1 यूहन्ना 1:8 - सिरमौरी नौवाँ नियम

⁸ जै आमै बुलूए कै आमुए किछै बै पाप ना कौरी, तौ आपी खै धौखा दियु, औरौ आमु तियौं सौचाई पांदी बिशवाश ना कौरु जू पौरमेशवर बौल़ौए कै साचौ औसौ।

Sirmouri

⁸ जे आँमें ऐजो बुलो, के आँमों दो किऐ पाप ने आथी, तअ आँमें आपु आपू खे धोखा दियों; अरह् आँमु दी किऐ सच्चाऐ ने आथी।

1 यूहन्ना 1:8 ပူးပေါင်းရင်းမြစ်များ

यूहन्ना 8:44

तुऐं आपणै बापू शैतान शै औसौ औरौ आपणै बापू कै इछा खै पूरै कौरणै चांव। सै तौ आगै दा उंडा हथियारा औसौ, औरौ सै कौलोंई साचा ना थी, जिथुखै सौचाई तैसदै आथी ना, जौल़ौ सै झूठु बौल़ौ, तौ सै आपणै स्‍वभाव शै बौल़ौ, जिथुखै सै झूठा औसौ, औरौ झूठै का बापू औसौ।

रोमियों 3:10

जैशैकै पवित्र शास्त्र बौल़ौ “पौरमेशवर कै नज़र दै कुणिए बै धरमी ना आथी, ऐक बै ना आथी।

रोमियों 3:23

इथकारिए सौबीए पाप कौरे राए औरौ पौरमेशवर कै तियौं महिमा शै दूर औसौ जू सै दैणै चांव,

1 कुरिन्थियों 3:18

जै तुऔं मुंजीदै कुणिए बै इयौं दुनिया कै लोगौ कै राय दै सौमझदार औसौ, तौ तुऔं इयौं दुनिया कै लोगौ कै राय मुंजी आपी खै मूर्ख बाणणा पौड़दा, ताकि आमु पौरमेशवर कै राय दै सोही मायनै दै सौमझदार बौणै सौकु।

गलातियौं 6:3

जै कुणिए सुंचौए कै सै ऐक बौड़ा अगुवा औसौ, जोबै कै सै सौथीखै ना आथी, तौ सै आपी धौखै दा रौंव।

1 तीमुथियुस 6:5

ऐशणै लोगौ कै बीच मुंजी झोगड़े पौयदा हौं, जिनकै बुध्दि खत्म हौए गौए औरौ सै सौचाई खै ना सौमझै पांव, औरौ सै सुंचौए कै पौरमेशवर कै सेवा कौरणै अमीर हौणौ का तरीका औसौ।

2 तीमुथियुस 3:13

पौरौ बुरै औरौ धोकैबाज लोग, जादा बुरै काम कौरदै। सै लोगौ कै धौखा दैलै औरौ आपी बै लोगौ शै धौखा खालै।

याकूब 1:22

सिरफ तैसकै वचन कै शोणेयो आपी खै धौखा ना दैव; तुऔं सैजौई कौरणौ चैंई जू सै बौल़ौए।

याकूब 1:26

जै कुणिए आपी खै भोक्‍त सौमझौ, पौरौ बुरी बातौ बौलणौ पांदी काबू ना राखौ तौ सै आपी खै धौखा दैंव औरौ तैसकै भोक्‍ती बैकार औसौ।

याकूब 3:2

आमै सौबै बौहितै बैई चौकी जोऊं पौरौ जै कुणिए आदमै जू सै बौल़ौए तिथमुंजी कौलोंई गौलती ना कौरौ सैजाई तौ सिध्द आदमै औसौ, औरौ सै आपणै सौबी कामौ दा आपी खै काबू कौरे सौकौ।

2 पतरस 2:13

जिथुकै सै आपणै कपटै तरीकै कै खुशी लोंव, सै दूसौ दुफारियौ बुरै सुख-चैन शै खाए पियौ खुशी मौनांव, सै तिनु दागौ औरौ धाबै साए औसौ जू हर बार तोंवारै खातिर बुरी तरह शै मुँह छिपाणो कै बौजैह बौणौ जोबै सै तोंवारै साथै खाणौ खांव।

1 यूहन्ना 1:10

जै आमै बुलूए कै आमै पाप ना कौरु, तौ आमै पौरमेशवर खै झूठा बाणौ, औरौ जू वचन सै बौल़ौए तैसीखै ना तौ सौमझौ औरौ ना मानौ।

1 यूहन्ना 1:6

जै आमै बुलू कै पौरमेशवर कै साथै आमै शामिल औसौ पौरौ तोबै बै जू बुरै काम औसौ सैजैई कौरु तौ आमै झूठु बुलू औरौ सौचाई कै साथै ना जियुं।

1 यूहन्ना 2:4

जू कुणिए आदमी ऐजौ बौल़ौ, “हांव तैसीखै जाणै गौआ,” पौरौ तैसकी आज्ञाओं खै ना मानौ, सै झूठा औसौ; औरौ सै पौरमेशवर कै साची सौंदेश कै हिसाब शै ना जियौं।

1 यूहन्ना 4:20

जै कुणिए आदमी बौल़ौए, “हांव पौरमेशवर आरी प्यार राखु,” औरौ आपणै बिशवाशी भाईटु आरी नफरत राखौ तौ सै झूठा औसौ; जिथुकै जू आपणै भाईटु आरी नफरत कौरौ जैसीखै तैणै दैखै राए, तौ सै पौरमेशवर आरी प्यार ना कौरे सौकौ जैसीखै तैणै कौलोंई ना दैखी रैई।

2 यूहन्ना 1:2

आमै तुऔंआरी प्यार कौरो जिथुकै आमै साची शिक्षा दै बिशवाश कौरो, औरौ सैजै शिक्षा सौदा अमारै साथै बौणैयौंदे रौंदै।

3 यूहन्ना 1:3

जिथुकै किछै बिशवाशी भाईए आयौ मुखै तैरै बारै मुंजी बौताए राए कै तू कैशैखै भोरोशे कै साथै सौचाई शै जी रौआ तौ हांव ऐजौ शोणेयो बैजाए खुशी हौआ।