1 कुरिन्थियों 6:11 - सिरमौरी नौवाँ नियम

¹¹ तुऔं मुंजीदै किछै लोग ऐशणै बै थिए पौरौ ऐबै प्रभु यीशु मसीह कै नांव लैई औरौ अमारै पौरमेशवर कै आत्मा लैई तोंवारै पापौ खै धोए राए, औरौ तुऔं पवित्र औरौ धरमी बाणै।

Sirmouri

¹¹ अरह् तुँओं मुझी ऐष्णें बेजाऐ थिऐ, परह् ऐबे तुँओं प्रभू यीशू मसीया के नाँव शे, अरह् अमाँरे पंणमिश्वर की आत्त्मा शे धुऐ गुऐ, अरह् तुँऐं पबित्र हुऐ अरह् पंणमिश्वर की नंजरी दे बै-कसूर बंणें।

1 कुरिन्थियों 6:11 ပူးပေါင်းရင်းမြစ်များ

मत्ती 20:4

तिनुखै बौल़ौ, ‘की तुऐं बै अंगूरो कै बागो दै जांव, औरौ जू किछै ठीक हौल़ौ, सै तुऔं खै दैंदा।’ तोबै सैजै बै काम कौरदै हौटै।

लूका 18:14

यीशुए बौल़ौ हांव तुऔं खै बुलू, कै फरीसी आदमी ना, पौरौ मामला लोणो वाल़ा आदमी पौरमेशवर कै नज़र दा धरमी हौयौ आपणै घोरे हौटै गौआ; जिथुकै जू कुणिए आपी खै बौड़ा सौमझला सै नानड़ा हौंदा; औरौ जू आपी खै नानड़ा सौमझला, सै बौड़ा बौणाए जांदा।”

यूहन्ना 13:10

यीशुए तैसीखै बौल़ौ, “ऐक आदमी जू नाहै गौआ तैसी सिरफ आपणै लातो कै धोणो कै जौरुरत औसौ; तैसका पूरा शोरीर साफ औसौ। औरौ तुऐं सौबै शुध्द औसौ, सिरफ ऐकी कै छोड़ेयौ।”

यूहन्ना 13:8

पतरसे तैसीखै बौल़ौ, “तू मैरै लात कौलोंई ना धोए पांदा!” ऐजौ शोणेयो यीशुए तैसी बौल़ौ, “जै हांव तैरै लात ना धुं, तौ मैरा तैरै साथै कुणजाई रिशता ना हौंदा।”

यूहन्ना 5:4

जिथुकै सोही सौमय पांदी पौरमेशवर कै स्‍वर्गदूत कुण्डो उदे ओतरेयो पाणी खै हिंजाल़ौ थिए, औरौ पाणी हिजाल़णौ कै बाद जू कुणिए बै औगौड़ियौ कुण्डोऊंदा जांव थिया सै ठीक हौए जांव थिया, चाए तैसकै कैशणै बै बीमारै काए नी हौंव।

प्रेरितो कै काम 13:39

औरौ जिनु बातौ शै तुऐं मूसा कै कानून कै दवारा निर्दोष ना ठौहरै सौकौ, तिनु सौबी बातौ दा हरेक बिशवाश कौरणौवाल़ा यीशु कै दवारा निर्दोष ठौहरौ।”

प्रेरितो कै काम 22:16

ऐबै देर काए कौरे? बिज़, औरौ आपणै पापौ कै माफी पाणौ कारिए तैसका नांव लोयो खै बपतिस्मा लो।”

प्रेरितो कै काम 26:18

कै तू तिनकी आखी खुलै, ताकि सै इनारै पौरैशै पेयाशै खै डोबै, औरौ शैतानो कै औधिकारो शै पौरमेशवर कै ढौबौ फिरो; तोबै पौरमेशवर तिनकै पापौ खै माफ कौरदा, औरौ तिनु लोगौ कै साथै ऐक ठाँव दैंदा जू इथकारिए पवित्र कौरे राए जिथुकै सै मुं पांदी बिशवाश कौरौ।’

