1 कुरिन्थियों 9:21 - सिरमौरी नौवाँ नियम

²¹ तैशैखैई, जोबै हांव बैगानै यहूदी लोगौ कै साथै काम कौरु, तौ तैशैखै रोऊं जैशै सै रौंव, ताकि तिनु जीती सौकु। पौरौ मुखै पौता औसौ कै हांव पौरमेशवर कै कानून कै बगैर ना रौए सौकु थिया, जिथुकै हांव मसीह कै कानून कै हिसाब शै औसौ।

Sirmouri

²¹ जुण्जे ऋषी-मूसा खे भेटे गुऐ, अज्ञाँ-निय्म के बष दे ने आथी, हाँव तिन्खे पंणमिश्वर के निय्म शा अजाद ने, परह् मसीया के निय्म के बष दा असो; तबे भे तेष्णा बंणा, जू तिनू खीचियों आँणी सकू।

1 कुरिन्थियों 9:21 ပူးပေါင်းရင်းမြစ်များ

प्रेरितो कै काम 15:28

पवित्र आत्मा खै, औरौ आमुखै बै ऐजौ ठीक लागौ कै इनु जौरुरी बातौ खै छोड़ेयौ; तुऔं पांदी हौजौ कुणजाई बोझ ना पौड़ौ;

प्रेरितो कै काम 16:4

पौलुस औरौ तैसकै साथी जोबै नोगरो-नोगरो जांव थिए तौ सै तिनु नियमौ कै जू यरूशलेम शहर कै चोणेयौंदे चैलै औरौ अगुवे बाणै राए थिए, तिनु नियम कै मानणौ कारिए बिशवाशियौं तौड़ी पौऊचांव थिए।

प्रेरितो कै काम 21:25

पौरौ तिनु बैगानै यहूदी लोगौ कै बारै मुंजी जिनुवै बिशवाश कौरे राए, आमुए ऐजा फोएसला कौरेयौ तिनुखै ऐजौ बौताणौ कारिए ऐक चिट्ठी लिखयो भैजै दै कै सै सैजौ खाणौ नै खांव जू लोगै मूर्तो कै आगै चौढ़ाए राए औरौ गल़ा घोटेयौंदे गोरु को मांस नै खाया, औरौ गौलत सौमबंध बाणणौ शै दूर रौया।

रोमियों 2:12

इथकारिए बैगानै यहूदी लोग जिनुकैईं मूसा कै कानून ना आथी, सै बिना कानून कै पौरमेशवर शै सौजा पांदै, औरौ यहूदी लोग, जिनुवै मूसा कै कानून पायौ पाप कौरा, तिनकी सौजा मूसा कै कानून कै हिसाब शै हौन्दी;

रोमियों 2:14

तोबै बै जोबै बैगानै यहूदी लोग जिनुकैईं मूसा कै कानून ना आथी, स्‍वभाव ही शै मूसा कै कानून दै पाए जाणौवाल़ै कामौ मुंजीदै किछै कामौ कै कौरौए, तौ ऐजै मूसा कै कानून तिनुकैईं ना हौणौ शै बै सैजै लोग साबित कौरौ कै तिनुकैईं आपणै मनो दै मूसा कै कानून औसौ।

रोमियों 7:22

जिथुकै हांव आपणै पूरै मन शै तौ पौरमेशवर कै नियम लैई बैजाए खुशी रोऊं।

रोमियों 7:25

हांव पौरमेशवर का धन्यवाद कौरु जैणै यीशु मसीह कै दवारा मुखै बौचौऊंवा, इथकारिए हांव आपणी बुध्दि लैई तौ पौरमेशवर कै नियम का, पौरौ शोरीर लैई पाप कै नियम कै सेवा कौरु।

रोमियों 8:4

इथकारिए कै धार्मिक नियम जू अमारै पापी स्‍वभाव कै हिसाब शै नी पौरौ पवित्र आत्मा कै हिसाब शै चालैयौ, निभाए जांव।

गलातियौं 3:2

हांव तुऔं कैईंदा ऐक सवाल पूछणा चोऊं का तुऔं पवित्र आत्मा मूसा कै कानून का पालन कौरणौ लैई भैटौ, ना! बिल्कुल नी! तुऔं पवित्र आत्मा भैटा जिथुकै तुऐं तैसी सौंदेश पांदी बिशवाश कौरा जू तुऐं मसीह कै बारै मुंजी शुणा।

गलातियौं 6:2

तुऐं ऐकी-दूजै कै भार खै साझा कौरौ। ऐशैखैई तुऐं सैजौई कौरदै, जू मसीह चांव कै तुऐं कौरौ।

इब्रानियों 8:10

तोबै प्रभु बौल़ौ, कै जू कौरार हांव आणौवाल़ै दूसौ दै इस्राएल देश खै लोगौ कै साथै कौरदा, सैजै ऐजै औसौ, कै हांव तिनु मैरै नियम कै बारै मुंजी सुंचणौ दैंदा, औरौ सै तिनु आपणै मन दै राखदै, औरौ हांव तिनका पौरमेशवर बौणदा, औरौ सै मैरै लोग हौंदै।