1 कुरिन्थियों 6:15 - सिरमौरी नौवाँ नियम

¹⁵ तुऐं जौरुर जाणौ कै तोंवारा शोरीर मसीह कै अंग औसौ। का ऐकी आदमी खै आपणै शोरीरो कै जू मसीह का औसौ, औरौ इथुकै वेश्या कै दैणा चैंई? ना! कौलोंई बै नी!

Sirmouri

¹⁵ कियों तुँऐं जाँण्दे ने, के तुँओं सोभी की देह्-शरीर मसीया का अंग असो? तअ कियो हाँव मसीया का अंग पाऐयों बैष्या के अंग का हिस्सा बंणाऊँ? बिलकुल भी ने!

1 कुरिन्थियों 6:15 ပူးပေါင်းရင်းမြစ်များ

लूका 20:16

सै आयौ तिनु किसानो कै मारै दैंदा, औरौ अंगूरो कै बागड़ी ओकी कै दैय दैंदा।” ऐजौ शोणेयो तिनुऐ बौल़ौ, “पौरमेशवर ऐशै ना कौरौ।”

रोमियों 12:5

ठीक तैशैखैई आमै बै जू मसीह बिशवाशी औसौ, आमै सौबै मसीह कै शोरीर कै अंग औसौ, औरौ ऐकी दूजै शै जोड़ेयौंदे औसौ।

रोमियों 3:31

तौ का आमै मूसा कै कानून कै बिशवाश कै दवारा मिटाए दियु? ना! बिल्‍कुल नी! पौरौ आमुए तौ मूसा कै कानून कै तिथका सोही नतीजा दैय लौआ।

रोमियों 3:6

ना! बिल्कुल नी! जै पौरमेशवर ठीक शै यहूदी लोगौ का न्याय नी कौरदा तौ ऐजै बात जाणै बौझेयौंदे औसौ कै सै ओकी लोगौ का न्याय बै सोही तरीकै शै ना कौरे सौकौ।

रोमियों 6:15

तौ का हु? जिथुकै आमै मूसा कै कानून कै अधीन नी, पौरौ पौरमेशवर कै अनुग्रह कै अधीन औसौ, इथकारिए आमु पाप नी कौरणै चैंई।

रोमियों 6:2

ना! बिल्कुल नी! आमै जोबै पाप कारिए मौरे गौवै, औरौ इथकारिए आमु पाप वाल़ै काम नी कौरणै चैंई। तौ तोबै औगौड़ियौ कै तिथमुंजी कैशै जीवन बितौऊं?

रोमियों 7:13

तौ का सैजै नियम, जू आछै औसौ, मुखै पौरमेशवर शै दूर कौरा? ना! बिल्कुल नी! पौरौ ऐजा पाप थिया जिथुवे ऐशै कौरौ, पापै तिनु नियम का इस्तैमाल कौरा जू ठीक थिए औरौ मुखै पौरमेशवर शै दूर कौरा। ऐशैखै पापै दिखोऊ कै सै हकीकत दै का औसौ, औरौ आज्ञाए दिखोऊ कै पाप पूरी तरह शै बुरु औसौ।

रोमियों 7:7

तौ आमै का बुलू? का नियम पाप औसौ? ना! बिल्कुल नी! बल्कि नियम कै दवारा हांव पाप कै जाणै सौकु। मोऐं जाणौ कै लालच कौरणा पाप औसौ जिथुकै नियम ऐजौ बौतांव, “कै लालच नी कौर” तौ हांव ऐजौ जाणै ना पांदा कै लालच कौरणा गौलत औसौ।

1 कुरिन्थियों 11:3

पौरौ हांव चोऊं कै तुऐं सौबै बातौ जाणै पाव कै सौबी मर्दो कौ मुंड मसीह औसौ, औरौ सौबी घोरवाल़ी कौ मुंड तियौंका घोरवाल़ा औसौ, औरौ मसीह कौ मुंड पौरमेशवर औसौ।

