1 कुरिन्थियों 7:35 - सिरमौरी नौवाँ नियम

³⁵ ऐजै बात हांव तोंवारै भोलाए कै बुलू, ना कै तुऔं खै फौशाणौ कारिए, यानी इथकारिए कै जैशै ठीक औसौ; तुऐं ऐक मन हौयौ प्रभु कै सेवा दै लागैयौंदे रौव।

Sirmouri

³⁵ ऐजी बात तुँवारी ही भलाई खे बुलू, तुँओं फशाँणों की ताँईऐं ने बुल्दा, परह् ईन्देंखे के जेष्णों आछो भे लागो तैष्णों ही करह्, के तुँऐं ऐक मंन अरह् ऐक चींत हऐयों प्रभू की सेवा दे लागे अंदें रंह्।

1 कुरिन्थियों 7:35 ပူးပေါင်းရင်းမြစ်များ

मत्ती 19:12

जिथुखै कुणजैई हिजड़ै ऐशणै औसौ जू माँ कै पेटो पोरदै ही ऐशणै जन्मे रौवै; औरौ कुणजैई ऐशणै हिजड़ै औसौ, जिनुखै आदमीए हिजड़ै बाणै राए। औरौ कुणजैई ऐशणै हिजड़ै औसौ, जिनुवै स्वर्ग कै राज्य कारिए आपी खै हिजड़ै बाणै राए, जू इथुखै सौमझणौ कै लायक औसौ, सै सौमझै जांव।”

मत्ती 22:15

तोबै फरीसी लोगै जाऐबा आपी मुंजी बिचार कौरा, कै यीशु खै तैसकी बातौ दा कैशैखै फोशांई।

लूका 21:34

“इथकारिए चौकश रौया, ऐशै नी हौं कै तोंवारा मन सुख-विलास, नशा औरौ दुनिया की चिन्ताओ शै सुस्त हौए जांव, औरौ ऐजै दूस तुऔं पांदी फांदै साए एकदम आए जांव।

लूका 8:14

जू झाड़ी मुंजी छुटै, ऐजै सैजै लोग औसौ, जू शुणौ तौ औसौए, पौरौ औगौड़ियौ चालैयौ आपणै जीवन कै चिन्‍ता, औरौ धन-दोलत औरौ जिन्दगी कै सुख चैन दै फोशे जांव, औरौ सै बिशवाश दै मोजबूत ना हौंव पांव।

1 कुरिन्थियों 7:2

पौरौ परीक्षा दै पौड़ेयौ गौलत सौमबंध खै राखणा अमारै खातिर बैजाए ही आम या आसान बात औसौ, इथकारिए मैरै ऐजै सलाह औसौ कै, सौबै मर्द बैयाव कौरे पांव औरौ आपणी घोरवाल़ी कै साथै ईमानदार रौंव।

1 कुरिन्थियों 7:28

पौरौ जै तोंवारा बैयाव हौए बै जांव तौ पाप ना आथी; औरौ जै कुंवारी बेयाए जांव तौ कुणजाई पाप ना आथी; भलैई, बैयाएयौंदे लोग इयौं दुनिया दै आपणै जीवन दै दर्दनाक चीज़ौ कै महसूस कौरदै औरौ हांव चोऊं कै तुऐं ऐशणी पौरैशानियौं शै आज़ाद रौंव।

1 कुरिन्थियों 7:36

औरौ जै कुणिए ऐजौ सौमझौ, कै मोऐं आपणी तियौं कुंवारी बाईटी का हक मारै लौआ, जियौं कै उमर ढ़ौलदै लागै रौए, औरौ जौरुरत बै औसौए, तौ जैशै चांव तैशैखै कौरेया, इदा पाप ना आथी, सै तियौं का बैयाव हौणौ दैंव।

इफिसियों 5:3

जैशै पवित्र लोगौ कै लायक औसौ, तैशैखै तुऔं दै व्‍यभिचार, औरौ कोसी भान्त कै अशुध्द काम या लालच कै चौर्चा बै ना हौंव।

फिलिप्पियों 4:8

इथकारिए ओए रै भाईटु जू-जू बातौ साची औसौ, औरौ आदर कै लायक औसौ, औरौ जू-जू बातौ धरमी औसौ, औरौ जू-जू बातौ पवित्र औसौ, औरौ जू-जू बातौ सुन्दर औसौ, औरौ जू-जू बातौ मनो कै भाणो वाल़ी औसौ, औरौ जू-जू बातौ बैजाए आछी औसौ, औरौ जू-जू बातौ तारीफ कै लायक औसौ, तिनु पांदी ध्यान कौरेया।

1 तीमुथियुस 1:10

गौलत सौमबंध राखणौवाल़ै, मर्द का मर्द कै साथै औरौ बैटमाणिश का बैटमाणिश कै साथै, औरौ आदमी कै गुलामी दै बिकणौवाल़ै औरौ झूठु बौलणौ वाल़ै, औरौ झूठी शौं खाणौवाल़ै, औरौ सैजै लोग जू सैजौ सौब ठुँ कौरौ, जिथु कौरणौ कारिए आमु कै सोही शिक्षा मौना कौरौ।

तीतुस 2:3

तैशैखैई बुजूर्ग बैटमाणिशौ आरी तैशणा बर्ताव कौरौ जू पौरमेशवर कै प्रति भोक्‍ती का जीवन जियौं। सै निन्दा कौरणौवाल़ी नी हौणी चैंई, औरौ ना पिणौ वाल़ी हौणी चैंई; पौरौ ओकी खै आछी बातौ शिखाणौ वाल़ी हौणी चैंई।