1 कुरिन्थियों 8:9 - सिरमौरी नौवाँ नियम

⁹ पौरौ चौकश रौया, ऐशै नै हौंव, कै तोंवारै ऐजै आज़ादी बिश‍वाशौ दै कमजोर लोगौ कारिए पापौ कै बौजैह बौणौ।

Sirmouri

⁹ परह् च़ौक्क्ष रूऐ! कद्दी ऐशो ने हऐयों, के तुँवारी ऐजी अजादी कोसी कंंमजोर आदमी खे ठोकर-ढैस का कारण ने बंणों।

1 कुरिन्थियों 8:9 ပူးပေါင်းရင်းမြစ်များ

मत्ती 18:10

दैखौ, तुऐं इनु नानड़ै मुंजीदै कोसी खै बैकार नै जाणैया, जिथुखै हांव तुऔं खै बुलू, की स्वर्ग दै तिनुखै रोखवाल़ै स्‍वर्गदूत मैरै पिता कै सामणै हाजिर रौंव।

रोमियों 15:1

आमै जू बिशवाश दै मोजबूत औसौ जाणुए कै इनु बातौ लैई कुणजाई फर्क ना पौड़ौ, पौरौ आमु तिनु सिरफ आपी कै खुश कौरणौ कारिए ना कौरे सौकु। आमु तिनु लोगौ कै शकौ औरौ डौर पांदी सुंचणौ चैंई जू इनु बातौ कै गौलत मानौ।

1 कुरिन्थियों 10:24

कुणिए आपणै ही भोलाए खै ना सुंचौ पौरौ ओकी कै भोलाए कै बारै मुंजी बै ध्यान दैया।

1 कुरिन्थियों 10:28

पौरौ जै कुणिए तुऔं खै बौल़ौ कै “मूर्ति खै सैजौ खाणौ चौढ़ाए राए थियु,” तौ इथु नी खाया, आपणी अन्तरआत्मा की बौजैह शै नी, पौरौ तैसकै अन्तरआत्मा की बौजैह शै जैणै तुऔं खै ऐजौ बौतौऊ थियु। जिथुकै मैरै आज़ादी खै कोसी ओकी आदमी कै अन्तरआत्मा लैई न्याय ना कौरे जाणा चैंई।

1 कुरिन्थियों 10:32

हांव आपणी भोलाए कै बारै मुंजी बिना सोंचै, सौबी खै खुश कौरणौ कै कौचिश कौरु, ताकि तिनु बौचाए सौकु। तैशैखैई तुऐं बै ऐशैखै रौव कै ना यहूदी लोगौ ना बैगानै यहूदी लोगौ ना पौरमेशवर कै कलीसिया कारिए कुणजै पौरैशानी या कुणजै ठोकर कि बौजैह बौणौ।

1 कुरिन्थियों 8:10

जिथुकै तुऐं जाणौए कै ऐजी मूर्ति सौथीखै पौरमेशवर ना आथी इथकारिए तुऐं मूर्ति कै मन्दिरो दै खाणौ खाए सौकौ। पौरौ जू कुणिए बिशवाश दै कमजोर औसौ जै सै तुऔं तिथै खाणौ खांदै बैई दैखौए, तौ तैसी बै मूर्ति खै चौढ़ाएयौंदो मांस खाणौ का हौंसला भैटौ। भलैई सै जाणौ हौला, कै जै सै ऐशै कौरौ तौ सैजा पाप औसौ।

1 कुरिन्थियों 8:12

जै अमारै ऐसी काम कै कौरणौ शै अमारा साथी बिशवाशी दोषी महसूस कौरौ, तौ आमै तिनकै खिलाफ दै औरौ मसीह कै खिलाफ दै बै पाप कौरे राए।