रोमियों 3:24

पौरौ पौरमेशवर कै अनुग्रह शै तैणै आमु यीशु मसीह कै दवारा पाप कै सौजा शै छुटकारा दिया जू कै यीशु मसीह दा औसौ, पौरमेशवरे आमु बिना किछै कौरे ही धरमी साबित कौरे राए।

रोमियों 4:5

पौरौ जू आदमी पौरमेशवर का पक्ष पाणौ कारिए काम ना कौरौ पौरौ जू पापी लोगौ खै धरमी ठोहराणो वाल़ै पौरमेशवर पांदी बिशवाश कौरौ, तैसका बिशवाश तैसी कारिए धार्मिकता गिणा जांव।

रोमियों 5:1

इथकारिए जोबै आमै आपणै बिशवाश लैई धरमी बौणै गौवै, तौ अमारै प्रभु यीशु मसीह कै दवारा पौरमेशवर कै साथै अमारा मेलमिलाप हौए रोआ।

रोमियों 5:9

तौ जोबै कै आमु, धरमी साबित कौरे राए जिथुकै मसीह आमु कारिए मौरा औरौ अमारै पापौ कारिए आपणा लोऊ बौऊवा।

रोमियों 8:30

तोबै जिनु कारिए पौरमेशवरे आगैई तय कौरे राए तिनु चोणे बै राए, औरौ जिनु चोणे राए, तिनु धरमी साबित कौरे राए, औरौ जिनु धरमी साबित कौरे राए, तिनकै साथै आपणै महिमा बै बांडै राए।

रोमियों 8:33

कुणिए बै आमु पांदी पौरमेशवर कै सामणै आरोप ना लाए सौकौ जिथुकै सै आमु धरमी साबित कौरौ।

1 कुरिन्थियों 1:2

मोऐं ऐजै चिट्ठी कुरिन्‍थुस शहर दै प्रभु कै कलीसिया कै लैखै लौए, जिनुखै पौरमेशवर आपणै लोगौ कै रुपो दै यीशु मसीह कै साथै एकजुट कौरे राए, तैणै तुऔं आपणै पवित्र लोग हौणौ कारिए बौएदै राए; जैशै तैणै तिनु सौबी लोगौ कै चोणे राए जू अमारै प्रभु यीशु मसीह कै सेवा कौरौ जिथुकै सै आमु सौबिका प्रभु औसौ।

1 कुरिन्थियों 1:30

पौरौ पौरमेशवरे तुऔं मसीह यीशु कै साथै एकजुट कौरे राए, औरौ मसीह कै दवारा सै आमु आपणा ज्ञान दैंव। पौरमेशवर बै आमु तैसकै नज़र दै धरमी बाणौ। मसीह कै दवारा आमु पवित्र बाणै जांव औरौ सै आमु पापौ शै आज़ाद कौरौ।

1 कुरिन्थियों 12:2

तुऐं जाणौए, कै जोबै तुऐं अबिशवाशी थिए, तौ तुऐं तिनु गुंगी मूर्तियों कै आराधना कौरणौ कारिए कैई बातौ कै दवारा भोटके रौवै थिए।

गलातियौं 2:16

तोबै बै आमु यहूदी बिशवाशी जाणुए कै मूसा कै कानून का पालन कौरेयौ कुणजाई बै आदमी पौरमेशवर कै नज़र दा धरमी ना ठोहरदा। पौरौ सिरफ यीशु मसीह पांदी बिशवाश कौरणौ कै दवारा धरमी ठोहराए जांव। इथकारिए आमुए आपी बै यीशु मसीह पांदी बिशवाश कौरा, कै आमै मूसा कै कानून कै कामौ लैई नी पौरौ यीशु मसीह पांदी बिशवाश कौरणौ शै धरमी ठोहरदै; जिथुकै मूसा कै कानून का पालन कौरणौ शै कुणिए बै आदमी धरमी ना ठोहरदा।

