1 यूहन्ना 2:19 - सिरमौरी नौवाँ नियम

¹⁹ सैजै लोग जू मसीह कै दुशमन औसौ अमारा साथ छोड़ेयौ हौटै गौवै जिथुकै सै अमारै आपणै ना थी, जै सै अमारै आपणै हौंदै, तौ सै अमारै साथै ही रौंदै पौरौ सै हौटै गौवै, जिथलैई ऐजा पौता लागै गौआ कै तिनुमुंजी दै कुणिए बै अमारै आपणै ना आथी।

Sirmouri

¹⁹ मसीया का बिरोधी आँमों ही मुँझ्शा असो, परह् से सोतिखे अमाँरा साथी ने, किन्देंखे के जे से सोतिखे अमाँरा साथी हंदा, तअ अमाँरी गईलो रंह्दा। परह् तेने आँमों छुड़ी दिते, जू से ऐजो दे:खाऐ सको, के तिन मुँझ्शा कुँऐं भे सोतिखे अमाँरा साथी ने आथी।

1 यूहन्ना 2:19 ပူးပေါင်းရင်းမြစ်များ

मत्ती 24:24

“जिथु झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ बौड़ै निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै बोरमाए दैंदै।

मरकुस 13:22

जिथुकै झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै भोरमाए दैलै।

लूका 8:13

शोकरेड़े वाल़ै जमीन कै बिज़ ऐशणै औसौ, जोबै सै पौरमेशवर का वचन खै शोणेयो तौलोंई खुशी सै मानौए तौ औसौ, पौरौ वचन कै आपणै मनो कै भीतरै बौठणौ ना दैंव, औरौ दैणिक सौमय तौड़ी बिशवाश राखौ, औरौ परीक्षा कै सौमय सै बिशवाश शै दूर हौए जांव।

यूहन्ना 15:2

सौबै शाई जू मुंदी जूड़ेयोंदी औसौ, औरौ ना फोल़ो, तौ तिनु सै काटै दैंव, औरौ जू शाई फोल़ोए, तिनु सै हौजौ छांटौ ताकि सै हौजौ बै जादा फोल़ो।

यूहन्ना 4:14

पौरौ जू कुणिए तिथु पाणी मुंजी दो पिला जू हांव तैसीखै दियुंबा, सै सौदा तौड़ी तीशी ना रौंदा, औरौ जू पाणी हांव तैसीखै दियुंबा, सै तिथु मुंजी ऐक फटवाणी बौणै जांदो, जू तैसी पाणी कै दैंदा रौंव जू तैसी सौदा कै जिन्दगी तौड़ी दैला।”

प्रेरितो कै काम 15:24

आमुए शौणै राए कै आमु मुंजीदै कुणिए तिथै जायौ तुऔं आपणै बातौ लैई डोराए दिए; औरौ तोंवारै मन बौदलै दिए पौरौ आमुए तिनुखै ऐशै कौरणौ कै आज्ञा ना दैय रैई थी।

प्रेरितो कै काम 20:30

इथै तौड़ी कै तोंवारै आपणै बिशवाशियौं कै झुंड मुंजीदै, ऐशणै-ऐशणै लोग आन्दै, जू चैलै खै आपणै पौछौड़ियौ खिंचणो कारिए उलटी सीधी बातौ बौलदै।

रोमियों 9:6

पौरौ ऐजौ नी, कै पौरमेशवर आपणै वादा राखणौ दा नाकाम रौए रौआ, पौरौ इथकारिए कै सौब इस्राएल देश कै वंश सौथी कै इस्राएली ना आथी;

1 कुरिन्थियों 11:19

पौरौ निशोंक हौयौ तुऔं मुंजी बंटवारा हौणा चैंई, ताकि तुऔं लोगौ मुंजी जू पौरमेशवर कै चोणेयौंदे औसौ, तिनकी पौछेयाण हौए जांव।

2 तीमुथियुस 2:10

इथकारिए हांव तिनु लोगौ कै फायदै कारिए सौबै दुख सैहन कौरु, जिनु पौरमेशवरे चोणे राए, ताकि सै बै मसीह यीशु पांदी बिशवाश कौरौ औरौ बौचाए जांव, औरौ तियौं महिमा कै पांव जू सौदा बौणैयौंदे रौंव।

2 तीमुथियुस 2:19

पौरमेशवर कै लोग ऐकी नीयुं कै जैशणै औसौ जू हिलो ना यानी सै हमैशा बिशवाश दै बौणैयौंदे रौंव इयौं नीयुं पांदी ऐजै शोब्द लैखैयौंदे रौंव: “प्रभु जाणौए कै तैसकै लोग कुण औसौ,” औरौ ऐजौ बै कै जू कुणिए बै पौरमेशवर कै आराधना कौरौ तिनु बुराई कौरणै बन्द कौर दैणी चैंई।

2 तीमुथियुस 3:9

पौरौ सै जादा देर तौड़ी लोगौ कै धौखा ना दैय सौकदै। जिथुकै जैशै लोगै जाणै पौऊं कै यन्रेस औरौ यम्‍ब्रेस मूर्ख थिए, तैशैखैई सौब लोग जाणै पांदै कै ऐजै झूठै शिक्षक मूर्ख औसौ।

इब्रानियों 10:39

पौरौ आमै तिनु लोगौ मुंजी ना आथी जू पौरमेशवर पांदी भोरोशा कौरणा छोड़े दैंव औरौ जिनकै जिन्दगी नाश हौए जांव। पौरौ आमै तिनु लोगौ मुंजीदै औसौ जू आपणा बिशवाश बाणैयौंदा राखौ।

2 यूहन्ना 1:7

मोऐं ऐजौ इथकारिए बौल़ै लो जिथुकै बौहितै सारै लोग झूठी शिक्षा दैयौ लोगौ कै धौखा दैय लौआ, सै दुनिया दै आए गौवै। औरौ सै बौल़ौए यीशु मसीह ऐक आदमी बोणेयो इयौं सोंईसारी पांदी ना आए रैई। जै कोसी आदमीए ऐशणै बात बौल़ै लौए तौ सै मसीह का दुशमन औसौ जू लोगौ कै सौदा धौखा दैंव।

यहूदा 1:1

हांव, यहूदा तुऔं ऐजी चिट्ठी लिखु। हांव यीशु मसीह का सेवक औरौ याकूब का नानड़ा भाए औसौ। मोऐं तुऔं लोगौ खै लिख लौ, जिनु पौरमेशवरे आपी पांदी बिशवाश कौरणौ कारिए बौएदै राए। अमारा पौरमेशवर पिता तुऔंआरी प्यार कौरौ औरौ तुऐं यीशु मसीह दै ठीक ठाक औसौ।

यहूदा 1:19

ऐजैई सैजै लोग औसौ, जू तुऔं एकजुट ना हौणौ दैंव; सै आपणी खुद की इछाओं कै हिसाब शै बर्ताव कौरौ, औरौ तिनुमुंजी पवित्र आत्मा ना आथी।