1 यूहन्ना 2:28 - सिरमौरी नौवाँ नियम

²⁸ ओए रै नानड़िया, मसीह कै साथै बौणैयौंदे रौव कै जोबै सै औटेयौ प्रगट हौंव तौ आमु हौंसला भैटौ, औरौ आमै तैसकै आणौ पांदी तैसकै सामणै बैज्जत ना हौंव।

Sirmouri

²⁸ हे प्यारे नहाँन्ड़िया, तिन्दी पाक्के बंणें अंदे अट्ल़ रूऐ, के जबे प्रभू पर्गट हों, तअ आँमें निडर हुऐ चेंई, अरह् तिनके आँव्णों गाशी आँमें शर्मिन्दें ने हुऐ चेंई।

1 यूहन्ना 2:28 ပူးပေါင်းရင်းမြစ်များ

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

मत्ती 16:28

हांव तुऔं कैंई साचौ बुलू, तुऔं मुंजी शै किछै लोग जू इथै खौड़ै औसौ, तिनुमुंजी दै कैतरै ऐशणै औसौ, कै सै आपणै मौरणौ दै औगौड़ियौ मुखै आदमी कै बैटै खै तैसकै राज्य दा आन्दै बैई दैखदै।”

मरकुस 8:38

जू लोग ऐलो जियुंदी औसौ, औरौ सै पौरमेशवर आरी धौखा कौरौ सैजै ऐकी धोकैबाज घोरवाल़ी साए औसौ, जू मुखै औरौ मैरी शिक्षा कै ना मानौ। हांव आदमी का बैटा, जोबै पवित्र स्‍वर्गदूतौ कै साथै आपणै पिता कै महिमा कै साथै इयौं धोरती पांदी आन्दा, तोबै हांव बै तिनकै भाजै जांदा, कै तुऐं मैरै चैलै औसौ।”

लूका 17:30

औरौ तैसी दूस बै ऐशैखैई हौंदौ, जौल़ौ हांव आदमी का बैटा एकदम शै होटेयो पाछु आन्दा।”

रोमियों 9:33

जैशैखै पवित्र शास्त्र दो लैखै राए, “दैखौ, मोऐं यरूशलेम शहर दा ठोकर लागणौ वाल़ा पाथर, औरौ लोगौ खै रिड़ाणौ वाल़ी चट्टान राखै लौए, औरौ जू तैसी पांदी बिशवाश कौरला, सै बैज्जत ना हौंदा।”

1 कुरिन्थियों 1:7

औरौ इयौं बौजैह शै, पवित्र आत्माए आमुखै सैजै सौबै वरदान दैय राए जिथकै आमु जौरुरत औसौ, जौबेकै आमै उम्मीद कै साथै अमारै प्रभु यीशु मसीह कै पाछु आणौ कै ठोल़नाए कौरे लौए।

1 कुरिन्थियों 15:23

पौरौ हरेक आदमी बारी-बारी शै जियुंदी हौंदा: मसीह पौयला आदमी थिया जैसी जियुंदी कौरा तोबै जौल़ौ मसीह पाछु आन्दा तौ सैजै सौब जू तैसकै करीब रौंव मसीह दै तिनु औटेयौ जियुंदी कौरदै।

इफिसियों 3:12

मसीह कै साथै अमारै जुड़णौ कै बौजैह शै औरौ तैसी पांदी अमारै बिशवाश की बौजैह शै, ऐबै आमु पौरमेशवर कै सामणै हिम्मत औरौ आत्मविशवास शै आए सौकु।

कुलुस्सियों 3:4

मसीह जू तुऔं नोऐं जिन्दगी दैंव, जोबै सै इयौं धोरती पांदी औटेयौ पाछु आन्दा, तोबै तुऐं बै तैसकै साथै आन्दै औरौ तैसकै महिमा दै शामिल हौए जांदै।

1 थिस्सलुनीकियों 2:19

अमारै आशा, या खोशे या बौड़ाए का मुकुट कुण औसौ? ऐजै तुऐंई हौंदै जोबै अमारा प्रभु यीशु मसीह औटेयौ पाछु आन्दा।

1 थिस्सलुनीकियों 3:13

आमै प्रार्थना कौरु कै अमारा प्रभु यीशु मसीह तोंवारै मन खै ऐशै मोजबूत कौरौ, कै जोबै अमारा प्रभु यीशु मसीह आपणै सौबै पवित्र लोगौ कै साथै औटेयौ पाछु आला, तौ सै अमारै पौरमेशवर पिता कै सामणै पवित्रता दै निर्दोष ठौहरौ।

1 थिस्सलुनीकियों 5:23

पौरमेशवर जू शान्तै दैंव आपी ही तुऔं पूरी तरह शै पवित्र कौरौ; तोंवारै पोरे आत्मा, प्राण औरौ शोरीर अमारै प्रभु यीशु मसीह कै औटेयौ पाछु आणौ तौड़ी निर्दोष रौंव।

1 तीमुथियुस 6:14

कै तू सैजौ सौब ठुँ कौर जिथु पूरु कौरणौ कारिए पौरमेशवरे ताखै आज्ञा दैय राए ताकि कुणिए बै प्रभु यीशु मसीह कै पाछु आणौ तौड़ी तांव पांदी किछै बै गौलत कौरणौ का आरोप नी लाए सौकौ।

