1 यूहन्ना 2:17 - सिरमौरी नौवाँ नियम

¹⁷ दुनिया औरौ तिथकी इछाएं दुईनै नाश हौंदी लागै रोई, पौरौ जू पौरमेशवर कै इछा कै हिसाब शै जियौंए सै सौदा बौणेयौंदा रौंदा।

Sirmouri

¹⁷ संईसारी अरह् तिन्दे की हिछ़या दुईनें मिटी ज़ाँव, परह् जुण्जा पंण्मिश्वर की हिछ़या गाशी चालो, से सदा-सदा पंण्मिश्वर दा बंणा अंदा रंह्दा।

1 यूहन्ना 2:17 ပူးပေါင်းရင်းမြစ်များ

मत्ती 21:31

इनु दु मुंजीदै कुणै पिता कै इछा पूरै कौरी?” तिनुऐ बौल़ौ, “आगलै।” यीशुए तिनुखै बौल़ौ, “हांव तुऔं खै साचौ बुलू, की महसूल लोणो वाल़ै औरौ वेश्या तुऔं दै आगै पौरमेशवर कै राज्य दै प्रवेश कौरदै।

मत्ती 24:35

गौयण औरौ धोरती टोल़े जालै, पौरौ मैरी बातौ हमैशा रोन्दी।”

मत्ती 7:21

“जू मुखै, ‘ओए रै प्रभु, ओए रै प्रभु’ बौल़ौ, तिनुमुंजी दै हरेक स्वर्ग कै राज्य दै ना जाए पान्दै, पौरौ सैजाई जू मैरै स्वर्गीय पिता की इछा पांदी हांडलै।

मरकुस 3:35

जू कुणिए पौरमेशवर कै मोरजी पूरी कौरौ, सैजै मैरै भाईटु औरौ माँ औसौ।”

यूहन्ना 4:14

पौरौ जू कुणिए तिथु पाणी मुंजी दो पिला जू हांव तैसीखै दियुंबा, सै सौदा तौड़ी तीशी ना रौंदा, औरौ जू पाणी हांव तैसीखै दियुंबा, सै तिथु मुंजी ऐक फटवाणी बौणै जांदो, जू तैसी पाणी कै दैंदा रौंव जू तैसी सौदा कै जिन्दगी तौड़ी दैला।”

यूहन्ना 6:58

ऐजै रोटै सैजै औसौ, जू स्वर्ग शै आए रौए। ना कि सैजी जू तोंवारै पुराणियाए खाए औरौ सै मौरे गौवै, ऐजै रोटै जू कुणिए आदमी खाला, सै सौदा जियुंदी रोल़ा।”

यूहन्ना 7:17

जै कुणिए पौरमेशवर कै इछा पूरी कौरणौ का प्रण लोंव, तौ सै जाणै पांदा कै मैरै शिक्षा पौरमेशवर कै ढौबौशै आंव या हांव आपणै औरौ शी बुलू।

रोमियों 12:2

औरौ इयौं दुनिया कै जैशणै ना बौणौ, पौरौ आपणै सुंचणौ कै तरीकै पौरमेशवर खै बौदल़णौ दैंव, ताकि तोंवारा चाल-चलन बै बौदल़दा जांव, जिथलैई तुऐं पौरमेशवर कै भली, औरौ भावती औरौ सिध्द इछा कै जूंदै रौंव।

1 कुरिन्थियों 7:31

औरौ इयौं दुनिया मुंजी जू किछै बै आमुकैंई औसौ, आमु तिथु जादा जौरुरी नी सौमझणौ चैंई जिथुकै इयौं दुनिया दु सौबै ठुँ खत्म हौए जांदो।

कुलुस्सियों 1:9

इथकारिए जैसी दूसौ दो ऊबु आमुए ऐजौ शौणै राए आमै बै तुऔं कारिए लगातार प्रार्थना औरौ बिन्ती कौरु; कै पौरमेशवर कै आत्मा तुऔं ज्ञान औरौ सौमझ दैंव ताकि तुऐं तैसकै इछा कै पूरी तरह शै सौमझै सौकौ।

कुलुस्सियों 4:12

इपफ्रास जू तोंवारै नोगर पौरैशा औसौ औरौ मसीह यीशु का दास औसौ, तुऔं खै नमशकार कौरौ। सै सौदा तुऔं कारिए बौड़ी लगन शै प्रार्थना कौरदा रौंव, ताकि पौरमेशवर तुऔं कै मोजबूत औरौ सिध्द बाणौ औरौ तुऐं पूरै बिशवाश कै साथै पौरमेशवर कै इछा कै पूरै कौरदै रौंव।

1 थिस्सलुनीकियों 4:3

पौरमेशवर कै इछा ऐजी औसौ, कै तुऐं पवित्र बौणौ औरौ गौलत सौमबंध शै बौचेयौ रौंव।

1 थिस्सलुनीकियों 5:18

हर हाल दै धन्यवाद कौरौ: जिथुकै तुऔं कारिए मसीह यीशु दै पौरमेशवर कै ऐजी इछा औसौ।

इब्रानियों 10:36

ऐबै तुऔं सब्र कै साथै सैहन कौरणौ कै जौरुरत औसौ, तोबैई तुऐं पौरमेशवर कै इछा कै पूरै कौरदै औरौ तुऔं सैजी सौबै चीज़ौ भैटदी जिथका वादा पौरमेशवरे कौरे राए।

याकूब 4:14

पौरौ तुऐं ऐजौ ना जाणौ कै दोतियो का हौन्दौ, शुणौ, तोंवारा जीवन औसौ ही का? तुऐं तौ धुंध कै जैशणै औसौ, जू किछै देर तौड़ी दैखियौं, तेथियोड़े घायब हौए जांव।

1 पतरस 1:5

पौरमेशवर आपणै अनौखी शौकतै लैई तुऔं बौचायौ राखदा जिथुकै तुऐं यीशु मसीह पांदी भोरोशा राखौ। सै आखरी दूसौ तौड़ी जौल़ौ मसीह पाछु आला, तुऔं बौचायौ राखणा जारी राखदा। तोबै तुऐं जाणै पांदै कै पौरमेशवरे तुऔं पाप औरौ मौत शै पूरी तरह शै बौचाए राए।

1 पतरस 4:2

ऐलौ दै ऊबै, औटेयौ, तुऐं आपणै बाकी दुनिया कै जिन्दगी कै आपणी शोरीरो की बुरी इछावं कै पूरा कौरणौ कारिए नी; पौरौ पौरमेशवर कै इछा पूरै कौरणौ कारिए जियौ।