1 कुरिन्थियों 4:14 - सिरमौरी नौवाँ नियम

¹⁴ हांव तुऔं बैज्जित कौरणौ कारिए ऐजी बातौ ना लिखु, पौरौ मैरा मकसद तुऔं आज्ञा कै मानणा शिखाणौ औसौ जिथुकै तुऐं मैरै नानड़िया कै जैशणै औसौ जिनु हांव सौथीखै प्यार कौरु। औरौ तुऔं कै चौकश कौरु।

Sirmouri

¹⁴ हाँव तुँओं शर्मिन्दा कर्णो खे ऐजी बातों ने लिख्दा, परह् आप्णें प्यारे नहाँन्ड़िया जाँणियों तुँओं कैई शो ऐजो चित्ते कराँऊ।

1 कुरिन्थियों 4:14 ပူးပေါင်းရင်းမြစ်များ

प्रेरितो कै काम 20:31

इथकारिए बिजैयौंदे रौया, औरौ याद कौरेया कै मोऐं ती सालो तौड़ी रात दूस आशु बोवाय-बोवायो, सौबी खै सौमझाणौ नी छुड़ी।

1 कुरिन्थियों 15:34

होशो दै आव औरौ पाप कौरणा छोड़े दैव, ऐजौ मोऐं तुऔं खै बैज्जित कौरणौ कारिए ही बौल़ै लौ, जिथुकै तुऔं मुंजीदा कोसी का पौरमेशवर कै साथै सोही रिशता ना आथी।

1 कुरिन्थियों 4:15

भले ही तुऔं कैई पालन कौरणौ कारिए औरौ बाट दिखाणौ कारिए मसीह दै हज़ारो शिक्षक हौंव, तोबै बै हांव ही तोंवारै पिता कै जैशणा औसौ, जू तोंवारै खातिर सुसमाचार लायौ ओऊवा, जिथकै बौजैह शै तुऔं मसीह यीशु पांदी बिशवाश हौआ।

1 कुरिन्थियों 4:17

इथकारिए मोऐं तीमुथियुस खै जू प्रभु यीशु दा मैरा प्‍यारा औरौ बिशवाश लायक बैटा औसौ, तोंवारै धोरे भैजै राए, सै तुऔं याद दियांदा कै मसीह का चैला हौणौ कै नातै हांव कैशै काम कौरु औरौ कैशैखै जीवन जियुं जैशैकै हांव हर कलीसिया दी शिक्षा दियु।

1 कुरिन्थियों 6:5

ऐजौ बौलेयौ तुऔं खै बैज्जित कौरणा ही मैरा मकसद औसौ। का तोंवारै बीच मुंजी ऐशणा बुध्दिमान आदमी बै ना आथी, जू बिशवाशियौं कै झोगड़े सुलझाए सौकौ?

1 कुरिन्थियों 9:15

जोबै कै ऐजौ सौथीखै मुखै सोही हौंदौ कै जिनु लोगौ खै मोऐं प्रचार कौरे राए तिनु कैईंदु मांगु, पौरौ मोऐं आपणै काम कारिए मजदूरी ना मांगी। औरौ मोऐं तोंवारै खातिर ऐजौ ना लैखै लैई ताकि तुऐं मुखै दैंव। हांव तुऔं कैईंदु मांगणौ कै बजाय मौरे जांदा जिथुकै जै मुखै तुऔं कैईंदी मजदूरी भैटौ तौ हांव ऐजा दावा ना कौरे पांदा कै मोऐं बिना मजदूरी कै काम कौरा।

2 कुरिन्थियों 11:11

मोऐं तोंवारै पौयसै किथु ना कौरी? का मोऐं ऐजौ इथकारिए कौरौ जिथुकै हांव तुऔंआरी प्यार ना कौरु? पौरमेशवर जाणौए कै हांव तुऔंआरी प्यार कौरु।

2 कुरिन्थियों 12:19

तुऐं इबी तौड़ी सौमझै रौलै कै आमै तोंवारै सामणै जोवाब दैय लौआ, आमै तौ पौरमेशवर कै वचन का प्रचार सौचाई औरौ मसीह कै औधिकार कै साथै कौरु, औरौ ओए रै प्‍यारो, आमै सौबै बातौ तुऔं बिशवाश दी मोजबूत कौरणौ कारिए बुलू।

2 कुरिन्थियों 7:3

हांव तुऔं दोषी ठोहराणो कारिए ऐजौ ना बुलू, जिथुकै मोऐं आगै ही बौल़ै पोऊ, कै आमु तुऔंआरी पूरै दिल शै प्यार कौरु, आमै जौई ना रौंदै चाहै आमै मौरु या जियुं।

कुलुस्सियों 1:28

आमै हरेक आदमी कै मसीह कै बारै मुंजी बौतौऊं औरौ पौरमेशवरे जू पूरा ज्ञान आमु दैय राए सौबी कै चैतावणी दियु औरौ सौबी कै शिक्षा दियु, ताकि आमु ऐजौ पाकौ कौरे सौकु कै सौबवे मसीह दा ऐक सिध्‍द बिशवाशी हौए सौकौ जोबै सै पौरमेशवर कै सामणै खौड़ै रौंदै।

1 थिस्सलुनीकियों 2:11

जैशै तुऐं जाणौए, कै जैशैखै पिता आपणै नानड़िया आरी बर्ताव कौरौ, तैशैखैई आमै बै तुऔं मुंजीदै हरेक खै उपदैश दियु, औरौ तसल्ली दियु, औरौ सौमझौऊं थिए।

1 थिस्सलुनीकियों 5:14

ओए रै बिशवाशी भाईयों, आमै तुऔं कैईंदै बिन्ती कौरु कै तिनु लोगौ खै चैतावणी दैव जू आलसी औसौ, औरौ तिनु लोगौ खै हिम्मत दैव जू डरपोक औसौ, औरौ जू बिशवाश दै कमजोर औसौ तिनकै मौदद कौरौ, सौबी कै ढौबौ सहनशीलता दिखाव।

2 थिस्सलुनीकियों 3:14

जै कुणिए अमारी इयौं चिट्ठी कै सौंदेश खै ना मानौ तौ सौबी कै बौतांव कै सै कुण औसौ ताकि सौब लोग जाणौ। औरौ तैसीआरी संगति नी राखैया, ताकि सै शर्म महसूस कौरौ।

फिलेमोन 1:10

हांव उनेसिमुस कारिए बिन्ती कौरु, जू मैरै बैटै कै जैशणा औसौ। जोबै हांव कोयदी खाने दा थिया तौ ऐजा ऐबै मसीह दा मैरा बैटा बौणै गौआ।

1 यूहन्ना 2:1

मैरै प्यारे नानड़िया, मोऐं ऐजी बातौ तुऔं इथकारिए लैखै लोई कै तुऐं पाप ना कौरौ। जै कुणिए पाप कौरौ, तौ पिता पौरमेशवर कै धोरे अमारा ऐक सहायक औसौ, सैजा यीशु मसीह औसौ जू अमारै पापौ कै माफी कारिए प्रार्थना कौरौ, औरौ सै धरमी औसौ।

3 यूहन्ना 1:4

जोबै बै हांव ऐजौ शुणु कै सैजै लोग मैरै नानड़िया कै जैशणै औसौ औरौ सौचाई कै हिसाब शै जी रौवै तौ ऐजै बात मुखै हौजौ बै खुशी कौरे दैंव।