1 यूहन्ना 2:20 - सिरमौरी नौवाँ नियम

²⁰ पौरौ तुऔं तौ मसीह कै दवारा पवित्र आत्मा दैय राए, औरौ तुऐं सौबै साची शिक्षा जाणौए।

Sirmouri

²⁰ परह् तुवाँरा राज-तिंलक तअ तेसी पबित्र मसीया प्रभू यीशू के जाँणें हऐ रूवा, जिन्दें के बारे दो तुऐं सुची भे ने थंई।

1 यूहन्ना 2:20 ပူးပေါင်းရင်းမြစ်များ

मत्ती 13:11

तैणै जोवाब दिया, “तुऔं खै तौ पौरमेशवरे आपणै राज्य कै भैद बौताए राए, पौरौ तिनुखै ना दैय रैई।

मरकुस 1:24

तैणै जोर शै लैर मारैयौ बौल़ौ, “ओए रै नासरत गांव कै यीशु, अमारै तांवआरी किछै लैणा दैणा ना आथी? कै तू आमुखै नाश कौरदा आए रौआ? हांव ताखै जाणुए, तू कुण औसौ? तू ही सैजा पवित्र आदमी औसौ, जू पौरमेशवर कै ढौबौशा आए रौआ!”

लूका 4:18

“प्रभु का पवित्र आत्मा मुं पांदी औसौ, इथकारिए तैणै मैरा अभिषेक कौरे राए, औरौ तैणै मुखै कैदी कै आज़ाद कौरणौ कारिए, आन्धै कै नज़र दैणौ कारिए, औरौ दोबैयौंदे कै छुड़ाणो कारिए, औरौ ऐजौ बौताणौ कारिए कै पौरमेशवर कै दया दिखाणौ का सौमय आए गौआ इथकारिए छाड़ै राए।

लूका 4:34

सै जोर सै लैलयांदा लागा, “ओए रै नासरत गांव कै यीशु, अमारै तांव आरी किछै लैणा दैणा ना आथी? कै तू आमुखै नाश कौरदा आए रौआ? हांव ताखै जाणुए, तू कुण औसौ? तू ही सैजा पवित्र आदमी औसौ जू पौरमेशवर कै ढौबौशा आए रौआ!”

यूहन्ना 14:26

पौरौ हौंसला दैणौवाल़ा, यानी पवित्र आत्मा जैसी पिता मैरै नांव शै भेजला, सै तुऔं सौबै बातौ शिखाला, औरौ जू किछै मोऐं तुऔं बौल़ै राए, सै सौबै तुऔं याद कौरांदा।”

यूहन्ना 16:13

पौरौ जोबै सैजा सत्‍य का आत्मा आला, तौ तुऔं पौरमेशवर कै बारै मुंजी जू बै साचौ औसौ बौतांदा। जिथुकै सै आपणै औधिकार शै ना बौलदा, पौरौ जू किछै पौरमेशवर कै ढौबौशौ शुणल़ा, सैजौई बौलदा, औरौ आणौवाल़ी बातौ तुऔं बौतांदा।

प्रेरितो कै काम 10:38

पौरमेशवरे कैशैखै नासरत गांव कै यीशु खै पवित्र आत्मा औरौ अनौखी शौकतै लैई अभिषेक कौरा; सै भोलाए कौरदा औरौ सौबी खै जू शैतान कै सोताएयौंदे थिए, आछा कौरदा फिरा, जिथुकै पौरमेशवर तैसकै साथै थिया।

प्रेरितो कै काम 3:14

तुऐं यीशु कै ना अपनैई, जू पवित्र औरौ धरमी थिया। औरौ तुऐं चोऊ कै ऐकी हथयारै खै तुऔं कारिए छोड़े दिया जांव।

