1 कुरिन्थियों 9:23 - सिरमौरी नौवाँ नियम

²³ औरौ हांव सौबै ठुँ मसीह कै बारै मुंजी सुसमाचार प्रचार कौरणौ कारिए कौरु, कै मुखै सुसमाचार दा वादा कौरेयौंदे आर्शीवाद का हिस्सा भैटी सौकौ।

Sirmouri

²³ हाँव ऐजो सब-कुछ खुषख्बरी की ताँईऐं करू, के ओकी आरी भे खुषख्बरी का हिस्सेदार बंणी ज़ाऊँ।

1 कुरिन्थियों 9:23 ပူးပေါင်းရင်းမြစ်များ

मरकुस 8:35

जिथु जू कुणिए इयौं धोरती पांदी आपणै जिन्दगी बौचाणौ कै कौचिश कौरला, सै हमैशा कै जिन्दगी गवांए दैला, पौरौ जू कुणिए मुं पांदी बिशवाश कौरणै औरौ सुसमाचार प्रचार कौरणौ कै बौजैह आपणै जिन्दगी गंवाला, सै स्वर्ग दै हमैशा खै जिन्दगी पाला।

रोमियों 11:17

इस्राएल कै लोग ऐक आछै जैतून कै डाल़ो कै डाल़ी कै जैशणै औसौ औरौ पिता अब्राहम, इसहाक औरौ याकूब तैसी डाल़ कै जड़ कै जैशणै औसौ। बैगानै यहूदी लोग जोंगली जैतून कै डाल़ कै डाल़ी औसौ, जू कलम कौरेयौ तिनु काटैयौंदी शाई कै जौगैह दी तैसी डाल़ दी लाए राए, ऐबै सैजी शाई तैसी जड़ कै खुराक कै हकदार औसौ।

1 कुरिन्थियों 9:12

जिथुकै तुऐं ओकी लोगौ खै पौयसै कि मौदद दैय राए, जिनुवै तुऔं मुंजी प्रचार कौरे राए, निशोंक हौयौ खै बरनबास औरौ हांव इथकै लायक हौजौ बै जादा औसौ। भलैई, आमु मुंजीदै कोसीए बै इयौं बातौ पांदी जोर ना दी कै तुऐं आमु तिनु चीज़ौ कै दौ जू अमारै तुऔं कैईंदी चैंई थी। इथकै बजाय, आमु किछै बै सैहणौ खै तैयार थिए, ताकि आमु मसीह कै बारै मुंजी सुसमाचार पांदी बिशवाश कौरणौ शै कोसी खै बै मुशकिल दै नी पांव।

1 कुरिन्थियों 9:22

जोबै हांव तिनु लोगौ कै साथै रोऊं, जिनका बिशवाश कमजोर औसौ, तौ हांव तिनकै जैशणा बर्ताव कौरु, ताकि हांव तिनुखै मसीह कै पौछौड़ियौ चालणौ दै मौदद कौरे सौकु। औरौ सौबी आदमी कारिए सौबै ठुँ बौणै गौआ, कै कोसी ना कोसी तरीकै शै किछै लोगौ का उध्दार कौराए सौकु।

1 कुरिन्थियों 9:24

जैशैकै सौब लोग दौड़ दै दोऊड़ो तौ औसौ, पौरौ इनाम ऐकैई आदमी नियौ। तुऐं तैशैखै दोऊड़ो, कै तुऐं जीतौ।

2 कुरिन्थियों 2:4

बौड़ै कौल़ेशौ, औरौ मन कै कोष्ट लैई, मोऐं बैजाए आशु बौवाएयौ तुऔं चिट्ठी लैखै राए, इथकारिए नी, कै तुऐं उदास हौंव पौरौ इथकारिए कै तुऐं तैसी बौड़ै प्यार खै जाणै सौकौ, जू मुखै तुऔंआरी औसौ।

2 तीमुथियुस 2:10

इथकारिए हांव तिनु लोगौ कै फायदै कारिए सौबै दुख सैहन कौरु, जिनु पौरमेशवरे चोणे राए, ताकि सै बै मसीह यीशु पांदी बिशवाश कौरौ औरौ बौचाए जांव, औरौ तियौं महिमा कै पांव जू सौदा बौणैयौंदे रौंव।

2 तीमुथियुस 2:6

जू किसान मैहनत कौरौ, फसल का हिस्सा आगै तैसी भैटणा चैंई।

इब्रानियों 3:1

इथकारिए, ओए रै बिशवाशी भाईयों तुऔं जू स्वर्ग दै तैसकै साथै शामिल हौणौ कारिए बौएदै राए, मसीह यीशु पांदी ध्यान दैव, सै अमारै खातिर पौरमेशवर का चोणेयौंदा चैला औरौ महायहूदी पुरोहित औसौ।

इब्रानियों 3:14

जिथुकै जै आमै तैशैखैई बिशवाश कै साथै आखरी तौड़ी मोजबूत बौणैयौंदे रोऊंबे, तौ जैशणा बिशवाश आमुदा शुरुआत शै थिया, तोबै आमै मसीह कै सहयोगी बौणै जांदै।

1 पतरस 5:1

किछै ऐशणी बातौ जू हांव तिथै कै अगुवे शै बौलणा चोऊं जिथुकै हांव बै तोंवारै जैशणा ऐक अगुवा औसौ। मोऐं आपी तिनु दुखो कै दैख राए जू बैजाए सौमय आगै मसीहे सैय राए। जोबै सै औटेयौ पाछु आन्दा, तौ हांव बै तैसकै महिमा दा शामिल हौंदा। ऐबै हांव तुऔं कैईंदै बिन्ती कौरु:

1 यूहन्ना 1:3

आमुए यीशु मसीह कै बारै मुंजी जू किछै दैखी औरौ शौणै राए, तिथकै गवाही तुऔं कै बै दियुंए इथकारिए कै अमारै साथै तोंवारै बै संगति हौंव; औरौ अमारै संगति पिता पौरमेशवर औरौ तैसकै बैटै कै साथै बै हौंव।