1 कुरिन्थियों 6:19 - सिरमौरी नौवाँ नियम

¹⁹ तुऐं जौरुर जाणौ कै तोंवारा शोरीर सैजा पवित्र मन्दिर औसौ, जिथै पवित्र आत्मा रौंव। औरौ पवित्र आत्मा जू तुऔं पौरमेशवर कै ढौबौशा भैटी रौआ, सैजा तुऔं दा बौसेयौंदा औसौ औरौ तुऐं आपणै ना आथी पौरौ पौरमेशवर कै औसौ।

Sirmouri

¹⁹ कियों तुँऐं ऐजो जाँण्दे ने, के तुँवारी देह्-शरीर पबित्र-आत्त्मा की देऊँठी असो; जू तुवाँरे भितरा बास करह्, जुण्जी आत्त्मा तुँओं पंणमिश्वर कैई शी भेंटी रंऐ; अरह् ईन्दा तुवाँरा किऐ भे हंक-अधिकार ने आथी?

1 कुरिन्थियों 6:19 ပူးပေါင်းရင်းမြစ်များ

यूहन्ना 2:21

पौरौ यीशु जैसी मन्दिरो कै बारै मुंजी बौल़ै लौ थियु सै तैसकै शोरीर कै बारै मुंजी थियु।

रोमियों 8:9

पौरौ जोबै कै पौरमेशवर का पवित्र आत्मा तुऔं दा बौसौ, तौ तुऐं पापी स्‍वभाव कै काबू दै ना आथी, पौरौ पवित्र आत्मा कै काबू दै औसौ। जै कोसी दी मसीह कै आत्मा ना आथी तौ तैसका मसीह शै नाता ना आथी।

1 कुरिन्थियों 3:16

हकीकत दो तुऐं जाणौए कै तुऐं खुद ही पौरमेशवर का मन्दिर औसौ, औरौ पौरमेशवर का आत्मा तुऔं दा वास कौरौ।

1 कुरिन्थियों 6:13

जैशै भोजन अमारै शोरीरो कारिए औरौ शोरीर भोजन कारिए औसौ, पौरौ पौरमेशवर इथुकै औरौ तिथुकै दुईनै खै नाश कौरदा, शोरीर गौलत सौमबंध राखणौ कारिए ना आथी, औरौ आमु आपणै शोरीर का इस्तैमाल तिनु कामौ कारिए कौरणा चैंई जू प्रभु चांव। अमारा शोरीर प्रभु का औसौ।

1 कुरिन्थियों 6:3

तुऔं पौता औसौए कै भविष्‍य दै आमै स्‍वर्गदूतौ का बै न्याय कौरदै, तौ निशोंक हौयौ आमु ऐसी जीवन कै साधारण बातौ का न्याय कौरे सौकु।

2 कुरिन्थियों 5:15

औरौ इथकारिए मसीह सौबी कै खातिर मौरा, कै जू जियुंदै औसौ, सै आगै शै आपी खै खुश कौरणौ कारिए ना जियौं पौरौ तिनुकै मसीह कारिए जीणु चैंई। मसीह तिनकै खातिर मौरा औरौ पिता पौरमेशवरे तैसीखै जियुंदी कौरा।

2 कुरिन्थियों 6:16

औरौ मूर्तो का पौरमेशवर कै मन्दिरो दा कुणजाई ठाँव ना आथी। जिथुकै आमु तौ जियुंदै पौरमेशवर कै मन्दिर औसौ; जैशैखै पौरमेशवरे पवित्र शास्त्र दो बौल़ै राए, “हांव इनु लोगौ कै साथै रौंदा औरौ तिनुमुंजी हांडेया कौरदा; औरौ हांव तिनका पौरमेशवर हौंदा, औरौ ऐजै मैरै लोग हौंदै।”

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

याकूब 4:5

कोदी तुऐं ऐजौ तौ नी सोंचै लो कै पवित्र शास्त्र कै ऐजै बात बैकार औसौ: सैजै आत्मा, जियौं तैणै अमारै भीतरै बोसाए राए, बौड़ै लालसा शै अमारै खातिर कामना कौरौ?