1 कुरिन्थियों 8:3 - सिरमौरी नौवाँ नियम

³ पौरौ जै कुणिए पौरमेशवर शै प्यार राखौ, तौ पौरमेशवर तैसी आदमी खै जाणौए।

Sirmouri

³ परह् जे कुँऐं पंणमिश्वर आरी पियार करह्, तअ पंणमिश्वर तेसी जाणों ऐ।

1 कुरिन्थियों 8:3 ပူးပေါင်းရင်းမြစ်များ

मत्ती 7:23

तोबै हांव तिनुखै निशोंक हौयौ बौल़ै दैंदा, ‘मोऐं तुऔं खै ना जाणी, ओए रै कुकर्म कौरणौवाल़ै, मैरै धोरे दै आगु जाव।’”

यूहन्ना 10:14

आछा चौराईया हांव औसौ, जैशैखै पिता पौरमेशवर मुखै जाणौ औरौ ऐशैखैई हांव पिता पौरमेशवर कै जाणुए, तैशैकैई, हांव आपणी भेड़ो कै जाणु औरौ मैरी आपणी भेड़े मुखै जाणौए। औरौ हांव आपणी भेड़ो कारिए मौरणौ कारिए बै तैयार औसौ।

यूहन्ना 21:17

यीशुए तिजाल़ियों बौल़ौ, “ओए रै शमौन यूहन्ना का बैटा का तू मुं आरी प्यार कौरे?” पतरस उदास हौआ, कै यीशुए तिजाल़ियों तैसीखै ऐशै बौल़ौ, “का तू मुं आरी प्यार कौरे?” औरौ तैणै तैसी बौल़ौ, “ओए रै प्रभु तू तौ सौबै जाणै: तू ऐजौ बै जाणै कै हांव तांवआरी प्यार कौरु।” यीशुए तैसी बौल़ौ, ऐक चौराईया कै जैशणै मैरै लोगौ की जौरुरतौ कै पूरी कौर।

रोमियों 11:2

पौरमेशवरे आपणै लोगौ खै ना छुड़ी; जिनु तैणै आगै दै ही चोणे राए: तुऐं जाणौए कै पवित्र शास्त्र पौरमेशवर कै बातौ बौताणौवाल़ै एलिय्याह कै कहाणी दु का बौल़ौ; कै सै इस्राएल देश कै लोगौ कै खिलाफ पौरमेशवर शै शिकायत कौरौ?

1 कुरिन्थियों 13:12

आमै ऐसी जीवन दै सौबै ठुँ पूरी तरह शै ना सौमझौ। ऐजौ कोसी चीज़ कै शीशै दौ धुंधल़ो दैखणौ जैशणौ औसौ, पौरौ जोबै आमै स्वर्गो दै जोऊंबे, तौ आमै सौबै ठुँ सोही तरीकै शै सौमझदै। जिथुकै आमै पौरमेशवर खै आमणै सामणै दैखदै। इबी मैरा ज्ञान अधूरा औसौ। सिरफ आणौवाल़ै सौमय दा ही हांव पौरमेशवर खै पूरी तरह सै जाणै पांदा, जैशै पौरमेशवर आमु कै पूरी तरह सै जाणौए।

1 कुरिन्थियों 2:9

पौरौ पवित्र शास्त्र का ऐजाई मतलब औसौ कै जोबै सैजै बौल़ौए, “जू कौलोंई आखो लैई ना दैखी, जू कौलोंई कानो लैई ना शौणै रैई, औरौ जू आदमी कै दिलो दु ना उतरी, सैजौ सौबै पौरमेशवरे तिनु कारिए, जू प्रभु आरी प्यार कौरौ, तैयार कौरे राए।”

गलातियौं 4:9

पौरौ ऐबै तौ तुऐं पौरमेशवर कै जाणौए, यानी पौरमेशवर तुऔं खै जाणौए, तौ तोबै तुऐं कमजोर औरौ निकमी आदि शिक्षाओं कै दास बौणणौ कारिए किथु पाछु जांदै लागै रौवै, का तुऔं औटेयौ तिनका ही दास बौणणौ कै लालसा औसौ?

