1 कुरिन्थियों 7:30 - सिरमौरी नौवाँ नियम

³⁰ जू लोग रूऔंऐ या जू लोग खुशी हौंव या जू लोग आपी कारिए चीज़ौ मोलै लोंव तिनु इनु सौबी चीज़ौ कै बारै मुंजी जादा पौरैशान नी हौणौ चैंई। जिथुकै इनु सौबी बातौ कि बौजै शै तुऐं प्रभु कै सेवा कौरणै बैसरै जांदै।

Sirmouri

³⁰ जुण्जे दु:खी असो, से आप्णा दु:ख पर्गट ने करह्, अरह् जुण्जे खुशी असो, से चुप्पी रंह्, जेष्णों के ऐस कैई किऐं ने आथी।

1 कुरिन्थियों 7:30 ပူးပေါင်းရင်းမြစ်များ

लूका 16:25

पौरौ अब्राहमै बौल़ौ, ओए रै बैटा याद कौर, कै तुऐं आपणै जिन्दगी दी आछी चीज़ौ पैई, औरौ तैशैकैई लाजरे बै बुरी चीज़ौ पाए रैई, पौरौ ऐबै इथै शान्तै पाए लोऐ, औरौ तू पीड़ो दा तौड़पे रौआ।

लूका 6:21

“धन्‍य औसौ तुऐं जू इबी भूखै औसौ; जिथुकै पौरमेशवर तुऔं छोकाला। धन्‍य औसौ तुऐं जू इबी रुओंए, जिथु तुऐं होसदै।”

लूका 6:25

“हाय औसौ तुऔं पांदी! जू ऐबै छोकैयौ खांव, जिथुकै तुऐं भूखै रौंदै। हाय तुऔं पांदी; जू इबी हसोए, जिथुकै तुऐं शोक कौरदै औरौ रुंदै।”

यूहन्ना 16:22

ऐशैखैई तुऔं इबी शोग औसौ, पौरौ जोबै हांव होटेयो तुऔं आरी भैटिंयुबा तोबै तुऐं खुशी हौंदै; औरौ तोंवारै खोशे कुणिए तुऔं कैईंदै ना छीनदा।

1 कुरिन्थियों 7:29

ओए रै बिशवाशी भाईयों, हांव ऐजौ बुलू मसीह कै पाछु आणौ दा ऐबै जादा सौमय ना बौचै रैई, इथकारिए तुंआरी घोरवाल़ी औसौ या ना आथी, इथकै बारै मुंजी जादा पौरैशान नी हौया। पौरौ प्रभु कै सेवा कौरणौ कै बारै मुंजी सुंचदै रौया।

1 कुरिन्थियों 7:31

औरौ इयौं दुनिया मुंजी जू किछै बै आमुकैंई औसौ, आमु तिथु जादा जौरुरी नी सौमझणौ चैंई जिथुकै इयौं दुनिया दु सौबै ठुँ खत्म हौए जांदो।

प्रकाशितवाक्य 18:7

तू तिथकै निशोंक हौयौ बैजाए पीड़ो औरौ दुख दियांदा जू तिथकै ऐशौ आराम कै जीवन कै तरीकै औरौ तिथकै आपणै प्रति घमण्‍ड कै बराबर औसौ। तिथ शहरै आपी खै बौल़ौ, “हांव ऐक राणी कै जैशणै लोगौ पांदी राज्य कौरदी। हांव ऐक विधवा ना आथी औरौ हांव दुख कै महसूस ना कौरदी।”

प्रकाशितवाक्य 7:17

जिथुकै मेम्ना जू सिंहासन कै बीचौ दा औसौ, तिनकै दैखभाल कौरदा; तैशैखैई जैशै ऐक चौराणौवाल़ा आपणी भेड़ो कै दैखभाल कौरौ; औरौ सै तिनु ताजै पाणी पिणौ कारिए निया कौरदा जू लोगौ खै जीवन दैंव, औरौ पौरमेशवर तिनकै आखी पौरैशै सौब आशु घोशै दैंदा।”