गलातियौं 3:11

पौरौ ऐजै बात साची औसौ, कै कोसी खै बै मूसा कै कानून का पालन कौरेयौ धरमी साबित ना कौरे सौकौ। जिथुकै पवित्र शास्त्र दौ लैखै राव, धरमी आदमी बिशवाश लैई जियुंदा रौंदा।

गलातियौं 3:24

इथकारिए मसीह कै आणौ तौड़ी मूसा कै कानून अमारै मौदद कौरणौ कारिए औरौ अमारै दैखभाल कौरणौ कारिए दैय राए थिए, ताकि यीशु मसीह दै बिशवाश कौरणौ कै दवारा पौरमेशवर कै सामणै धरमी साबित हौंव।

गलातियौं 3:8

पवित्र शास्त्र दौ बैजाए सौमय आगै ऐजौ लैखै राए थियु, कै पौरमेशवर बैगानै यहूदी लोगौ खै बिशवाश कै आधार पांदी धरमी साबित कौरदा, ऐजौ हौणौ दै आगै पौरमेशवरे अब्राहम खै ऐजा आछा सौंदेश बौताए दिया थिया, “कै तैरै दवारा, हांव इयौं दुनिया कै सौबी लोगौ खै आशीष दैंदा।”

इफिसियों 5:26

ताकि सै कलीसिया कै पौरमेशवर कै वचन औरौ पाणी शै धौयौ शुध्द कौरेयौ पवित्र बाणै सौकौ।

इफिसियों 5:8

जिथुकै आगै तुऐं आपी इनारै दै रौंव थिए, पौरौ जौल़ौ दै ऊबै तुऐं प्रभु कै लोग बौणै रौवै, तुऐं पेयाशै दै औसौ। इथकारिए पेयाशै दै रौणौवाल़ै लोगौ कै जैशणै हांडो।

2 थिस्सलुनीकियों 2:13

ओए रै बिशवाशी भाईयों, आमुखै सौदा पौरमेशवर का धन्यवाद कौरणा चैंई जिथुकै प्रभु तुऔंआरी प्यार कौरौ। पौरमेशवरे दुनिया कै रौचणौ दै आगै ही तुऔं चोणे राए ताकि तुऔं बौचाए सौकौ। तुऐं यीशु मसीह कै बारै मुंजी साची सौंदेश पांदी भोरोशा कौरणौ शै औरौ तैसकै पवित्र आत्मा कै दवारा पवित्र बौणणौ शै तुऔं मोक्ति पाणौ कारिए चोणे राए।

इब्रानियों 10:22

अमारै दिल कै मसीहे आपणै लोऊ लैई पवित्र कौरे राए ताकि आमै जाणै सौकु कै ऐबै आमु दै कुणजै गौलती ना आथी। अमारै शोरीर खै शुध्द पाणी लैई धौयौ आमु तैयार कौरे राए। इथकारिए बिशवाशी भाईयों, आमु आपणै पूरै मन औरौ ऐशणै बिशवाश कै साथै पौरमेशवर कै नेड़िक ओऊं। जू ऐबै हिली ना सौकौ

इब्रानियों 10:29

जै मूसा कै कानून कै हिसाब शै ऐशणै सौजा थै, तौ तैसी आदमी कै सौजा बैजाए बौड़ै हौंदै जू पौरमेशवर कै बैटै कै ना अपनांव। तैणै पौरमेशवर कै बैटै खै आपणै लातो तौड़ी कौरे दिया, जिथुखै तैणै तैसका आदर ना कौरी। तैणै मसीह कै तैसी लोऊ कै पवित्र ना मानी जिथलैई पौरमेशवरे तैसी पवित्र बाणणौ कारिए नोऐं कौरार शुरु कौरे। तैणै पवित्र आत्मा का आदर ना कौरी जिथलैई तैणै अनुग्रह पौऊवा।

