1 यूहन्ना 2:4 - सिरमौरी नौवाँ नियम

⁴ जू कुणिए आदमी ऐजौ बौल़ौ, “हांव तैसीखै जाणै गौआ,” पौरौ तैसकी आज्ञाओं खै ना मानौ, सै झूठा औसौ; औरौ सै पौरमेशवर कै साची सौंदेश कै हिसाब शै ना जियौं।

Sirmouri

⁴ जू कुँऐं ऐजो बुलो, के “हाँव तिनू जाँणूऐं,” अरह् तिनकी अज्ञाँ ने से माँन्दा, तअ से झुठा असो; अरह् तैस्दी किऐ सच्चाऐ ने आथी;

1 यूहन्ना 2:4 ပူးပေါင်းရင်းမြစ်များ

यूहन्ना 8:44

तुऐं आपणै बापू शैतान शै औसौ औरौ आपणै बापू कै इछा खै पूरै कौरणै चांव। सै तौ आगै दा उंडा हथियारा औसौ, औरौ सै कौलोंई साचा ना थी, जिथुखै सौचाई तैसदै आथी ना, जौल़ौ सै झूठु बौल़ौ, तौ सै आपणै स्‍वभाव शै बौल़ौ, जिथुखै सै झूठा औसौ, औरौ झूठै का बापू औसौ।

तीतुस 1:10

मोऐं ऐशै इथकारिए बौल़ै लो जिथुकै बौहितै यहूदी बिशवाशी औरौ बकवादी औरौ धौखा दैणौवाल़ै लोग साची शिक्षा का विरोध कौरदै। ऐजै लोग चांव कै सारै मसीही लोग यहूदियों कै नियमौ का पालन कौरौ, खास कौरेयौ खतने कै नियम का पालन कौरौ

तीतुस 1:16

ऐजै झूठै शिक्षक बौल़ौ, कै आमै पौरमेशवर खै जाणुए, पौरौ तिनकै बर्ताव साफ रुप शै दिखांव कै सै तैसीकै ना जाणौ, जिथुकै सै नफरत शै भोरेयौंदे औरौ आज्ञा ना मानणोवाल़ै औसौ, औरौ सै किछै बै आछै काम कौरणौ कै लायक ना आथी।

1 यूहन्ना 1:10

जै आमै बुलूए कै आमै पाप ना कौरु, तौ आमै पौरमेशवर खै झूठा बाणौ, औरौ जू वचन सै बौल़ौए तैसीखै ना तौ सौमझौ औरौ ना मानौ।

1 यूहन्ना 1:6

जै आमै बुलू कै पौरमेशवर कै साथै आमै शामिल औसौ पौरौ तोबै बै जू बुरै काम औसौ सैजैई कौरु तौ आमै झूठु बुलू औरौ सौचाई कै साथै ना जियुं।

1 यूहन्ना 1:8

जै आमै बुलूए कै आमुए किछै बै पाप ना कौरी, तौ आपी खै धौखा दियु, औरौ आमु तियौं सौचाई पांदी बिशवाश ना कौरु जू पौरमेशवर बौल़ौए कै साचौ औसौ।

1 यूहन्ना 2:3

जै आमु पौरमेशवर कै आज्ञाओं खै मानुए, तौ तेसीयांदा ही आमु पौता चालदा कै आमु तैसीखै जाणुए।

1 यूहन्ना 2:9

जू कुणिए ऐजौ बौल़ौ कै हांव पेयाशै दा जी रौआ पौरौ आपणै बिशवाशी भाईटु शै बोयर राखौ, सै इबी तौड़ी बुराई मुंजी ही जी रौआ।

1 यूहन्ना 3:6

जू कुणिए तेसिदा बौणेयौंदा रौंव, सै लगातार पाप ना कौरदा रौंव जू कुणिए पाप कौरौए, सै ना तौ मसीह खै सौमझौ औरौ ना तैसीखै जाणौए।

1 यूहन्ना 4:20

जै कुणिए आदमी बौल़ौए, “हांव पौरमेशवर आरी प्यार राखु,” औरौ आपणै बिशवाशी भाईटु आरी नफरत राखौ तौ सै झूठा औसौ; जिथुकै जू आपणै भाईटु आरी नफरत कौरौ जैसीखै तैणै दैखै राए, तौ सै पौरमेशवर आरी प्यार ना कौरे सौकौ जैसीखै तैणै कौलोंई ना दैखी रैई।

1 यूहन्ना 4:7

ओए रै प्यारे साथियो, आमै आपी मुंजी प्यार राखौ, जिथुकै प्यार पौरमेशवर शै औसौ। औरौ जू कुणिए ओकी लोगौआरी प्यार कौरौ सै पौरमेशवर कै संतान औसौ, औरौ पौरमेशवर खै जाणौए।