1 कुरिन्थियों 7:18 - सिरमौरी नौवाँ नियम

¹⁸ उदारण कारिए जोबै ऐक यहूदी प्रभु यीशु पांदी बिशवाश कौरौ, तौ तैसी आपणै यहूदी हौणौ कै छौड़णौ कै जौरुरत ना आथी। औरौ ऐशैखैई ऐजौ बै कै जै कुणिए आदमै जू बैगानै यहूदी औसौ, औरौ प्रभु पांदी बिशवाश कौरौ, तौ तैसी यहूदी बौणणौ कारिए खतना कौरणौ कै जौरुरत ना आथी।

Sirmouri

¹⁸ कियो कोसी ऐशा आदमी बऐदी थुवा, जैस्का आगे ही खतना करा अंदा असो? से ऐबे बिना खतने का ने बंणों, के कोसी ऐशा आदमी बऐदी थुवा, जैस्का खतना ने हऐ रंई? तअ से ऐबे आप्णा खतना नें कराँव।

1 कुरिन्थियों 7:18 ပူးပေါင်းရင်းမြစ်များ

प्रेरितो कै काम 15:19

इथकारिए मैरा विचार ऐजा औसौ, कै बैगानै यहूदी लोगौ मुंजीदै जू लोग पौरमेशवर कै धोरे आंव तिनु पांदी दबाव नी पाव कै तिनु अमारै सौब यहूदी कानून औरौ भोवारो खै मानणै चैंई।

प्रेरितो कै काम 15:24

आमुए शौणै राए कै आमु मुंजीदै कुणिए तिथै जायौ तुऔं आपणै बातौ लैई डोराए दिए; औरौ तोंवारै मन बौदलै दिए पौरौ आमुए तिनुखै ऐशै कौरणौ कै आज्ञा ना दैय रैई थी।

प्रेरितो कै काम 15:28

पवित्र आत्मा खै, औरौ आमुखै बै ऐजौ ठीक लागौ कै इनु जौरुरी बातौ खै छोड़ेयौ; तुऔं पांदी हौजौ कुणजाई बोझ ना पौड़ौ;

प्रेरितो कै काम 15:5

पौरौ फरीसी लोगौ कै गुट मुंजीदै जिनुवै बिशवाश कौरे राए थिया, “तिनुमुंजी दै कैतरै बिज़यो बौल़ौ, तिनु बैगानै यहूदी लोगौ खै खतना कौरणौ कै औरौ मूसा कै कानून खै मानणौ कै आज्ञा दैणी चैंई।”

प्रेरितो कै काम 21:21

औरौ तिनु यहूदी बिशवाशियौं खै तैरै बारै मुंजी बौतौऊं कै तू बैगानै यहूदी लोगौ मुंजीदै रौणौवाल़ै यहूदी लोगौ खै मूसा कै कानून छोड़े दैणौ कै बात शिखांए औरौ बौल़ौ कै ना आपणै नानड़िया का खतना कौराया औरौ ना यहूदी भोवारो पांदी चालैया।

कुलुस्सियों 3:11

ऐसी बौजैह शै ऐक यूनान देश कै रौणौवाल़ै लोगौ कै बीच कुणजाई भैदभाव ना आथी औरौ ना यहूदी लोगौ मुंजी, ना खतना कौरणौवाल़ौ मुंजी, ना बिना खतना कौरवाणौवाल़ै लोगौ मुंजी, ना विदेशी लोगौ मुंजी, ना असभ्य लोगौ मुंजी, ना दास औरौ ना गुलामो मुंजी कुणजाई भैदभाव औसौ, पौरौ मसीह ही सौबै ठुँ औसौ औरौ सै आपणै सौबी लोगौ मुंजी रौंव।