1 यूहन्ना 3:10 - सिरमौरी नौवाँ नियम

¹⁰ इनु बातौ लैई पौता चालौ पौरमेशवर कै सन्‍तान औरौ शैतान कै सन्‍तान कुण औसौ; जूणजै लोग धार्मिकता कै काम कौरौ सै पौरमेशवर कै ढौबौशै औसौ, औरौ जू आपणै भाईटु आरी प्यार कौरौ सैजैई पौरमेशवर कै ढौबौशै औसौ।

Sirmouri

¹⁰ पंण्मिश्वर की अलाद अरह् शैतान की अलाद के पछ़याण ईन्दें लई हों; के कुँऐं भे आदमी, जैस्का जीवन धार्मिक ने आथी, अरह् से आप्णें भाई-बंईणीं आरी पियार ने करदा सेजा आदमी पंण्मिश्वर का जंण ने आथी।

1 यूहन्ना 3:10 ပူးပေါင်းရင်းမြစ်များ

मत्ती 13:38

बागड़ी दुनिया कै लोग औसौ, औरौ आछौ बिज़ राज्य कै लोग औसौ, औरौ जोंगली बिज़ दुष्ट शैतान कै लोगौ औसौ।

लूका 6:35

जै तुऐं आपणै दुशमन आरी प्यार राखौ, औरौ भोलाए कौरौ, औरौ हौजौ पाछु पाणै कै उमीद नी राखैयौ उधार दैंव; तौ तुऔं कारिए बौड़ा फोल़ हौंदा। औरौ तुऐं सौबीदै बौड़ै पौरमेशवर कै नानड़िया ठोहरलै, जिथुकै सै तिनु पांदी जू धन्यवाद ना कौरौ औरौ बुरै लोगौ पांदी बै कृपा कौरणौवाल़ा औसौ।

यूहन्ना 1:12

पौरौ जैतरै लोगै तैसी अपनोऊवा, तैणै तिनु पौरमेशवर कै सन्‍तान हौणौ का औधिकार दिया, यानी तिनु जू तैसी पांदी बिशवाश कौरौ।

यूहन्ना 11:52

पौरौ सिरफ तिनु कारिए ना मौरदा। सै पौरमेशवर कै ओकी संतान कारिए बै मौरदा जू इयौं दुनिया पांदी बिखरेयोंदे औसौ, ताकि तिनु कौठै कौरे सौकौ।

यूहन्ना 8:44

तुऐं आपणै बापू शैतान शै औसौ औरौ आपणै बापू कै इछा खै पूरै कौरणै चांव। सै तौ आगै दा उंडा हथियारा औसौ, औरौ सै कौलोंई साचा ना थी, जिथुखै सौचाई तैसदै आथी ना, जौल़ौ सै झूठु बौल़ौ, तौ सै आपणै स्‍वभाव शै बौल़ौ, जिथुखै सै झूठा औसौ, औरौ झूठै का बापू औसौ।

यूहन्ना 8:47

जू कुणिए पौरमेशवर शै सौमबंध राखौ, सै पौरमेशवर कै बातौ शुणौ, औरौ तुऐं इथकारिए ना शुणौ कै तुऐं पौरमेशवर शै सौमबंध ना राखौ।”

प्रेरितो कै काम 13:10

“ओए रै सौबै कपट औरौ सौबै चतुराई शै भौरेयौंदे शैतान कै सन्‍तान, सारै धार्मिकता कै बौयरी, का तू प्रभु कै सीधै बाटौ खै बांगै कौरणा ना छोड़दा?

