1 कुरिन्थियों 5:10 - सिरमौरी नौवाँ नियम

¹⁰ ऐजौ नी, कै तुऐं इयौं दुनिया कै गौलत सौमबंध राखणौवाल़ै शै या लालची शै, या धौखा दैणौवाल़ै शै, या मूर्तिपूजा वाल़ौ शै बिल्कुल बै संगति ना कौरौ; जिथुकै ऐशै कौरणौ शै तौ तुऔंखै दुनिया ही छोड़णी पौड़दी।

Sirmouri

¹⁰ मेरा ऐजा मंतल्व तअ बिलकुल ने थी, के तुऐं ईयों संईसारी के ईनू बादे आदमी शे, जुण्जे बुरे बिचकै काँम-काज़ कर्णो वाल़े अरह् लुभी, ठंग, के अनियाँऐं कर्णो वाल़े जुण्जे दुष्ट-मुँर्त्ती पुज्णों वाल़े असो; तुँऐं ईनू आरी आप्णा किऐ भे नाँता रिष्ता ने थुऐं; तबे तअ तुऐं ईयों संईसारी दे रंऐ ही ने सक्दे, परह् तबे तअ ऐजी संईसारी तुँओं हमेशा खे छुड़ी ही देंणी पड़ो।

1 कुरिन्थियों 5:10 ပူးပေါင်းရင်းမြစ်များ

लूका 18:11

फरीसी आदमी खौड़ा हौयौ आपणै मन दै ऐजै प्रार्थना कौरदा लागा, ‘ओए रै पौरमेशवर, हांव तैरा धन्यवाद कौरु, कै हांव ओकी आदमी कै जैशणा दुष्टता कौरणौवाल़ा न्याय ना कौरणौवाल़ा औरौ ना गौलत सौमबंध बौणाणौवाल़ा, औरौ ना ही ऐसी मामला लोणो वाल़ै कै जैशणा आथी।

यूहन्ना 15:19

जै तुऐं इयौं दुनिया कै लोगौ कै जैशणै हौंदै, तौ दुनिया कै लोग आपणै आरी प्यार राखदै, पौरौ इयौं दुनिया कै लोगौ कै साथै तोंवारै संगति ना आथी, जिथुकै मोऐं तुऔं दुनिया पौरैशै चोणे राए; इथकारिए दुनिया कै लोग तुऔं आरी बोयर राखौ।

यूहन्ना 17:6

“मोऐं तैरै बारै मुंजी तिनु चैलै कै बौताए राए, जिनु तुऐं दुनिया पौरैशै चोणैयो मुखै दैय राए। सै तैरै थिए औरौ तुऐं तिनु मुखै दैय राए औरौ तिनुऐ तैरै वचन कै मानै पाए।

यूहन्ना 17:9

हांव तिनु कारिए बिन्ती ना कौरु, जू दुनिया शै सौमबंध राखौ, पौरौ तिनु कारिए बिन्ती कौरु, जिनु तुऐं मुखै दैय राए, जिथुकै सै तैरै औसौ।

यूहन्ना 8:23

तैणै तिनुखै बौल़ौ, “तुऐं इयौं दुनिया दै पौयदा हौए रौवै थिए, पौरौ हांव स्वर्ग पौरैशा आए रौआ। तुऐं दुनिया कै औसौ, हांव दुनिया का ना आथी।

1 कुरिन्थियों 1:20

तौ तोबै बुध्दिमान आदमी औरौ यहूदी शास्त्री कै दशा का औसौ औरौ जू ऐक माहिर वाद-विवाद औसौ जू इयौं दुनिया पांदी हौंव? जिथुकै पौरमेशवरे आगैई दिखाए राए कै तिनकै संसारिक बुध्दि कै कुणजै कीमत ना आथी।