2 तीमुथियुस 4:8

ऐबै जय का मुकुट स्वर्ग दा मुखै ठौल़ौए, जिथुकै मोऐं आपणै जीवन शै पौरमेशवर कै खुश कौरे राए। प्रभु जू धार्मिकता कै साथै सौबी लोगौ का न्याय कौरौ, सै तैसी दूसै मुखै सैजा इनाम तौलौ दैंदा जोबै न्याय कौरणौ कारिए सै औटेयौ आन्दा। पौरौ सै मुखै ही नी पौरौ तिनु सौबी लोगौ कै बै इनाम दैंदा जिनुवै तैसकै औटेयौ आणौ का बैसब्री शै इंतजार कौरे लौआ।

तीतुस 2:13

पौरमेशवर कै खुश कौरणौवाल़ा जीवन जीणो कै दवारा आमै उमीद कै साथै प्रभु कै पाछु आणौ कै आशा राखु, औरौ सैजौ दूस जोबै अमारा प्रभु यीशु मसीह जू अमारा महान पौरमेशवर औरौ उध्दारकर्ता औसौ, आपणै सारै महिमा कै साथै धोरती पांदी पाछु आला।

इब्रानियों 9:28

तैशैखैई, मसीह बै सिरफ ऐकै बैई बलिदान हौए गौआ ताकि सै सौबी लोगौ कै पापौ खै दूर कौरे दैंव। जोबै सै औटेयौ आन्दा तौ सै पाप कै बलिदान हौणौ कारिए ना आन्दा पौरौ तिनुखै बौचाणौ कारिए आन्दा जू तैसकी ठोल़नाए कौरौ।

1 पतरस 1:7

इनु मुसीबतौ का मकसद ऐजा दिखाणा औसौ कै का तुऐं सौथीखै पौरमेशवर पांदी भोरोशा राखौ। यीशु मसीह पांदी तोंवारा बिशवाश सूनै दा बै जादा कीमती औसौ। जैशै नाश हौणौवाल़ै सूनै खै आगी मुंजी जांचो औरौ शुद्ध कौरौ, तैशैखैई जै तोंवारा बिशवाश कड़ी परीक्षाओं कै दवारा पौरखै जाणौ कै बाद बै मोजबूत रौंव, तौ तोंवारा बिशवाश तैसी दूसै तुऔं बैजाए खुशी औरौ महिमा औरौ आदर दियांदा जोबै यीशु मसीह औटेयौ पाछु आन्दा।

1 पतरस 5:4

जोबै यीशु मसीह, जू कै अमारा प्रधान चौराईया औसौ, औटेयौ पाछु आन्दा, तोबै तुऔं ऐक सुन्दर मुकुट दैंदा जू कौलोंई बै आपणी चौमक ना खौंदा।

1 यूहन्ना 2:1

मैरै प्यारे नानड़िया, मोऐं ऐजी बातौ तुऔं इथकारिए लैखै लोई कै तुऐं पाप ना कौरौ। जै कुणिए पाप कौरौ, तौ पिता पौरमेशवर कै धोरे अमारा ऐक सहायक औसौ, सैजा यीशु मसीह औसौ जू अमारै पापौ कै माफी कारिए प्रार्थना कौरौ, औरौ सै धरमी औसौ।

1 यूहन्ना 3:2

ओए रै प्यारो, ऐबै आमु पौरमेशवर कै ओलाद औसौ, औरौ इबी तौड़ी ऐजौ प्रगट ना हौए रैई कै आमु का बौणदै। आमु ऐतरो जाणु कै जोबै यीशु मसीह प्रगट हौला तौ आमै तैसकै जैशणै हौंदै जिथुकै आमै तैसीखै तैशणाई दैखदै जैशणा सै औसौ।

1 यूहन्ना 3:21

ओए रै प्यारो, जै अमारा मन आमु दोषी ना ठोहरांव, तौ आमु पौरमेशवर कै सामणै हिम्मत हौंव।

1 यूहन्ना 4:17

इथी लैई प्यार आमुदा पूरा हौं कै, न्याय कै दूसै आमु हिम्मत भैटौ कै पौरमेशवर आमु सौजा ना दैंदा, जिथुकै मसीह कै जैशणै आमु ओकीआरी प्यार कौरु औरौ इयौं दुनिया दै यीशु मसीह कै जैशणै रौंव।

1 यूहन्ना 5:14

आमु पौरमेशवर कै सामणै जू हिम्मत हौंव, सै ऐजी औसौ, कै जै आमु तैसकै इछा कै हिसाब शै मांगुए, तौ सै अमारी शुणौए।

प्रकाशितवाक्य 1:7

शुणौ, सै बादल़ौ कै साथै आणौवाल़ा औसौ; हरेक आदमी तैसी दैखदा, औरौ सैजै लोग जू तैसकै मौत कारिए जुमैवार थिए, सैजै बै तैसी आन्दै बैई दैखदै औरौ धोरती कै सारै लोग जोर शै रुंदै जोबै सै तैसी दैखदै। हां ऐशै हौंदौ। आमीन।