1 यूहन्ना 3:11 - सिरमौरी नौवाँ नियम

¹¹ जू समाचार तुऐं शुरु शै शौणै राए, सै ऐजा औसौ कै आमु ऐकी दुजैआरी प्यार कौरणा चैंई।

Sirmouri

¹¹ तुऐं शुरू शी ऊबी ऐजी खुषख्बरी शुणीं थऐ, के ओका ओकी शो आपु जैष्णों पियार थुऐ;

1 यूहन्ना 3:11 ပူးပေါင်းရင်းမြစ်များ

यूहन्ना 13:4

इथकारिए यीशु खाणौ पौरैशा बिज़यो आपणा लोइया खोले दिया, औरौ तौलिया लोयो आपणै कमर बानै।

यूहन्ना 15:12

“मैरी आज्ञा ऐजी औसौ, कै ऐशैखैई जैशै मोऐं तुऔं आरी प्यार कौरा, तैशैकैई तुऐं बै ऐकी दूजै आरी प्यार राखौ।

गलातियौं 6:2

तुऐं ऐकी-दूजै कै भार खै साझा कौरौ। ऐशैखैई तुऐं सैजौई कौरदै, जू मसीह चांव कै तुऐं कौरौ।

इफिसियों 5:2

औरौ प्यार दै चालौ जैशै मसीहे बै तुऔंआरी प्यार कौरा; मसीह कै उदारण कै पौछौड़ियौ चालदै रौव, औरौ ओकीआरी प्यार शै भौरेयौंदा जीवन जियौ, जैणै तुंआरी प्यार कौरा औरौ तोंवारै पापौ कै उठाणौ कारिए आपी कै बलिदान कौरेयौ दैय दिया। औरौ पौरमेशवर खुश इथलैई थिया, जिथुकै सैजा बलिदान तैसी कारिए खुशबूदार इत्र कै जैशणा थिया।

1 थिस्सलुनीकियों 4:9

पौरौ साथी बिशवाशियौं कै प्रति प्यार कै बारै मुंजी ऐजौ जौरुरी ना आथी, कै हांव तुऔं कारिए किछै लिखु; जिथुकै आपी मुंजी प्यार राखणा तुऐं आपी ही पौरमेशवर शै शैखै राखा;

1 तीमुथियुस 1:5

तुऔं आज्ञा दैणौ का मैरा मकसद ऐजा औसौ कै तुऐं ऐकी दुजैआरी साची मन शै औरौ आछै विवेक औरौ निष्कपट बिशवाश कै साथै प्यार कौरौ।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

1 पतरस 3:8

आखरी दौ हांव तुऔं सौबी खै बुलू, कै तुऔं सौबी का ऐक मन हौणा चैंई औरौ ऐकी दूजै कै फिकर कौरौ औरौ ऐकी दुजैआरी भाई-बौईणी कै जैशणा प्यार कौरौ औरौ ओकी पांदी दया कौरौ औरौ ऐकी दूजै कै साथै नम्र बौणौ।

1 पतरस 4:8

सौबदै खास बात ऐजै औसौ, कै ऐकी दुजैआरी जादा शै जादा प्यार कौरौ जिथुकै जै तुऐं लोगौआरी प्यार कौरलै तौ तुऐं हमैशा कोसी बै गौलत काम खै माफ कौरणौ कारिए तैयार रौंदै जू तिनुऐ कौरे राए।

1 यूहन्ना 1:5

जू सुसमाचार आमुए यीशु कैईंदा शुणा औरौ ऐबै तुऔं खै बै शुणौऊं, सै ऐजा औसौ; कै पौरमेशवर पेयाशै कै जैशणा आछा औसौ औरौ तैसिदो ऐशणौ किछै बै ना आथी जू बुरु औसौ।

1 यूहन्ना 4:11

ओए रै प्यारो, जोबै पौरमेशवरे आमुआरी ऐशणा प्यार कौरे राए, तौ आमु बै आपी मुंजी ऐकी दुजैआरी प्यार कौरणा चैंई।

1 यूहन्ना 4:21

मसीह कैईंदै आमु ऐजै आज्ञा भैटी रौए, कै जू कुणिए पौरमेशवर आरी प्यार राखौ सै आपणै बिशवाशी भाईटु आरी बै प्यार राखौ।

1 यूहन्ना 4:7

ओए रै प्यारे साथियो, आमै आपी मुंजी प्यार राखौ, जिथुकै प्यार पौरमेशवर शै औसौ। औरौ जू कुणिए ओकी लोगौआरी प्यार कौरौ सै पौरमेशवर कै संतान औसौ, औरौ पौरमेशवर खै जाणौए।

2 यूहन्ना 1:5

ऐबै ओए रै बोईण, हांव तांव कैईंदै बिन्ती कौरु कै आमु ऐकी दुजैआरी प्यार कौरणा चैंई। ऐजै कुणजै नोऐं आज्ञा ना आथी, पौरौ सैजै आज्ञा औसौ जियौं आमै तैसी सौमय शै जाणु जोबै आमुए मसीह कै मानणा शुरु कौरे राए थिया।