1 कुरिन्थियों 6:2 - सिरमौरी नौवाँ नियम

² निशोंक हौयौ तुऐं जाणौए कै भविष्‍य दै पौरमेशवर कै लोग इयौं दुनिया कै लोगौ का न्याय कौरदै। इथकारिए, तुऐं निशोंक हौयौ ऐजौ बौताणौ दै काबिल औसौ कै तुऔं मुंजीदै कुण तोंवारै नानड़ै शै नानड़ै झोगड़े दै सोही औसौ।

Sirmouri

² कियों तुँऐं ऐजो जाँण्दे ने? के पबित्र लोग ही संईसारी का नियाँव कर्दें? तअ कियों जबे तुवाँरे संईसारी का नियाँव करणा तअ कियो? तुऐं ईनू छुटे-मुटे झगड़े का नियाँव भे करीने सक्दे?

1 कुरिन्थियों 6:2 ပူးပေါင်းရင်းမြစ်များ

मत्ती 19:28

यीशुए तिनुखै बौल़ौ, “हांव तुऔं खै साचौ बुलू, की नोऐं दुनिया दा जोबै आदमी का बैटा आपणै महिमा कै सिंहासन पांदी बोठला, तौ तुऐं बै जू मैरै चैलै औसौ, बारौ सिंहासन पांदी बोठेयो इस्राएल देश कै बारौ गोत्रो का न्याय कौरदै।

लूका 22:30

ताकि तुऐं मैरै राज्य दै मैरी मेजो पांदी खांव पीयों, पौरौ सिंहासन पांदी औरौ बोठेयो इस्राएल देश कै बारौ गोत्रो का न्याय कौरौ।”

रोमियों 6:16

तुऐं जाणौए कै जोबै तुऐं आपी कै कोसी कै गुलाम हौणौ कारिए दैय दैंव तौ सैजा आदमी तोंवारा मालिक हौए जांव औरौ तुऔं सैजौई कौरणौ चैंई जू सै बौल़ौए। पाप कै गुलामी तुऔं मौत कै ढौबौ लौए जांव, जोबै कै पौरमेशवर कै आज्ञा मानणी तुऔं कै धार्मिक जीवन कै ढौबौ लौए जांव।

1 कुरिन्थियों 1:20

तौ तोबै बुध्दिमान आदमी औरौ यहूदी शास्त्री कै दशा का औसौ औरौ जू ऐक माहिर वाद-विवाद औसौ जू इयौं दुनिया पांदी हौंव? जिथुकै पौरमेशवरे आगैई दिखाए राए कै तिनकै संसारिक बुध्दि कै कुणजै कीमत ना आथी।

1 कुरिन्थियों 1:21

जिथुकै पौरमेशवरे आपणी बुध्दि लैई दैखै राए थियु कै आदमी कै ज्ञान कै हिसाब शै दुनिया तैसी कौलोंई ना जाणै पांदै, इथकारिए तैणै बिशवाश कौरणौवाल़ै खै बौचाणौ कारिए ऐसी सुसमाचार कै प्रचार का इस्तैमाल कौरे राए, पौरौ किछै लोग इथु मूर्ख मानौ।

1 कुरिन्थियों 6:4

जै ऐशणै मामलै सामणै आंव, तौ तोंवारा न्याय तिनु लोगौ दवारा ना निपटाए जाणा चैंई जू बिशवाशी लोगौ दवारा आदर कै लायक ना सौमझै जांव।

2 कुरिन्थियों 4:18

औरौ आमै तौ दैखैयोंदी चीज़ौ खै नी पौरौ अनदैखी चीज़ौ खै दैखदै रोऊं, जिथुकै दैखैयोंदी चीज़ौ दैणिक ही दूसौ की औसौ, पौरौ अनदैखी चीज़ौ सौदा बौणेयौंदी रौंव।

1 थिस्सलुनीकियों 3:13

आमै प्रार्थना कौरु कै अमारा प्रभु यीशु मसीह तोंवारै मन खै ऐशै मोजबूत कौरौ, कै जोबै अमारा प्रभु यीशु मसीह आपणै सौबै पवित्र लोगौ कै साथै औटेयौ पाछु आला, तौ सै अमारै पौरमेशवर पिता कै सामणै पवित्रता दै निर्दोष ठौहरौ।

प्रकाशितवाक्य 20:4

औरौ तोबै मोऐं किछै सिंहासन दैखै, जिनुपांदी बौठणौवाल़ै कै मुंडो खै काटै गौवै थिए जिथुकै तिनुऐ यीशु कै सौंदेश औरौ पौरमेशवर कै वचन कै घोषणा कौरे राए थै। इनु लोगै राकस या तैसकै मूर्ति कै पूजा ना कौरे रैई थी। औरौ इनुवे आपणै माथै या हाथौ पांदी राकस कै छाप ना लाए राए थी। सै औटेयौ जियुंदी हौए गौवै थिए औरौ सिंहासनों पांदी बौठै गौवै। पौरमेशवरे तिनु राज कौरणौ का औधिकार दिया, औरौ तिनुऐ मसीह कै साथै ऐक हजार साल तौड़ी राज्य कौरा।

प्रकाशितवाक्य 3:21

सैजै लोग जू जीत पालै सैजै लोग मैरै साथै मैरै सिंहासन पांदी बौठदै, तैशैखैई जैशै मोऐं जीत पाए राए औरौ आपणै पिता कै साथै तैसकै सिंहासन पांदी बौठै गौआ।