1 कुरिन्थियों 9:14 - सिरमौरी नौवाँ नियम

¹⁴ ऐशैखैई प्रभुए बै तय कौरे राए, कै जू लोग सुसमाचार शुणांव, तिनकै रौज़ी-रोटी तिनु लोगौ शै हौणै चैंई जू सुसमाचार शुणौ।

Sirmouri

¹⁴ ऐष्णों ही प्रभू ऐ भे फरमाँऐं थों, के जुण्जे लोग खुषख्बरी शुणाँव, तिनका गुजारा भे तियों ही खुषख्बरी शुणाँणों शा हों।

1 कुरिन्थियों 9:14 ပူးပေါင်းရင်းမြစ်များ

मत्ती 10:10

बाटो पुंडे खै ना तौ झोल़ा राखैया, औरौ ना दो खोटणो, ना जूते औरौ ना डैंगा राखैया, जिथुकै मजदूर कै तिनकौ खाणौ भैटिणौ चैंई।

लूका 10:7

तैसी घोरे दै रौया, औरौ जू किछै तिनुवांदो भेटलो, सैजौई खाया पीया कौरेया, जिथुकै मजदूर कै आपणी धियाड़ी भेटणी चैंई; घोरे-घोरे नै फिरेया।

लूका 10:8

जैसी नोगरो दै जांव, औरौ जै तिथै कै लोग तोंवारा स्वागत कौरौ, तौ जू किछै तोंवारै धोरे राखौ सैजौ ही खाया।

प्रेरितो कै काम 18:3

पौलुस औरौ अक्विला का ऐकैई बेवसाय थिया; इथकारिए पौलुस तिनुआरी भैटिंदा हौटा, जिथुकै सै ऐक जैशणै ही तोम्बू बाणणौ का काम कौरौ थिए औरौ तैणै तिनकै साथै रौयौ काम कौरा।

1 कुरिन्थियों 4:15

भले ही तुऔं कैई पालन कौरणौ कारिए औरौ बाट दिखाणौ कारिए मसीह दै हज़ारो शिक्षक हौंव, तोबै बै हांव ही तोंवारै पिता कै जैशणा औसौ, जू तोंवारै खातिर सुसमाचार लायौ ओऊवा, जिथकै बौजैह शै तुऔं मसीह यीशु पांदी बिशवाश हौआ।

1 कुरिन्थियों 9:11

आमै तोंवारै बीच दै आत्मिक बीज़ बौए राए, इथकारिए ऐजै उमीद कौरणै जादा ना आथी, कै तुऐं आमु अमारा रौज का खर्चा दैंव।

1 कुरिन्थियों 9:12

जिथुकै तुऐं ओकी लोगौ खै पौयसै कि मौदद दैय राए, जिनुवै तुऔं मुंजी प्रचार कौरे राए, निशोंक हौयौ खै बरनबास औरौ हांव इथकै लायक हौजौ बै जादा औसौ। भलैई, आमु मुंजीदै कोसीए बै इयौं बातौ पांदी जोर ना दी कै तुऐं आमु तिनु चीज़ौ कै दौ जू अमारै तुऔं कैईंदी चैंई थी। इथकै बजाय, आमु किछै बै सैहणौ खै तैयार थिए, ताकि आमु मसीह कै बारै मुंजी सुसमाचार पांदी बिशवाश कौरणौ शै कोसी खै बै मुशकिल दै नी पांव।

1 कुरिन्थियों 9:16

जै हांव सुसमाचार शुणौऊं, तोबै बै मुंआगो किछै ना आथी, जिथकै बारै मुंजी, हांव घमण्‍ड कौरे सौकु; जिथुकै ऐजै तौ मुखै सौंपैयौंदे जिम्मेदारी औसौ; औरौ जै हांव सुसमाचार ना शुणौऊं, तौ मुं पांदी लानत औसौ।

1 कुरिन्थियों 9:4

मुखै औरौ बरनबास खै, चोणेयौंदे चैलै हौणौ की बौजैह शै औधिकार औसौ कै तुऔं कैईंदै आमु सेवा का काम कौरणौ कारिए धन कि मौदद भैटौ।

2 कुरिन्थियों 2:12

जोबै हांव मसीह का सुसमाचार शुणाणौ खै त्रोआस शहर दा ओऊवा, औरौ प्रभुए मुखै सुसमाचार प्रचार कौरणौ कै महान मौकै दियै।

गलातियौं 6:6

सैजै लोग जिनु पौरमेशवर कै वचन मुंजी दु शिखाए राए, तिनु जू किछै बै तिनुकैईं औसौ तिनु लोगौ कै साथै साझौ कौरणौ चैंई जू तिनु शिखांव।

1 थिस्सलुनीकियों 1:5

जिथुकै अमारा यीशु मसीह कै बारै मुंजी सुसमाचार तुऔं कैई बौताणा सिरफ बातौ मुंजी ही ना आथी, पौरौ पवित्र आत्मा कै अनौखी शौकतै लैई, पूरै आशवासन कै साथै ऐजा सुसमाचार साचा औसौ। जैशैखै तुऐं जाणौए कै तोंवारै कल्याण कारिए तोंवारै बीच दा अमारा चाल चलन कैशणा थिया।