1 कुरिन्थियों 9:26 - सिरमौरी नौवाँ नियम

²⁶ जैशै ऐक दोऊड़नो वाल़ा दौड़ कै दशा दा बौणेयौंदा रौंव या ऐक मुकैबाज़ आपणै मुक्को खै विरोधी कै शोरीर पांदी मारौए, तैशैखैई हांव आपणै जीवन कै मसीह कै काबू दा जीऊं।

Sirmouri

²⁶ हाँव बिना तारगैट के आदमी जेष्णाँ ने दऊँड़्दा; हाँव बागुरी दी मुँकिऐ ने लाँदा।

1 कुरिन्थियों 9:26 ပူးပေါင်းရင်းမြစ်များ

मत्ती 11:12

औरौ जोबै यूहन्ना बपतिस्मा दाताए प्रचार कौरणा शुरु कौरा, तैसी सौमय शै लोयो इबी तौड़ी स्वर्ग का राज्य जोर शै आगै बौड़ै रौआ, औरौ तागतवर लोग इथपांदी हमला कौरौ।

लूका 13:24

“पौरमेशवर कै राज्य दो सांगड़ै दवारो बाटी जाणौ चैईथु औसौ, जिथुकै हांव तुऔं बुलू कै भौरिशै लोग ऐसी दवार दै जाणौ की कौचिश कौरलै, पौरौ जाणौ दै नाकामयाब हौए जांदै।

1 कुरिन्थियों 14:9

ऐशैखैई, जोबै तुऐं ऐशणै शब्द बौल़ौ जिनुखै लोग सौमझै ना सौकौ, तौ सैजौ हावा आरी पौल़णौ जैशणौ औसौ औरौ जू तुऐं बौल़ै लौ तिथकै कुणजै कीमत ना हौंदै।

2 कुरिन्थियों 5:1

जिथुकै आमुवा पौता औसौ, कै इथै धोरती पांदी अमारा शोरीर ऐक तोम्बू कै जैशणा औसौ, जिथमुंजी आमु रोऊं। जोबै आमै मौरुगै तौ आमु पौरमेशवर कै ढौबौशा स्वर्ग दा ऐक ऐशणा घोर भैटदा, जू आदमी कौ बाणैयोंदौ घोर ना आथी पौरौ ऐजा शोरीर स्वर्ग दा हमैशा तौड़ी बौणेयौंदा रौंदा।

2 कुरिन्थियों 5:8

इथकारिए आमु निशोंक रोऊं, औरौ जोबै अमारै मौत हौंदै तौ प्रभु कै साथै रौणौ हौजौ बै बौढ़ेयौ सौमझदै।

गलातियौं 2:2

औरौ हांव तिथै हौटा जिथुकै पौरमेशवरे मुखै जाणौ खै बौल़ौ, औरौ जोबै हांव तिथै थिया तौ अगुवो आरी ऐक-ऐक कौरेयौ भैटिया औरौ तिनु तैसी सुसमाचार कै बारै मुंजी बौतौऊ जू मोऐं बैगानै यहूदी लोगौ कै बीच मुंजी प्रचार कौरे राए थिया तिथै मोऐं एकान्त दै जायौ अगुवो खै सौमझाए दियै, ताकि ऐशै ना हौंव, कै जू मोऐं पाछै कौरे राए थियु तिथका किछै नतीजा निकल़ौ।

फिलिप्पियों 1:21

जिथुकै जै हांव जियुंदी रोऊं तौ ऐजौ मसीह कै आदर कारिए हौंदौ, औरौ जोबै हांव मौरे जोऊं तौ मुं कारिए ऐजौ आछौ हौंदौ जिथुकै हांव तोबै बै मसीह कै साथै रौंदा।

कुलुस्सियों 1:29

औरौ ऐजौ पूरु कौरणौ कारिए हांव कड़ी मैहनत औरौ संघर्ष कौरु, तियौं अनौखी शौकतै कै इस्तैमाल कौरदै बैई जू मसीह दैंव औरौ जू मैरै भीतरै काम कौरौ।

2 तीमुथियुस 1:12

औरौ इथ बौजै शै मोऐं इथै कोयदी दा दुख लौआ सौय पौरौ शर्मोऊं ना, जिथुकै हांव मसीह कै जाणुए जैसी पांदी मोऐं बिशवाश राए कौरे, औरौ मुखै पाको पौता औसौ, कै मसीह तैसी दूसौ तौड़ी जौल़ौ तौड़ी सै पाछु ना आंव, तैसी सुसमाचार कै रक्षा कौरणौ दा पूरी तरह शै काबिल औसौ जू तैणै मुखै दैय राए।

2 तीमुथियुस 2:5

ऐशैखैई जोबै कुणिए ओकी कै खिलाफ दौड़ दा दोऊड़ो, जै सै खेल कै नियमौ का पालन ना कौरौ, तौ कुणिए बै तैसी इनाम ना दैंदा।

2 तीमुथियुस 4:7

जैशै ऐक आछा योध्दा लोड़ाए दै हार ना मानौ तैशैखैई मोऐं बै प्रभु कारिए कड़ी मैहनत कौरणै ना छुड़ी। मोऐं मसीह का दैएयौंदा काम पूरा कौरे राए, हांव प्रभु दा आखरी तौड़ी बिशवाश लायक रौए रौआ।

इब्रानियों 12:1

इथकारिए, जैशैकै बौहितै सारै लोगौ कै जीवन शै बिशवाश कै बारै मुंजी गवाहियाँ भैटी, जू ऐक बौड़ी भीड़ कै जैशणी अमारै चोऊ ढौबै घैरेयौंदी औसौ, तौ आव, आमै हरेक रुकणौवाल़ै चीज़ौ औरौ उलझाणौवाल़ै पाप खै दूर कौरेयौ, तैसी बाटौ पुंडे चालौ जिथपांदी आमु चालणौ चैंई।

इब्रानियों 4:1

इथकारिए, जोबै कै विशांव कै ठाँव दा जाणौ का वादा ऐबै बै औसौए, तौ आमु बैजाए चौकश रौणौ चैंई; औरौ तुऔं मुंजीदै कोसी खै बै तैसी विशांव कै ठाँव पांदी जाणौ का मौका ना छोड़णा चैंई।

1 पतरस 5:1

किछै ऐशणी बातौ जू हांव तिथै कै अगुवे शै बौलणा चोऊं जिथुकै हांव बै तोंवारै जैशणा ऐक अगुवा औसौ। मोऐं आपी तिनु दुखो कै दैख राए जू बैजाए सौमय आगै मसीहे सैय राए। जोबै सै औटेयौ पाछु आन्दा, तौ हांव बै तैसकै महिमा दा शामिल हौंदा। ऐबै हांव तुऔं कैईंदै बिन्ती कौरु:

2 पतरस 1:10

इयौं बौजैह शै ओए रै बिशवाशी भाईयों, आपी खै औरौ ओकी लोगौ खै ऐजौ दिखाणौ कारिए हौजौ बै आछा बर्ताव कौरणौ कै कौचिश कौरौ कै पौरमेशवरे तुऔं सौथीखै चोणे राए औरौ तुऔं आपणै लोग हौणौ कारिए बौएदै राए। जै तुऐं ऐशै कौरलै तौ तुऐं निशोंक हौयौ पौरमेशवर शै जौई ना हौंदै;