1 कुरिन्थियों 2:15

सैजै लोग जिनुवै पवित्र आत्मा पाए राए सैजै तिनु चीज़ौ खै सौमझै सौकौ जू पवित्र आत्मा शिखांव। पौरौ जिनु लोगौ कैंई पवित्र आत्मा ना आथी सैजै तिनु लोगौ कै विचारो खै ना सौमझै सौकौ जिनु कैई पवित्र आत्मा औसौ।

इब्रानियों 1:9

तू आछै काम कौरणौ शै प्यार कौरे पौरौ गौलत काम कौरणौ शै बैर राखै; इयौं बौजैह शै, मोऐं तैरै पौरमेशवरे, ताखै तैरै दोस्तो कै बीच मुंजीदा चोणे राए, औरौ मोऐं बैजाए आनन्द कै साथै ताखै जौई कौरे राए।”

इब्रानियों 8:11

औरौ सौबै जोणे आपणै देश कै रौणौवाल़ै खै औरौ रिशतेदारौ खै ऐजी शिक्षा ना दैन्‍दै, कै तुऐं प्रभु खै पौछेयाणौ जिथुकै नानड़ै लोगौ शै लैयौ बौड़ै लोगौ तौड़ी सौबवे जोणे जाणै पांदै कै हांव तिनका पौरमेशवर औसौ।

1 यूहन्ना 2:27

औरौ तुऔं मसीह कै ढौबौशा पवित्र आत्मा दैय राए औरौ सै तोंवारै भीतरै रौंव; इथकारिए तुऔं शिखाणौ कारिए कोसी कै जौरुरी ना आथी यानी पवित्र आत्मा तुऔं तिनु बातौ कै बारै मुंजी सारै सौचाई कै जाणणौ दै मौदद कौरदा। औरौ जू किछै पवित्र आत्मा तुऔं शिखांव सै साची बातौ औसौ झूठी ना आथी, इथकारिए जैशै कै पवित्र आत्मा तुऔं कै कौरणौ खै बौल़ौए तैशै कै ही मसीह कै साथै एकता दै बौणैयौंदे रौव।

1 यूहन्ना 4:13

इथी लैई आमै जाणुए कै आमै पौरमेशवर कै साथै बौणैयौंदे औसौ, औरौ सै आमुदा बौणेयौंदा औसौ, जिथुकै तैणै आमु आपणै पवित्र आत्मा का किछै अंश दैय राए।

यहूदा 1:5

जोबै कि तुऐं ऐजी सौबै बातौ जाणौए, तौ बै हांव तुऔं इयौं बातौ खै याद दियांदा, कै पौरमेशवरे इस्राएलियों खै गुलामी शै आज़ाद कौराए औरौ तिनु मिस्र देश शै बायरै लियोऊवे, पौरौ बाद मै तिनु सौबी खै मारै दियै, जिनुवै रेगिस्थान दा तैसी पांदी भोरोशा ना कौरी।

प्रकाशितवाक्य 3:7

फिलदिलफिया शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जू पवित्र औरौ साचा औसौ, सैजौ जैसी कैई दाऊद कै राज्य पांदी औधिकार औसौ। जै सै दरवाज़ा खोलो, तौ कुणिए बै तैसी बंद ना कौरे सौकौ। औरौ जै सै तैसी बंद कौरे दैंव, तौ कुणिए बै तैसी खोले ना सौकौ, हांव जू बुलूए सैजौ शुण,

प्रकाशितवाक्य 4:8

औरौ चारै प्राणीयों कै छौ-छौ पाखौ औसौ, तिनु पांदी सौब जौगैह आखी थी, इथै तौड़ी कै तिनकै पाखौ कै धैनै बै; औरौ सै रातै-दूसौ बिना बिशांव कौरे ऐजौ बौलेया कौरौ, “पवित्र, पवित्र, पवित्र प्रभु पौरमेशवर, सौबिदा शौकतीशाली, जू थिया, औरौ जू औसौए औरौ जू आणौवाल़ा औसौ।”