1 कुरिन्थियों 8:4 - सिरमौरी नौवाँ नियम

⁴ तौ तोबै, हांव खाणौ कै बारै मुंजी सवाल का जोवाब दैणा चोऊं। आमै जाणुए कै सिरफ ऐकैई जियुंदी पौरमेशवर औसौ औरौ इयौं दुनिया दी मूर्ति बैजान औसौ।

Sirmouri

⁴ अरह्: मुर्त्तियों के साम्णें बल़ी करी अंदी चीजो खाणों के बारे दो, आँमें जाणों ऐ, के मुर्त्ती संईसारी दी किऐ चीज ने आथी; अरह् ऐकी के सुवाऐं कुँऐं ओका पंणमिश्वर ने आथी।

1 कुरिन्थियों 8:4 ပူးပေါင်းရင်းမြစ်များ

मरकुस 12:29

यीशुए तैसीखै जोवाब दिया, “सौबी आज्ञाओं मुंजीदै खास आज्ञा ऐजै औसौ: ‘ओए रै इस्राएल देशो कै लोगौ शुणौ, प्रभु अमारा पौरमेशवर ऐक ही प्रभु औसौ।

प्रेरितो कै काम 14:15

“ओए रै लोगौ, तुऐं का कौरौ? आमुए बै तौ तुऔं साए दुख-सुख भुगतणो वाल़ै आदमी औसौ, औरौ तुऔं सुसमाचार शुणौऊं, कै तुऐं इनु बैकार कै चीज़ौ शै जौई हौयौ जियुंदै पौरमेशवर कै ढौबौ आंव, जैणै स्वर्ग औरौ धोरती औरौ समुन्द्र औरौ जू किछै तिंदु औसौ बाणै राए।

प्रेरितो कै काम 15:20

पौरौ आमुए तिनु ऐक चिट्ठी लिखयो भैजै दै, ऐजौ बौताणौ कारिए कै सै सैजौ खाणौ नै खांव जू लोगै मूर्ति कै आगै चौढ़ाए राए औरौ गौलत सौमबंध औरौ गल़ा घोटेयौंदे गोरु को मांस नै खाया औरौ गोरु को लोऊ नै खाया।

प्रेरितो कै काम 19:26

औरौ तुऐं दैखौ औरौ शुणौए कै सिरफ इफिसुस शहर ही नी, पौरौ एशिया प्रदेश कै सौबै गांव दै बौल बौलेयौ ऐसी पौलुसे बौहितै लोगौ खै सौमझाए औरौ भरमाए बै राए, कै जू हाथौ की कारीगरी औसौ, सै ईशवर ना आथी।

1 कुरिन्थियों 8:1

ऐबै मूर्ति कै सामणै बल़ि कौरेयौंदी चीज़ौ कै बारै मुंजी आमु जाणुए, कै आमु सौबी खै ज्ञान औसौ: ज्ञान घमण्‍ड पौयदा कौरौ, पौरौ प्यार लैई बौढ़ौतरी हौंव।

1 कुरिन्थियों 8:10

जिथुकै तुऐं जाणौए कै ऐजी मूर्ति सौथीखै पौरमेशवर ना आथी इथकारिए तुऐं मूर्ति कै मन्दिरो दै खाणौ खाए सौकौ। पौरौ जू कुणिए बिशवाश दै कमजोर औसौ जै सै तुऔं तिथै खाणौ खांदै बैई दैखौए, तौ तैसी बै मूर्ति खै चौढ़ाएयौंदो मांस खाणौ का हौंसला भैटौ। भलैई सै जाणौ हौला, कै जै सै ऐशै कौरौ तौ सैजा पाप औसौ।

1 कुरिन्थियों 8:11

ऐशैखैई तैरै ज्ञान की बौजैह शै जू बिशवाशी भाए बिशवाश दा कमजोर औसौ सै मसीह दा बिशवाश कौरणा बंद कौरे दैंदा, जैसी कारिए यीशु मसीहे आपी कै बलिदान कौरा।

गलातियौं 4:8

जोबै तुऐं पौरमेशवर खै ना जाणौ थिए, तौ तैसी सौमय तुऐं तैसकै दास थिए, जू सौथीखै ईशवर आथी ही ना।

इफिसियों 4:6

औरौ ऐकैई पौरमेशवर औसौ जू सौबी लोगौ का पिता औसौ, सै आमु सौबी पांदी राज कौरौ, सै आमु सौबी कै दवारा काम कौरौ औरौ सै आमु सौबी पांदी दया कौरौ।

1 तीमुथियुस 1:17

ऐबै हमैशा का राजा जू सौदा कारिए जियुंदी औसौ जैसी कुणिए ना दैख सौकौ, तैसी एकमात्र साची पौरमेशवर का आदर औरौ महिमा जुग-जुग हौन्दै रौंव। आमीन।

1 तीमुथियुस 2:5

जिथुकै सिरफ ऐकैई पौरमेशवर औसौ, औरौ सिरफ ऐकैई आदमी औसौ जू पौरमेशवर औरौ लोगौ कै बीच मुंजी मैल मिलाप कौरवाए सौकौ यानी सै यीशु मसीह औसौ, जू ऐक आदमी कै रुप दा पौयदा हौआ।

यहूदा 1:25

सै एकमात्र पौरमेशवर औसौ औरौ अमारै प्रभु यीशु मसीहे अमारै खातिर जू कौरे राए, तैसकै दवारा आमु बौचाए राए। अमारा प्रभु यीशु मसीह लोगौ कै दवारा पौरमेशवर कै इज्जत कौरणौ औरौ तैसकै तारीफ कौरणौ कै बौजैह बौणौ। ताकि लोग जाणी पांव कै तैसीकैईं सौमय कै शुरुआत शै लोयो आणौवाल़ै सौमय तौड़ी औरौ हमैशा-हमैशा कारिए शौकतै औरौ औधिकार औसौ। आमीन।