1 कुरिन्थियों 4:2 - सिरमौरी नौवाँ नियम

² जैसी भण्‍डारी का काम सौंपै राए, तैसीयादै ऐजै उमीद कौरे जांव कै सै बिशवाश लायक हौं।

Sirmouri

² अरह् ईथे भडारी दी ऐजी बात जरूर दे:खी ज़ाँव, के से बिश्वाष ज़ूगा हुआ चेंई।

1 कुरिन्थियों 4:2 ပူးပေါင်းရင်းမြစ်များ

मत्ती 25:21

तैसकै मालिकै तैसी बौल़ौ, ‘बौहुत बोड़िया, ओए रै आछै औरौ बिशवाश लायक नोकर तू थोड़ै पौयसै सभाल़णो दा बै बिशवाश लायक रौआ, हांव ताखै बौहितै चीज़ौ का औधिकारी बौणान्‍दा। आपणै मालिक कै खुशी दा शामिल हौव।’

मत्ती 25:23

तैसकै मालिकै तैसी बौल़ौ, ‘बौहुत बोड़िया ओए रै आछै औरौ बिशवाश लायक नोकर, तू थोड़ै पौयसै सभाल़णो दा बै बिशवाश लायक रौआ, हांव ताखै बौहितै चीज़ौ का औधिकारी बौणान्दा, आपणै मालिक कि खुशी दा शामिल हौव।’

लूका 12:42

प्रभु यीशुए बौल़ौ, “भोरोशे लायक औरौ ईमानदार भण्‍डारी सैजा औसौ, जैसका मालिक तैसीकै ओकी नोकरो कै दैखभाल कौरणौ औरौ तिनुकै खियाणौ कै जुमैवारै दैंव।

1 कुरिन्थियों 4:1

ठीक तौ ऐजौ हौन्दौ कै लोग आमु यीशु मसीह कै सेवक औरौ पौरमेशवर कै भण्‍डारी सौमझौ, जिनु सुसमाचार कै छिपैयौंदे सौचाई खै सौमझणौ का काम सौंपै राए।

1 कुरिन्थियों 4:17

इथकारिए मोऐं तीमुथियुस खै जू प्रभु यीशु दा मैरा प्‍यारा औरौ बिशवाश लायक बैटा औसौ, तोंवारै धोरे भैजै राए, सै तुऔं याद दियांदा कै मसीह का चैला हौणौ कै नातै हांव कैशै काम कौरु औरौ कैशैखै जीवन जियुं जैशैकै हांव हर कलीसिया दी शिक्षा दियु।

1 कुरिन्थियों 4:3

मुखै इयौं बातौ लैई कुणजाई फर्क ना पौड़ौ कै हांव तोंवारै दवारा या कोसी आदमी कै औधिकार लैई जांचा जोऊं।

1 कुरिन्थियों 7:25

कुवांरियों कै बारै मुंजी मुखै प्रभु कै कुणजै आज्ञा ना भैटी रैई, जिथुकै हांव पौरमेशवर कै दया की बौजैह शै भौरोशैमंद लोगौ मुंजीदा ऐक औसौ, हांव आपणी राय दियु।

2 कुरिन्थियों 2:17

जिथुकै आमै तिनु बौहितौ कै जैशणै नी, जू धन कारिए पौरमेशवर कै वचन का प्रचार कौरौ, पौरौ आमु पौरमेशवर कै वचन का प्रचार सौचाई औरौ मसीह कै औधिकार कै साथै कौरु, ऐजौ जाणदै बैई कै पौरमेशवरे आमु दैखै लौवै।

2 कुरिन्थियों 4:2

पौरौ आमुए शर्मनाक औरौ गुप्‍त कामौ खै छोड़े राए, औरौ ना चलाकी शै चालाकी कौरो, औरौ ना पौरमेशवर कै वचन दै मिलावट कौरु, पौरौ आमु पौरमेशवर कै सामणै सिरफ साचौ शिखोऊं। पौरमेशवर कै सामणै हर आदमी गवाही दैय सौकौ कै ऐजौ साचौ औसौ।

कुलुस्सियों 1:7

सुसमाचार की शिक्षा तुऐं अमारै प्रिय सहयोगी भाई इपफ्रास शै शैखै राए जू आमु कारिए मसीह का बिशवाश लायक सेवक औसौ।

कुलुस्सियों 4:17

औरौ अरखिप्पुस खै बौलेया, “कै जू सेवा प्रभु दै ताखै सौंपै राए सैजै कामकै पूरै कौरेयौ खत्म कौरेया।”

कुलुस्सियों 4:7

प्यारे बिशवाशी भाई औरौ बिशवाश लायक सेवक तुखिकुस जू प्रभु दा मैरा साथी औसौ, मैरी सौबै बातौ तुऔं बौताए दैंदा।