै राखा;

इब्रानियों 13:1

ऐकी दूजै कै फिकर कौरदै रौव जैशै प्रभु कै चैलै खै कौरणी चैंई।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

1 पतरस 3:8

आखरी दौ हांव तुऔं सौबी खै बुलू, कै तुऔं सौबी का ऐक मन हौणा चैंई औरौ ऐकी दूजै कै फिकर कौरौ औरौ ऐकी दुजैआरी भाई-बौईणी कै जैशणा प्यार कौरौ औरौ ओकी पांदी दया कौरौ औरौ ऐकी दूजै कै साथै नम्र बौणौ।

2 पतरस 1:7

औरौ तुऔं ना सिरफ ऐशणै तरीकै शै जीणु चैंई जू पौरमेशवर खै खुश कौरौ पौरौ तुऔं ऐकी-दुजैआरी आपणै खुद कै परिवार कै जैशणा प्यार शै बर्ताव कौरणा चैंई। औरौ तुऔं ना सिरफ ऐकी-दूजै कै साथै आपणै खुद कै परिवार कै जैशणा प्यार कौरणा चैंई, पौरौ तुऔं सौबी लोगौआरी प्यार कौरणा चैंई।

1 यूहन्ना 2:3

जै आमु पौरमेशवर कै आज्ञाओं खै मानुए, तौ तेसीयांदा ही आमु पौता चालदा कै आमु तैसीखै जाणुए।

1 यूहन्ना 3:23

औरौ तैसकै आज्ञा ऐजी औसौ कै आमै तैसकै बैटै यीशु मसीह कै नांव पांदी बिशवाश कौरो, औरौ जैशै मसीहे आमु आज्ञा दैय राए तिथकै हिसाब शै आपी मुंजी प्यार राखौ।

1 यूहन्ना 4:12

पौरमेशवर खै कौलोंई कुणिए ना दैखै रैई, जै आमै आपी मुंजी प्यार राखु, तौ पौरमेशवर आमुदा बौणेयौंदा रौंव औरौ तैसका प्यार आमुदा सिध्द हौंव।

1 यूहन्ना 5:13

मोऐं तुऔं ऐजै चिट्ठी इथकारिए लैखै लौए कै तुऐं पौरमेशवर कै बैटै कै औधिकार पांदी बिशवाश कौरौ, ताकि तुऐं ऐजौ जाणै पांव कै सौदा कै जिन्दगी तोंवारै औसौ।

1 यूहन्ना 5:2

जोबै आमै पौरमेशवर आरी प्यार राखु औरौ तैसकी आज्ञाओं खै मानु, तौ इथी लैई आमै जाणै पांव कै आमु पौरमेशवर कै सौब ओलाद आरी प्यार राखु।