2 तीमुथियुस 2:19

पौरमेशवर कै लोग ऐकी नीयुं कै जैशणै औसौ जू हिलो ना यानी सै हमैशा बिशवाश दै बौणैयौंदे रौंव इयौं नीयुं पांदी ऐजै शोब्द लैखैयौंदे रौंव: “प्रभु जाणौए कै तैसकै लोग कुण औसौ,” औरौ ऐजौ बै कै जू कुणिए बै पौरमेशवर कै आराधना कौरौ तिनु बुराई कौरणै बन्द कौर दैणी चैंई।

याकूब 1:12

धन्‍य औसौ सैजा आदमै, जू परीक्षा दा टिकैयौंदा रौंव, जोबै सै खरा साबित हौंव तौ तैसी सौदा कै जिन्दगी का मुकुट भैटदा, जिथका वादा पौरमेशवरे आपणै प्यार कौरणौवाल़ै आरी कौरे राए।

याकूब 2:5

ओए रै मैरै प्यारे बिशवाशी भाईटु शुणौ। पौरमेशवरे इयौं दुनिया कै गरीब खै चोणे राए कै सै बिशवाश दै धनी हौए जांव, औरौ तैसी राज्‍य कै औधिकारी बौणै जांव, जैसी दैणौ का वादा तैणै तिनु आरी कौरे राए कै जू तैसीआरी प्यार कौरौ।

1 पतरस 1:8

तुऐं यीशु खै कौलोंई ना दैखै रैई, पौरौ तोबै बै तुऐं तैसीआरी प्यार कौरौ। तुऐं तैसी इबी ना दैखौ, पौरौ तुऐं तैसी पांदी बिशवाश कौरौ। इथकारिए, तुऐं आनन्द औरौ महिमा शै बैजाए खुशी हौं जिथु शोब्दो लैई ब्यान ना कौरियौ।

1 यूहन्ना 4:19

आमु पौरमेशवर औरौ ऐकी दुजैआरी इथकारिए प्यार कौरु, जिथुकै आगै पौरमेशवरे आमुआरी प्यार कौरा।

1 यूहन्ना 4:7

ओए रै प्यारे साथियो, आमै आपी मुंजी प्यार राखौ, जिथुकै प्यार पौरमेशवर शै औसौ। औरौ जू कुणिए ओकी लोगौआरी प्यार कौरौ सै पौरमेशवर कै संतान औसौ, औरौ पौरमेशवर खै जाणौए।

प्रकाशितवाक्य 2:13

हांव जाणुए कै तू तैसी ठाँव दा रौए जिथै शैतान राज्य कौरौ। तू मुं कारिए बिशवाश लायक बौणेयौंदा रौआ, औरौ मुं पांदी बिशवाश कौरणा कौलोंई बंद ना कौरी। तुऐं तैसी सौमय बै बिशवाश कौरा जोबै तिनुऐ अन्तिपास खै तिथै मारै दिया जिथै शैतान राज्य कौरौ।

प्रकाशितवाक्य 2:19

हांव जाणुए कै तू का कौरे, औरौ हांव जाणुए कै तुऐं ऐकी दुजैआरी प्यार कौरौ औरौ तुऐं मुं पांदी मोजबूती शै भोरोशा कौरौ। हांव जाणुए कै तुऐं कैशै ऐकी दूजै कै मौदद कौरे, औरौ तुंआरी सैहणौ कै योग्यता बै जाणुए। हांव जाणुए कै तुऐं ऐबै इनु भले कामौ कै तैसी सौमय शै जादा कौरे लौवै जोबै तुऐं मुं पांदी आगलै बैई बिशवाश कौरा थिया।

प्रकाशितवाक्य 2:9

हांव जाणुए कै ताखै सोताए गौआ औरौ तू गरीब औसौ। पौरौ आत्मिक मामलै दा तू बैजाए सैठ औसौ। हांव तिनु लोगौ कै बारै मुंजी जाणुए जू दावा कौरौ कै सैजै पौरमेशवर कै चोणेयौंदे लोग औसौ, पौरौ आथी ना। सै तैरै बारै मुंजी बुरी बातौ बौल़ौ, पौरौ सौथीखै सै तैसी गुट कै लोग औसौ जू शैतान का औसौ।