1 कुरिन्थियों 7:10 - सिरमौरी नौवाँ नियम

¹⁰ जिनका बैयाव हौए गौआ, तिनुखै हांव नी, यानी प्रभु यीशु आज्ञा दैंव, कै घोरवाल़ी आपणै घोरवाल़ै शै तलाक नी लौया।

Sirmouri

¹⁰ जिनका बियाव-जाज्ड़ा बंणी रूवा, तिन्खे हाँव ने, परह् प्रभू की ऐजी अज्ञाँ असो; के घरवाल़ी आप्णें घरवाल़े शी ज़ई ने रंह्।

1 कुरिन्थियों 7:10 ပူးပေါင်းရင်းမြစ်များ

मत्ती 5:32

पौरौ हांव तुऔं खै ऐजौ बुलू कै जू कुणिए आपणी घोरवाल़ी खै गौलत सौमबंध कै सिवा किथुई ओकी बौजैह शै खित दैला तौ सै तियौं लैई गौलत सौमबंध बौणांव, औरौ जू कुणिए तियौं छोड़ेयौंदी आरी बैयाव कौरला, सै बै गौलत सौमबंध बौणांव।

मरकुस 10:2

तोबै फरीसी लोगै तैसकै धोरे आयौ तैसकै परीक्षा कौरणौ खै तैसी कैईंदु पूछु, “कै का ऐक मर्द आपणी घोरवाल़ी कै मूसा कै कानून कै हिसाब शै खित दैय सौकौ?”

लूका 16:18

उदारण कारिए जू कुणिए आपणी घोरवाल़ी कै खित दैयौ ओकीआरी बैयाव बाणल़ा, सै तियौं आरी गौलत सौमबंध बाणौ, औरौ जू कुणिए इयौं छोड़ेयौंदी बैटमाणिशौ आरी बैयाव कौरला सै बै गौलत सौमबंध बौणांव।

1 कुरिन्थियों 7:11

औरौ तलाक बै हौए जांव, तौ बिना बैयाव कौरेयौ रौया; या आपणै घोरवाल़ै आरी औटेयौ सौमझौता कौरे पाया औरौ ना घोरवाल़ा आपणी घोरवाल़ी शै जौई रौं।

1 कुरिन्थियों 7:12

पौरौ ऐबै ऐजै प्रभु कै आज्ञा ना आथी पौरौ हांव तिनु बिशवाश कौरणौवाल़ै लोगौ कै बौलणौ चोऊं, जिनकै बैयाव बिशवाश ना कौरणौवाल़ै लोगौ शै हौए गौवै; जै कोसी मसीह भाई कै घोरवाल़ी मसीह पांदी बिशवाश ना कौरौ, औरौ तैसीकै साथै रौणौ चांव, तौ तियौंकै तलाक नी दैया।

1 कुरिन्थियों 7:15

जै अबिशवाशी घोरवाल़ा या घोरवाल़ी, बिशवाशी घोरवाल़ा या घोरवाल़ी कैईंदा जौई हौणा चांव, तौ तिनु जौई हौणौ दौ। जोबै ऐशै हौं तौ, बिशवाशी तैसी बैयाव कै रिशतै शै आज़ाद औसौ। पौरौ जै हौए सौकौ तौ, आपणै अबिशवाशी घोरवाल़ा या घोरवाल़ी आरी बैयाव कै रिशतै दै बौणैयौंदे रौव, जिथुकै पौरमेशवरे आमु ऐकी दूजै कै साथै शान्तै शै जीवन जिणौ कारिए बौएदै राए।

1 कुरिन्थियों 7:25

कुवांरियों कै बारै मुंजी मुखै प्रभु कै कुणजै आज्ञा ना भैटी रैई, जिथुकै हांव पौरमेशवर कै दया की बौजैह शै भौरोशैमंद लोगौ मुंजीदा ऐक औसौ, हांव आपणी राय दियु।

1 कुरिन्थियों 7:40

पौरौ जै सै औटेयौ बैयाव ना कौरौ तौ मैरै विचार दै सै हौजौ बै धन्‍य औसौ, औरौ मैरी सौमझ दो, मैरै जाणियौए कै जोबै हांव तुऔं ऐजौ बुलू तौ हांव पौरमेशवर कै आत्मा कै दवारा तुऔं सलाह दियु।

1 कुरिन्थियों 7:6

पौरौ हांव जू ऐजौ बुलू सैजै सलाह औसौ ना कै आज्ञा।