1 कुरिन्थियों 6:14 - सिरमौरी नौवाँ नियम

¹⁴ इथकै अलावा, अमारा शोरीर खास औसौ, जिथुकै जैशैखै पौरमेशवरे प्रभु यीशु खै मौरेयौंदे मुंजीदा जियुंदी कौरणौ कारिए आपणै अनौखी शौकतै का इस्तैमाल कौरा तैशैखैई सै आमु बै मौरेयौंदे मुंजीदा जियुंदी कौरदा।

Sirmouri

¹⁴ पंणमिश्वरे आप्णी शक्त्ति लई सिर्फ प्रभू ही ने जियाल़ी, परह् से आँमों भे तियों ही शक्त्ति लई पाछु ऊबे जियाल़्दे।

1 कुरिन्थियों 6:14 ပူးပေါင်းရင်းမြစ်များ

प्रेरितो कै काम 17:31

जिथुकै तैणै ऐक दूस ठोराए राए, जिंदै सै तैसी आदमी लैई धार्मिकता शै दुनिया का न्याय कौरदा, जैसी तैणै ठोराए राए, औरौ तैसी मौरेयौंदे मुंजीदा जियुंदा कौरेयौ कै इयौं बातौ का सबूत सौबी लोगौ खै दैय राए।”

प्रेरितो कै काम 2:24

पौरौ हौजौ बै पौरमेशवरे तैसीखै मौत कै बंधन शै छुड़ायो मौरेयौंदे मुंजीदा जियुंदा कौरे दिया। जिथुकै ऐजौ नामुमकिन थियु कै मौत तैसीकै आपणै बोशो दा राखै सौकौ।

प्रेरितो कै काम 2:32

ऐसी यीशु खै पौरमेशवरे जियुंदी कौरा, जैसकै आमु सौबै गवाह औसौ।

रोमियों 8:11

औरौ जै पौरमेशवर कै आत्मा जैणै यीशु मसीह कै मौरेयौंदे मुंजीदा जियुंदी कौरे राखा तुऔं दा बौसेयौंदा औसौ, तौ जैणै मसीह कै मौरेयौंदे मुंजीदा जियुंदी कौरा, सै तोंवारै नाश हौणौवाल़ै शोरीर कै आपणै आत्मा कै दवारा जियुंदी कौरदा।

1 कुरिन्थियों 15:23

पौरौ हरेक आदमी बारी-बारी शै जियुंदी हौंदा: मसीह पौयला आदमी थिया जैसी जियुंदी कौरा तोबै जौल़ौ मसीह पाछु आन्दा तौ सैजै सौब जू तैसकै करीब रौंव मसीह दै तिनु औटेयौ जियुंदी कौरदै।

2 कुरिन्थियों 13:4

सौथी कै सै कमजोरी कै हालत दा क्रूसो पांदी चौढ़ाया तौ गौआ, तोबै बै पौरमेशवर कै शौकतै शै जियुंदा औसौ, आमै बै तौ तैशणै ही कमजोर औसौ जैशै मसीह थिया; पौरौ पौरमेशवर कै अनौखी शौकतै लैई आमु तुऔंआरी बर्ताव कौरणौ कारिए तैसकै साथै जियुंदी रौंदै।

2 कुरिन्थियों 4:14

जिथुकै आमै जाणुए, जैणै प्रभु यीशु खै मौरेयौंदे मुंजीदा जियुंदी कौरा, पौरमेशवर आमु बै यीशु कै साथै रौणौ कारिए जियुंदी कौरदा औरौ तुऔं लोगौ कै साथै आमुखै बै आपणै पौरमेशवर कै सामणै खौड़ा कौरदा।

फिलिप्पियों 3:21

सै आपणै शौकतै कै तैसी प्रभाव कै हिसाब शै जिथकै दवारा सै सौबै चीज़ौ कै आपणै काबू दी कौरे सौकौ, औरौ अमारै कमजोर शोरीर का रुप बौदलैयौ आपणै महिमामय शोरीर कै जैशणा बाणै दैन्‍दा।

1 थिस्सलुनीकियों 4:14

जै आमै बिशवाश कौरु, कै यीशु मौरा, औरौ जियुंदी बै हौए गौआ, तौ तैशैखैई पौरमेशवर तिनुखै जू यीशु दै मौरे गौवै, औटेयौ जियुंदी कौरदा, औरौ यीशु मसीह कै साथै स्वर्ग दै पाछु निंदा।