1 कुरिन्थियों 9:22

जोबै हांव तिनु लोगौ कै साथै रोऊं, जिनका बिशवाश कमजोर औसौ, तौ हांव तिनकै जैशणा बर्ताव कौरु, ताकि हांव तिनुखै मसीह कै पौछौड़ियौ चालणौ दै मौदद कौरे सौकु। औरौ सौबी आदमी कारिए सौबै ठुँ बौणै गौआ, कै कोसी ना कोसी तरीकै शै किछै लोगौ का उध्दार कौराए सौकु।

2 कुरिन्थियों 11:21

हांव तोंवारै साथै तिनु बुरै कामौ खै कौरणौ कारिए ऐतरा हिम्मत वाल़ा ना थिया; पौरौ जियौं कोसी बातौ दै कुणिए घमण्‍ड कौरौ, हांव मूर्ख हौयौ बुलू तौ हांव बै घमण्डी कौरु।

2 कुरिन्थियों 11:29

जोबै कुणिए कमजोर हौंव तौ हांव बै कमजोरी महसूस कौरु, जोबै बै कुणिए पाप दै पौड़ै जांव तौ हांव पौरैशान हौए जोऊं।

2 कुरिन्थियों 6:3

पौरमेशवर दै शामिल हौयौ, आमै कियौंई बातौ दै ठोकर खाणौ का कुणजाई बै मौका ना दियु, कै अमारै सेवा पांदी कुणजाई दोष ना आंव।

गलातियौं 5:13

ओए रै बिशवाशी भाईयों तुऔं पौरमेशवर कै दवारा आज़ाद हौणौ कारिए चोणे राए इथकारिए ऐबै तुऔं मूसा कै कानून का पालन नी कौरणा चैंई। पौरौ आपणी शोरीर कै इछाओं कै पूरा कौरणौ का मौका नी दैंव। पौरौ आपणी आज़ादी का इस्तैमाल प्यार शै ऐकी दूजै कै सेवा कौरणौ कारिए कौरौ।

कुलुस्सियों 2:8

चौकश रौव कै कुणिए तुऔं तैसी बैकार कै ज्ञान औरौ झूठै धौखै कै दवारा फशाए नी दैंव जू आदमी कै भौवारो औरौ दुनिया की दैएयौंदी शिक्षा कै हिसाब शै औसौ, पौरौ मसीह कै हिसाब शै ना आथी।

1 पतरस 2:16

ऐबै तुऐं पाप कै गुलाम ना आथी जिथुकै तुऐं अमारै प्रभु यीशु मसीह कै दवारा आज़ाद हौए रौवै। पौरौ तुऐं आपणी आज़ादी का इस्तैमाल बुरै काम कौरणौ कारिए भाना नी बाणौ। पौरौ पौरमेशवर कै सेवको कै जैशणा बर्ताव कौरौ।

2 पतरस 2:19

झूठै शिक्षक लोगौ खै बौतांवे कै जू किछै बै सै कौरणौ चांव तिथु कौरणौ कारिए आज़ाद औसौ, जिथुकै तिनका कुणजाई मालिक ना आथी। पौरौ सौचाई ऐजै औसौ कै सै आपी बै आपणै बुरै आदत कै गुलाम औसौ। जिथुकै जू कुणिए बै कोसी पाकी चीज़ौ का आदी हौंव, सै जू किछै कौरौए तिथी लैई गुलाम बाणै जांव।

प्रकाशितवाक्य 2:14

पौरौ मुखै तांवआरी ऐजी शिकायत औसौ, जिथुकै तू तिनु लोगौ का विरोध ना कौरे जू झूठी शिक्षा दैंव, जैशैखै पौरमेशवर कै बातौ बौताणौवाल़ै बिलामै पुराणै सौमय दै दैय राए थै। बिलामै राजा बालाक कै शिखोऊ कै इस्राएल देश कै लोगौ खै पाप कौरणौ कारिए उकसाणौ कारिए का कौरणौ चैंई। तैणै तिनु मूर्ति खै चौढ़ाएयौंदो भोजन खाणौ औरौ बुरै ढंग शै जीणु शिखोऊ।