इब्रानियों 2:11

जिथुकै जू लोगौ खै तिनकै पापौ शै शुध्द कौरौ औरौ जू पवित्र लोग आपणै पापौ शै शुध्द कौरे जांव सौबै ऐकैई पिता कै संतान औसौ, यानी पौरमेशवर तिनका पिता औसौ, इयौं बौजैह शै यीशु तिनु भाईटु बौलणौ शै ना शर्मावं।

1 पतरस 1:2

अमारै पिता पौरमेशवरे तुऔं आपणै लोग हौणौ कारिए औरौ पवित्र आत्मा कै काम कारिए चोणे राए औरौ पवित्र आत्माए तुऔं जौई कौरे राए ताकि तुऐं यीशु मसीह कै आज्ञा मानैया कौरौ, औरौ इथकारिए यीशु आपणै लोऊ लैई तोंवारै साथै ऐक नोऐं कौरार बानदा जैशैकै मूसाए इस्राएली लोगौ पांदी लोऊ छिड़कै राए थियु जोबै पौरमेशवरे तिनकै साथै आपणी कौरार का सौमबंध बानै राए थिया। हांव प्रार्थना कौरु कै पौरमेशवर तुऔं अनुग्रह औरौ खूब शान्तै दैंव।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

1 पतरस 3:21

औरौ पुराणै सौमय दा तिनका उध्दार ऐबै अमारै उध्दार का ऐक उदारण औसौ जोबै आमै बपतिस्मा लोऊँ। तौ जिथु पाणी मुंजी आमै बपतिस्मा लोऊँ, सै अमारै शोरीर शै मौल़ दूर ना कौरौ, पौरौ ऐजा ऐक निशान औसौ कै आमै पौरमेशवर शै माफी मांगै राए ताकि आगै खै अमारा मन पौरैशान नी रौंव। आमु माफी भैटी सौकौ जिथुकै यीशु मसीह औटेयौ मौरेयौंदे मुंजीदा जियुंदी हौए रौआ।

1 यूहन्ना 2:12

ओए रै नानड़िया, हांव तुऔं इथकारिए लिखु कै यीशु मसीह कै नांव शै तोंवारै पाप माफ हौए रौवै।

प्रकाशितवाक्य 1:5

औरौ यीशु मसीह कै ढौबौशै तुऔं खै अनुग्रह औरौ शान्तै भैटौ, जैसकै वचन पांदी बिशवाश कौरे सौकौ, सैजाई औसौ जू मौरेयो हौजौ जियुंदी हौए गौआ औरौ सै इयौं दुनिया कै सौबी राज्यो दा शासक औसौ। औरौ यीशु मसीह आमुआरी प्यार कौरौ। सै आमु कारिए मौरे गौआ औरौ तैणै अमारै पापौ कै सौजा खै खत्म कौरे दी। इथ बौजैह शै आमु पुरोहितो का ऐक परिवार बौणै गौवै, जू तैसकै पिता पौरमेशवर कै सेवा कौरौ। इथकारिए यीशु मसीह खै महिमा औरौ औधिकार हमैशा भैटदी रौंव। आमीन।

प्रकाशितवाक्य 7:14

मोऐं तैसीखै बौल़ौ, “ओए रै स्‍वामी, हांव ना जाणु पौरौ तू जाणै।” तैणै मुंकैई बौल़ौ, ऐजै सैजै लोग औसौ, जिनुवै बौड़ै कोष्ट महसूस कौरे। इनुवे आपणै लुस्कै कै मेम्ने कै लोऊ शै धोए पाए औरौ सै चिटै हौए गौवै, इथका मतलब ऐजा औसौ कै तिनकै पापौ कै मिटाए दिए गौवै।