1 यूहन्ना 2:24 - सिरमौरी नौवाँ नियम

²⁴ जू साचा सौंदेश तुऐं तोबै शुणा जोबै तुऐं मसीह पांदी बिशवाश कौरे राए थिया, सैजाई तुऔं दा बौणेयौंदा रौंव; औरौ जै सैजा सौंदेश तुऔं दा बौणेयौंदा रौंव तौ तुऐं बै बैटै दै औरौ पिता पौरमेशवर दै बौणैयौंदे रौलै।

Sirmouri

²⁴ ईन्दें का ख्याल थुऐ, के तुँओं दी सेजी ही शिक्क्षा पाक्की रंऐ च़ेंई, जुण्जी तुँऐं आगे शुभी शुणीं थऐ, अरह् जे तुँऐं तियों ही शिक्क्षा दे पाके अट्ल़ रंह्ले; तअ तुँऐं बैटे अरह् स्वर्गो के पिता दे भे बंणें अंदे रंह्दे।

1 यूहन्ना 2:24 ပူးပေါင်းရင်းမြစ်များ

लूका 1:2

तिनुऐ सैजौ लिखु जू आमुखै तिनु लोगै बौताए राए थियु, जिनुवै यीशु कै सेवा कै शुरुआत शै दैख राए थिया औरौ जू बाद मै पौरमेशवर कै वचन कै सेवक बौणै गौवै।

लूका 9:44

“तुऐं इनु बातौ पांदी ध्यान दैव, जिथुकै हांव आदमी का बैटा, बौयरै कै हाथौ लैई थोम्बाए जाणौ कै औसौ।”

यूहन्ना 14:23

यीशुए तैसीखै जोवाब दिया, “हांव आपी खै ऐशणै लोगौ कै दिखोऊ, जू मुं आरी प्यार कौरौ औरौ जू मैरी शिक्षा कै मानौए। औरौ मैरा पिता पौरमेशवर तैसीआरी प्यार राखदा, औरौ आमै तैसकै धोरे आन्दै, औरौ तैसकै साथै सौदा रौन्दै।

यूहन्ना 15:7

जै तुऐं मुं दै बौणैयौंदे रौंव, औरौ मैरी शिक्षा तुऔं मुंजी बौणेयौंदी रोली, तौ जू किछै मांगलै, तिथु हांव तुऔं दैंदाए।

यूहन्ना 6:56

जू मैरा शोरीर खांव औरौ मैरा लोऊ पियौं सै मुंआरी जियुंदा बौणेयौंदा रौंव। औरौ हांव तैसीआरी जियुंदा बौणेयौंदा रोऊं।

यूहन्ना 8:25

यहूदी नेताए तैसीखै बौल़ौ, “तू कुण औसौ?” यीशुए तिनुखै बौल़ौ, “हांव सैजाई औसौ, जू आगै दा उंडा तुऔं उपदैश दैन्‍दा औरौ बौलदा आए रौआ कै हांव औसौ।”

फिलिप्पियों 4:15

ओए रै फिलिप्‍पी शहर कै लोगौ, तुऐं आपी बै जाणौए कै तोंवारै बीच मुंजी सुसमाचार प्रचार कै शुरुआत दै मकिदुनिया प्रदेश शै आपणै यात्रा शुरु कौरेयौ हांव आगु हौटै गौआ। तोबै तुऔं छोड़ेयौ ओकी कोसी कलीसिया कै लोगै लैण दैण कै बारै मुंजी मैरी मौदद ना कौरी।

कुलुस्सियों 3:16

मसीह कै वचन कै आपणै मनो दा जादा शै जादा बौसणौ दैव; औरौ सिध्द ज्ञान कै साथै ऐकी दूजै कै शिखाव, औरौ चैतावणी दैव औरौ आपणै-आपणै मन दा धन्यवाद कै साथै पौरमेशवर कारिए भजन औरौ स्‍तुतिगान औरौ आत्मिक गीत गाओ।

इब्रानियों 2:1

इथकारिए आमु आपणै दवारा शोणेयौंदी सौचाई खै बैजाए ध्यान शै पालन कौरणा चैंई, ऐशै नै हौंव कै बैहकेयौ तिनुदै दूर हौटै जोऊं।

इब्रानियों 3:14

जिथुकै जै आमै तैशैखैई बिशवाश कै साथै आखरी तौड़ी मोजबूत बौणैयौंदे रोऊंबे, तौ जैशणा बिशवाश आमुदा शुरुआत शै थिया, तोबै आमै मसीह कै सहयोगी बौणै जांदै।