1 कुरिन्थियों 12:27

ऐशैखैई तुऐं सौबै मिलैयौ मसीह कै शोरीर औसौ, औरौ तुऔं मुंजीदै हरेक तैसकै शोरीर कै अंगो कै जैशणै औसौ।

1 कुरिन्थियों 6:13

जैशै भोजन अमारै शोरीरो कारिए औरौ शोरीर भोजन कारिए औसौ, पौरौ पौरमेशवर इथुकै औरौ तिथुकै दुईनै खै नाश कौरदा, शोरीर गौलत सौमबंध राखणौ कारिए ना आथी, औरौ आमु आपणै शोरीर का इस्तैमाल तिनु कामौ कारिए कौरणा चैंई जू प्रभु चांव। अमारा शोरीर प्रभु का औसौ।

1 कुरिन्थियों 6:17

जू प्रभु दा बौणेयौंदा औसौ तैसकै आत्मा औरौ यीशु कै आत्मा ऐक साथै होए जांव।

1 कुरिन्थियों 6:19

तुऐं जौरुर जाणौ कै तोंवारा शोरीर सैजा पवित्र मन्दिर औसौ, जिथै पवित्र आत्मा रौंव। औरौ पवित्र आत्मा जू तुऔं पौरमेशवर कै ढौबौशा भैटी रौआ, सैजा तुऔं दा बौसेयौंदा औसौ औरौ तुऐं आपणै ना आथी पौरौ पौरमेशवर कै औसौ।

1 कुरिन्थियों 6:3

तुऔं पौता औसौए कै भविष्‍य दै आमै स्‍वर्गदूतौ का बै न्याय कौरदै, तौ निशोंक हौयौ आमु ऐसी जीवन कै साधारण बातौ का न्याय कौरे सौकु।

गलातियौं 2:17

जिथुकै मूसा कै कानून का पालन कौरेयौ कुणिए बै धरमी साबित ना हौए सौकौ किछै यहूदी लोग सुंचौ कै आमुए पाप कौरे राए, जिथुकै आमै मूसा कै कानून का पालन कौरणौ कै बजाय, धरमी साबित कौरे जाणौ कारिए मसीह पांदी भोरोशा कौरु। इथका मतलब ऐजा ना आथी कै मसीह आमु पापी बाणौ। ना! कौलोंई नी!

गलातियौं 3:21

का इथका मतलब ऐजा औसौ कै मूसा कै कानून प्रतिज्ञाओ कै खिलाफ औसौ? ना! बिल्कुल नी! जिथुकै जै मूसा कै कानून आमु सौदा कै जिन्दगी दैय सौकौ, तौ आमु इथका पालन कौरेयौ पौरमेशवर कै साथै सोही हौए सौकु थिए।

गलातियौं 6:14

जै हांव घमण्‍ड कौरु, तौ हांव सिरफ इयौं बातौ पांदी घमण्‍ड कौरदा कै अमारा प्रभु यीशु मसीह अमारै खातिर क्रूसो पांदी मौरा। जैसकै दवारा दुनिया मैरी नज़र दी औरौ हांव दुनिया कै नज़र दा क्रूसो पांदी चौढ़ाए गौआ।

इफिसियों 4:12

तिनकै जुमैवारै ऐजै औसौ कै सै बिशवाशियौं कै पौरमेशवर का काम कौरणौ कारिए तैयार कौरौ औरौ मसीह का शोरीर जू बिशवाशियौं कै मंडली औसौ सै मोजबूती शै बौढ़दै जांव।

इफिसियों 5:23

जिथुकै घोरवाल़ा तौ घोरवाल़ी को मुंड औसौ; औरौ मसीह कलीसिया का उध्दार कौरणौवाल़ा औरौ मुंड औसौ, औरौ कलीसिया तैसका आपणा शोरीर औसौ।

इफिसियों 5:30

इथकारिए कै आमु सौबै मसीह कै शोरीर कै अंगो कै जैशणै औसौ।