रोमियों 13:8

आमु सौबी कै सिरफ ऐकी बातौ का कर्जदार हौणौ चैंई, औरौ सैजौ ऐजौ औसौ कै आमु सौबै कै ऐकी दुजैआरी प्यार राखणा चैंई; जिथुकै जू ओकीआरी प्यार राखौ, तैणै ही मूसा कै कानून पूरै कौरे राए।

इफिसियों 5:1

तुऐं पौरमेशवर कै प्यारे नानड़िया औसौ, इथकारिए तोंवारा बर्ताव तैसकै स्‍वभाव कै जैशणा हौंव।

कुलुस्सियों 3:14

औरौ सौबीदै बौड़ै बात ऐजै औसौ कै तुऔं ऐकी दुजैआरी प्यार कौरणा चैंई ऐशै कौरेयौ तुऐं पूरी तरह शै एकजुट हौए जांदै।

1 तीमुथियुस 1:5

तुऔं आज्ञा दैणौ का मैरा मकसद ऐजा औसौ कै तुऐं ऐकी दुजैआरी साची मन शै औरौ आछै विवेक औरौ निष्कपट बिशवाश कै साथै प्यार कौरौ।

1 यूहन्ना 2:29

जिथुकै तुऐं जाणौए, कै मसीह धरमी औसौ, तौ ऐजौ बै जाणौ कै जू कुणिए धार्मिकता का काम कौरौए सै पौरमेशवर कै संतान औसौ।

1 यूहन्ना 3:1

सुंचौ, पिता पौरमेशवरे आमुआरी कैतरा प्यार कौरे राए कै आमु पौरमेशवर कै ओलाद बुली जांव, औरौ सौथी कै आमै तैसकै संतान औसौ बै। दुनिया कै लोग इयौं बातौ खै ना जाणौ जिथुकै सै पिता पौरमेशवर कै बै ना जाणौए।

1 यूहन्ना 3:2

ओए रै प्यारो, ऐबै आमु पौरमेशवर कै ओलाद औसौ, औरौ इबी तौड़ी ऐजौ प्रगट ना हौए रैई कै आमु का बौणदै। आमु ऐतरो जाणु कै जोबै यीशु मसीह प्रगट हौला तौ आमै तैसकै जैशणै हौंदै जिथुकै आमै तैसीखै तैशणाई दैखदै जैशणा सै औसौ।

1 यूहन्ना 4:21

मसीह कैईंदै आमु ऐजै आज्ञा भैटी रौए, कै जू कुणिए पौरमेशवर आरी प्यार राखौ सै आपणै बिशवाशी भाईटु आरी बै प्यार राखौ।

1 यूहन्ना 4:6

आमु पौरमेशवर कै औसौ। जू पौरमेशवर खै जाणौए, सै अमारी शुणौए, जू पौरमेशवर कै ना जाणौ सै अमारै ना शुणौ, ऐशैखैई आमै सौचाई कै आत्मा औरौ झूठ कै आत्मा खै पौछेयाणै पांव।

1 यूहन्ना 4:8

औरौ जू कुणिए आदमी ओकी लोगौआरी प्यार ना राखौ सै पौरमेशवर खै ना जाणौ, जिथुकै पौरमेशवर प्यार औसौ।

1 यूहन्ना 5:19

आमै जाणुए, कै आमै पौरमेशवर शै औसौ, औरौ सारै दुनिया तैसी दुष्ट शैतान कै वश दै पौड़ेयौंदे औसौ।

1 यूहन्ना 5:2

जोबै आमै पौरमेशवर आरी प्यार राखु औरौ तैसकी आज्ञाओं खै मानु, तौ इथी लैई आमै जाणै पांव कै आमु पौरमेशवर कै सौब ओलाद आरी प्यार राखु।

3 यूहन्ना 1:11

ओए रै प्यारे, जू बुराई कै काम कौरौ, तिनु लोगौ कै जैशणै ना बौणौ पौरौ भले काम कौरणौवाल़ै कै जैशणै बौणौ। जू भले काम कौरौए, सै ऐजौ दिखांव कै सै पौरमेशवर कै संतान औसौ, पौरौ जू बुरै काम कौरौ, सै पौरमेशवर कै ना पौछेयाणौ।