1 कुरिन्थियों 4:7 - सिरमौरी नौवाँ नियम

⁷ कोसीए बै तुऔं खै ओकी कै तुलना दा बौड़ा दर्जा ना दैय रैई। तुऔं कैई जू बै वरदान औसौ, सैजै तुऔं पौरमेशवरे दैय राए। तुऔं घमण्‍ड कौरणौ का कुणजाई औधिकार ना आथी।

Sirmouri

⁷ किन्देंखे के तुँओं दा अरह् ओकी दा कुँण भेद्-भाव करह्? अरह् ताँव कैई का असो, जू ताँव (ओकी कैई शो) ने भेटी रंई? अरह् जबे ताँव (ओकी कैई शो) भेटी रूओ, तअ ऐष्णी तारीफ कैई करे जैष्णों के ताँव भेटिही ने रंई?

1 कुरिन्थियों 4:7 ပူးပေါင်းရင်းမြစ်များ

लूका 19:13

तैणै आपणै नोकरो मुंजी शै दस नोकरो बौएदैयौ तिनुकै दस मोहरो (यानी ऐकी मोहरो कै धियाड़ी शो दूसौ कै बोराबर औसौ) औरौ तिनुखै बौल़ौ, ‘मैरै पाछु आणौ तौड़ी लैण दैण कौरेया।’

यूहन्ना 1:16

जिथुखै तैसकै महान दया की परिपूर्णता शै आमु सौबी खै अनुग्रह पांदी अनुग्रह भैटी रौआ।

यूहन्ना 3:27

यूहन्नाए जोवाब दिया, “कुणजाई बै आदमी तांव तौड़ी किछै ना पाए सौकौ, जांव तौड़ी पौरमेशवर तैसी स्वर्ग शै ना दैंव।

रोमियों 1:5

मसीह दवारा मुखै अनुग्रह औरौ प्रेरिताए पौरमेशवर कै दवारा दैय राए कै तैसकै नांव कै बौजैह शै सौबै जाति कै लोग सुसमाचार पांदी बिशवाश कौरौ औरौ तैसकै आज्ञा का पालन कौरौ।

रोमियों 12:3

जिथुकै हांव तैसी अनुग्रह कै बौजैह शै जू मुखै भैटी रौआ, तुऔं मुंजीदै सौबी कै बुलू, कै जैशै सौमझणौ चैंई, तिदै बौढ़ेयौ कुणिए बै आपी कै ना सौमझौ; पौरौ जैशै पौरमेशवरे आमु कै जैतरा बिशवाश दैय राए तिथकै हिसाब शै, तैशैखैई सुबुध्‍दि कै साथै आपी कै सौमझौ।

रोमियों 12:6

जोबै कै तैसी अनुग्रह कै हिसाब शै जू पौरमेशवरे आमु दैय राए, आमुखै भान्त‌‌‌-भान्त कै वरदान भैटी रौवै। तौ जैसीखै पौरमेशवर कै बातौ बौताणौवाल़ै कै वरदान भैटी रौवै, तैसी तिनु बातौ कै बौल़णी चैंई जैसी पांदी सै बिशवाश कौरौ कै पौरमेशवरे तैसी बौताए राए।

1 कुरिन्थियों 15:10

इथकारिए हांव पौरमेशवर कै अनुग्रह लैई चोणेयौंदा चैला औसौ। औरौ तैसकै अनुग्रहे शै मैरै जीवन दा बोड़ा बदलाव आया। मोऐं औकै कोसी बै चोणेयौंदे चैलै शै बौढ़ेयौ मैहनत बै कौरे, तौ बै ऐजौ मैरै ढौबौशौ ना आथी पौरौ पौरमेशवर कै अनुग्रह मुखै तैसका काम कौरणौ दै मौदद कौरे।

1 कुरिन्थियों 3:5

तौ तोबै अपुल्लोस कुण औसौ? औरौ पौलुस कुण औसौ? सिरफ सेवक औसौ, जिथकी बौजैह शै तुऐं लोगै मसीह पांदी बिशवाश कौरे राए, आमु मुंजीदै सौबीए सैजाई काम कौरा जू पौरमेशवरे आमु कौरणौ कारिए दैय राए।

1 कुरिन्थियों 5:6

तोंवारा घमण्डी हौणा आछा ना आथी; का तुऐं ना जाणौ, कै दैणिक खमीर पूरै बाटैयौंदो आटै मुंजी फोयलै जांव, तैशैखैई, जै ऐकी आदमी कै पाप कौरदै रौणौ कारिए छोड़े दीं, तौ तावल़ो ही सौबी लोगौ मुंजी सैजौ पाप फोयलैयौ सौब लोग सैजौई पाप कौरदै लागदै।

1 कुरिन्थियों 7:7

हांव ऐजौ चोऊं, कै जैशणा हांव बिना बैयाव का औसौ, तैशैखैई सौबै आदमी हौंव, पौरौ हरेक खै पौरमेशवर कै ढौबौशै खास वरदान भैटी रौवै; पौरमेशवर किछै लोगौ खै बैयाव कौरणौ का वरदान दैंव औरौ किछै लोगौ खै बिना बैयाव दै रौणौ का वरदान दैंव।

याकूब 1:17

हरेक आछै वरदान औरौ हरेक बढ़िया दान पौरमेशवर ही शै औसौ, जैणै गौयण दै सौबै पेयाशो सुरज, चांद औरौ तारै बाणै। पौरमेशवर हमैशा ऐक जैशणा औसौ औरौ सै कौलोंई ना बौदलौ।

1 पतरस 4:10

हरेक आदमी खै पौरमेशवर कै ढौबौशा वरदान भैटी रौआ, औरौ तिनु तैसी वरदान का इस्तैमाल ओकी कै मौदद कौरणौ कारिए कौरणा चैंई। तिनु पौरमेशवर कै आछै सेवको कै रुप दै हौयौ आपणै वरदानो का इस्तैमाल आछै शै कौरणा चैंई।