1 यूहन्ना 1:3

आमुए यीशु मसीह कै बारै मुंजी जू किछै दैखी औरौ शौणै राए, तिथकै गवाही तुऔं कै बै दियुंए इथकारिए कै अमारै साथै तोंवारै बै संगति हौंव; औरौ अमारै संगति पिता पौरमेशवर औरौ तैसकै बैटै कै साथै बै हौंव।

1 यूहन्ना 1:7

पौरौ जै आमै सैजौई कौरु जू सोही औसौ जैशैखै पौरमेशवर सिध्द औसौ औरौ पेयाशै कै जैशणा औसौ, तैशैखैई अमारा बर्ताव बै पेयाशै कै जैशणा सोही हौंव, तौ आमु ऐकी दूजै कै साथै रोऊं, औरौ तैसकै बैटै यीशु मसीह का लोऊ आमु सौबी पापौ शै शुध्द कौरौ।

1 यूहन्ना 2:7

ओए रै प्यारो, मोऐं तुऔं खै कुणजै नोऐं आज्ञा ना लैखै लैई, पौरौ सैजी पुराणी आज्ञा जू शुरु सै तुऔं भैट रौए; जिथु तुऐं शौणै राए जोबै तुऐं मसीह पांदी बिशवाश कौरा।

1 यूहन्ना 3:24

औरौ जू पौरमेशवर कै आज्ञा खै मानौए, सै तैसकै साथै औरौ पौरमेशवर तैसकै साथै बौणेयौंदा रौंव औरौ पवित्र आत्मा लैई जू तैणै आमु दैय राए, आमै जाणुए कै पौरमेशवर अमारै साथै बौणेयौंदा रौंव।

1 यूहन्ना 4:13

इथी लैई आमै जाणुए कै आमै पौरमेशवर कै साथै बौणैयौंदे औसौ, औरौ सै आमुदा बौणेयौंदा औसौ, जिथुकै तैणै आमु आपणै पवित्र आत्मा का किछै अंश दैय राए।

1 यूहन्ना 4:15

जू कुणिए ऐजौ अंगीकार कौरे पांव कै यीशु पौरमेशवर का बैटा औसौ, पौरमेशवर तेसिदा बौणेयौंदा रौंव, औरौ सै पौरमेशवर दा बौणेयौंदा रौंव।

1 यूहन्ना 4:16

औरौ आमै जाणै पोऊ कै पौरमेशवर आमुआरी प्यार कौरौ, औरौ आमै तैसी पांदी बिशवाश बै कौरु। पौरमेशवर प्यार औसौ, औरौ जू प्यार दा बौणेयौंदा रौंव सै पौरमेशवर दा बौणेयौंदा रौंव, औरौ पौरमेशवर तेसिदा बौणेयौंदा रौंव।

2 यूहन्ना 1:2

आमै तुऔंआरी प्यार कौरो जिथुकै आमै साची शिक्षा दै बिशवाश कौरो, औरौ सैजै शिक्षा सौदा अमारै साथै बौणैयौंदे रौंदै।

2 यूहन्ना 1:9

जै कुणिए आदमी लगातार मसीह की शिक्षा कै ना मानौ पौरौ तिथमुंजी किछै हौजौ जोड़े दैंव सै पौरमेशवर कै साथै बौणेयौंदा ना आथी। पौरौ जू कुणिए आदमी लगातार तैसकी शिक्षा कै मानदा रौंव सै पिता पौरमेशवर कै साथै जोड़ेयौंदा रौंव।

3 यूहन्ना 1:3

जिथुकै किछै बिशवाशी भाईए आयौ मुखै तैरै बारै मुंजी बौताए राए कै तू कैशैखै भोरोशे कै साथै सौचाई शै जी रौआ तौ हांव ऐजौ शोणेयो बैजाए खुशी हौआ।

प्रकाशितवाक्य 3:11

हांव तावल़ा ही आणौवाल़ा औसौ; इथकारिए आपणै बिशवाश दा मोजबूत बौणेयौंदा रौ ताकि कुणिए बै तैरा इनाम छीणै ना सौकौ।

प्रकाशितवाक्य 3:3

तियौं शिक्षा कै याद कौर जू तुऐं बैजाए औगौड़ियौ शौणै राए थै औरौ बिशवाश कौरे राए थिया। जू ताखै शिखाए राए थियु तिथकै पौछौड़ियौ चाल, आपणै गौलत कामौ शै पाप कौरणै छोड़े दै। जै तू गौलत काम कौरेया कौरे तौ हांव एकदम आन्दा, जैशै ऐक चोर आंव, औरौ तू तैसी सौमय खै बै ना जाणै सौकदा जौल़ौ हांव ताखै सौजा दैणौ कारिए आए जांदा।