1 कुरिन्थियों 7:31 - सिरमौरी नौवाँ नियम

³¹ औरौ इयौं दुनिया मुंजी जू किछै बै आमुकैंई औसौ, आमु तिथु जादा जौरुरी नी सौमझणौ चैंई जिथुकै इयौं दुनिया दु सौबै ठुँ खत्म हौए जांदो।

Sirmouri

³¹ अरह् ईयों संईसारी के निय्म-रूवाज का बरताव कर्णो वाल़े तिऐ चैईं, जू ईयों संईसारी दे मंगन ने हों; किन्देंखे के ईयों संईसारी के निय्म-रूवाज अरह् बरताव बदल़्दे ज़ाँव।

1 कुरिन्थियों 7:31 ပူးပေါင်းရင်းမြစ်များ

लूका 21:34

“इथकारिए चौकश रौया, ऐशै नी हौं कै तोंवारा मन सुख-विलास, नशा औरौ दुनिया की चिन्ताओ शै सुस्त हौए जांव, औरौ ऐजै दूस तुऔं पांदी फांदै साए एकदम आए जांव।

1 कुरिन्थियों 7:29

ओए रै बिशवाशी भाईयों, हांव ऐजौ बुलू मसीह कै पाछु आणौ दा ऐबै जादा सौमय ना बौचै रैई, इथकारिए तुंआरी घोरवाल़ी औसौ या ना आथी, इथकै बारै मुंजी जादा पौरैशान नी हौया। पौरौ प्रभु कै सेवा कौरणौ कै बारै मुंजी सुंचदै रौया।

1 कुरिन्थियों 7:30

जू लोग रूऔंऐ या जू लोग खुशी हौंव या जू लोग आपी कारिए चीज़ौ मोलै लोंव तिनु इनु सौबी चीज़ौ कै बारै मुंजी जादा पौरैशान नी हौणौ चैंई। जिथुकै इनु सौबी बातौ कि बौजै शै तुऐं प्रभु कै सेवा कौरणै बैसरै जांदै।

1 कुरिन्थियों 9:18

तौ का औसौ मैरा इनाम? ऐजाई कै यीशु मसीह का सुसमाचार का प्रचार मुफ्त दा कौरदा रोऊं, ऐजै मैरै तनखा औसौ, मुं कारिए ऐजौ जौरुरी औसौ कै हांव बिना तनखा कै सुसमाचार शुणौऊं, भलैई मुखै आपणा खर्चा मांगणौ का हक औसौ।

इब्रानियों 12:27

औरौ ऐजै आवाज़ एकबेई औटेयौ इयौं बातौ खै दिखांव, कै सौबै बाणैयौंदी चीज़ौ हिंजाल़ी जांदी, औरौ हौटाए जांदी; ताकि जू चीज़ौ हिलाए ना जांव, सैजी हमैशा बौणेयौंदी रौंदी।

याकूब 4:14

पौरौ तुऐं ऐजौ ना जाणौ कै दोतियो का हौन्दौ, शुणौ, तोंवारा जीवन औसौ ही का? तुऐं तौ धुंध कै जैशणै औसौ, जू किछै देर तौड़ी दैखियौं, तेथियोड़े घायब हौए जांव।

1 पतरस 1:24

पवित्र शास्त्र ऐजौ बौल़ौ कै, “सौबै लोग घास कै जैशणै औसौ औरौ तिनकै सुन्दरता जोंगली फूलो कै जैशणै औसौ। घास शुकै जांव औरौ फोल़ जोमीनो पांदी झोड़ै जांव।

1 पतरस 4:7

सौबी बातौ का अन्त तावल़ा हौणौवाल़ा औसौ; इथकारिए आछै शै सुंचौ औरौ आपी खै काबू दै राखैयौ प्रार्थना कौरणौ कारिए चौकश रौंव।

1 यूहन्ना 2:17

दुनिया औरौ तिथकी इछाएं दुईनै नाश हौंदी लागै रोई, पौरौ जू पौरमेशवर कै इछा कै हिसाब शै जियौंए सै सौदा बौणेयौंदा रौंदा।