1 कुरिन्थियों 10:27

औरौ जै अबिशवाशियौं मुंजी कुणिए बै तुऔं खै नेवता दैंव, औरौ तुऐं जाणौ चांव, तौ जू किछै तोंवारै सामणै राखै जांव सैजौ ही खाव पोरो ऐजौ ना पूछौ कै ऐजौ मूर्ति कै आगै चौढ़ौऊ या ना, औरौ ऐशै कौरणौ सै तोंवारा जमीर दुखी ना हौंदा।

1 कुरिन्थियों 5:11

मैरा बौलणौ का मतलब ऐजा औसौ; कै जै आपी खै ऐक बिशवाशी ऐजौ बौल़ौ कै सै मसीह पांदी बिशवाश कौरौ, औरौ सै गौलत सौमबंध राखणौ वाल़ा, या लालची, या मूर्तिपूजा, या गाल़ी दैणौवाल़ा, या पियक्कड़, या अन्धेर कौरणौवाल़ा हौंव, तौ तैसकै साथै संगति नी राखैया; बल्कि ऐशणै आदमी कै साथै खाणौ बै नै खाया।

1 कुरिन्थियों 5:9

मोऐं तुऔं कै आगै ऐक चिट्ठी लैखै राए थै कै, गौलत सौमबंध राखणौवाल़ै कै संगति नी कौरेया।

2 कुरिन्थियों 4:4

ऐसी दुनिया कै ईशवर शैतानै तिनु अबिशवाशियौं कै बुध्‍दि खै बंद कौरे राए, इथकारिए सै मसीह कै औरौ तैसकै महिमा कै बारै मुंजी सौंदेश कै ना सौमझै सौकौ जू पौरमेशवर कै जैशणा औसौ।

इफिसियों 2:2

तैसी सौमय तुऐं इयौं दुनिया कै लोगौ कै तरीको कै पौछौड़ियौ चालौ थिए औरौ तुऐं शैतान कै आज्ञा कै मानौ थिए यानी तैसी प्रधान का जू आकाश दा दुष्टआत्माओं पांदी राज कौरौ, जू ऐबै बै तिनु लोगौ कै मनो दा काम कौरौ जू पौरमेशवर कै आज्ञा ना मानौ।

फिलिप्पियों 2:15

ताकि तुऐं ढीठ औरौ भ्रष्ट लोगौ शै भोरेयौंदे दुनिया दै पौरमेशवर कै सिध्द संतानो कै जैशणै निर्दोष औरौ बिना कपट का जीवन जियौं। तुऔं इयौं दुनिया कै लोगौ कै बीच गौयण कै तारै कै जैशणै चौमकौणौ चैंई जोबै तुऐं तिनु सैजा वचन बौतांव जू सौदा कै जिन्दगी दैंव।

1 यूहन्ना 4:5

सैजै झूठै पौरमेशवर कै बातौ बौताणौवाल़ै दुनिया कै औसौ, ऐसी बौजैह शै सैजै दुनिया की बातौ बुलो, औरौ दुनिया कै लोग तिनकी बातौ शुणौए।

1 यूहन्ना 4:7

ओए रै प्यारे साथियो, आमै आपी मुंजी प्यार राखौ, जिथुकै प्यार पौरमेशवर शै औसौ। औरौ जू कुणिए ओकी लोगौआरी प्यार कौरौ सै पौरमेशवर कै संतान औसौ, औरौ पौरमेशवर खै जाणौए।

1 यूहन्ना 5:19

आमै जाणुए, कै आमै पौरमेशवर शै औसौ, औरौ सारै दुनिया तैसी दुष्ट शैतान कै वश दै पौड़ेयौंदे औसौ।

प्रकाशितवाक्य 12:9

इथकारिए तैसी औरौ तैसकै दूतौ खै धोरती पांदी फेरकाए दियै। ऐजा बौड़ा अजगर, सैजाई औसौ जू बैजाए सौमय औगौड़ियौ शोंगोऊं कै भैष दा दैखैयो थिया, जैसी शैतान या दोष लाणौ वाल़ा बै बौला जांव। ऐजा सैजाई औसौ जू इयौं दुनिया कै लोगौ खै धौखा दैंदा आए रौआ।