1 कुरिन्थियों 4:21 - सिरमौरी नौवाँ नियम

²¹ तुऐं का चांव कै जोबै हांव ओऊं, तौ का कौरु? जै तुऐं इबी बै आपणै बुरै तरीकै खै ना रौकै रैई, तौ हांव तुऔं बोड़ी फटकार लांदा। पौरौ जै तुऐं आपणै बुरै तरीको का पालन कौरणा बंद कौरे राए, तौ हांव तोंवारै प्रति सब्र औरौ प्यार शै काम कौरदा।

Sirmouri

²¹ तुँऐं का चहाँव? कियों हाँव छीठे थागियों तुँओं कैई आँऊ, के पियार अरह् नरमाँऐं की आत्त्मा आरी आँऊ?

1 कुरिन्थियों 4:21 ပူးပေါင်းရင်းမြစ်များ

1 कुरिन्थियों 4:18

तोंवारै बीच मुंजी किछै लोग सुंचौए कै हांव तुऔंआरी भैटिंदा ना ओऊवा, औरौ इथकारिए सै घमण्डी हौए गौवै।

1 कुरिन्थियों 5:5

सैजा आदमी जैणै पापवाल़ा बर्ताव कौरे लौआ, तैसी कलीसिया पौरैशा निकाल़ै दैणा ऐशै औसौ जैशै तैसी शैतान कै अधीन दा पाछु भैजणा, ताकि ऐजी आशा कौरे जांव कै सै आपणै पाप शै पश्‍चाताप कौरदा। जै सै ऐशै कौरौ, तोबै सै सौथीखै तैसी दूसै बौचाए जांदा जौल़ौ प्रभु न्याय कौरदा।

2 कुरिन्थियों 1:23

पौरमेशवर मैरा गवाह औसौ कै मोऐं तुऔं साचौ बौल़ै लो, कै हांव औटेयौ कुरिन्‍थुस शहर दा इथकारिए ना आई कै हांव तुऔं कोष्ट ना दैणा चोऊं।

2 कुरिन्थियों 10:6

औरौ तैयार रौंव कै जोबै तुऐं पूरी तरह शै मसीह कै आज्ञाकारी हौए जांव, तौ हर भान्त कै आज्ञा ना मानणौ वाल़ै तैसी आदमी कै सौजा दैंव।

2 कुरिन्थियों 10:8

जिथुकै जै हांव तैसी औधिकार कै बारै मुंजी हौजौ बै घमण्‍ड दिखोऊ, जू प्रभुए तोंवारै बिशवाश खै नाश कौरणौ कारिए नी पौरौ तोंवारै बिशवाश खै बौढ़ाणौ दै मौदद कौरणौ कारिए आमु दैय राखा, तौ शर्मिंदा ना हौंदा।

2 कुरिन्थियों 12:18

मोऐं तीतुस खै सौमझायौ तैसकै साथै तैसी भाई खै भैजा, तौ का तीतुसै धौखा कौरेयौ तुऔं कैंईदौ किछै कौरौ? का आमु ऐकैई मकसद दै ना चालु? का ऐकै ही काम ना कौरी?

2 कुरिन्थियों 13:10

इयौं बौजैह शै मोऐं तुऔं ऐजी बातौ लैख लोई, इदा आगै कै हांव तोंवारै धोरे ओऊं ताकि तुऔं सौजा दैयौ मुखै आपणै औधिकार खै दिखाणौ कै जौरुरत ना पौड़ौ जू प्रभुए मुखै दैय राए। जिथुकै हांव तोंवारै औधिकार का इस्तैमाल तोंवारै बिशवाश खै मोजबूत कौरणौ कारिए कौरणा चोऊं ना कै नाश कौरणौ कारिए।

2 कुरिन्थियों 2:1

मोऐं आपणै मन दौ ऐजौ ठाणै दियु थियु कै औटेयौ तोंवारै धोरे आयौ खै तुऔं दुख नै दियु।

2 कुरिन्थियों 2:3

औरौ मोऐं ऐजै बात तुऔं इथकारिए लिखै राए कै कोदी ऐशैखै ना हौंव कै मैरै आणौ शै, जिनुलेई मुखै आनन्द भैटणा चैंई, हांव तिनुदा उदास रौंव; जिथुकै मुखै तुऔं सौबी पांदी इयौं बातौ का भोरोशा औसौ, कै जू मैरा आनन्द औसौ, सैजाई तुऔं सौबी का बै औसौए।

2 कुरिन्थियों 3:10

सैजै महिमा जू मूसा कै कानून कै दवारा थै, तिथकै ऐबै कुणजै महिमा ना आथी, जिथुकै नोऐं कौरार कै हिसाब शै पुराणै कौरार बैजाए महिमा कै बौजैह ना आथी।

गलातियौं 6:1

ओए रै बिशवाशी भाईयों, जै कोसी आदमीए कुणजाई पाप कौरे राए। तौ तुऐं जू पवित्र आत्मा कै अगुवाई शै चालौ, तैसी प्यार शै सोही बाटो पांदी पाछु लाणौ कारिए तैसकै मौदद कौरौ। ध्यान राखौ कै कोदी आपी ही तैसी पाप दै नै पौड़ै जांव।

1 थिस्सलुनीकियों 2:7

पौरौ जैशैखै माँ आपणै नानड़िया का पालन पोषण कौरौ, तैशैखैई आमै बै तोंवारै बीच दै रौयौ कोमलता दिखाए।

याकूब 3:17

पौरौ जू ज्ञान पौरमेशवर दैंव, सै आगै तौ पवित्र हौंव, तेई शान्तै दैणौवाल़ा, कोमल, औरौ सै ओकी कै अधीन रौणौवाल़ा हौंव, ऐजा दया औरौ आछै कामौ शै भौरेयौंदा औरौ ईमानदार औरौ बिना कपट वाल़ा हौंव।