1 कुरिन्थियों 4:1 - सिरमौरी नौवाँ नियम

¹ ठीक तौ ऐजौ हौन्दौ कै लोग आमु यीशु मसीह कै सेवक औरौ पौरमेशवर कै भण्‍डारी सौमझौ, जिनु सुसमाचार कै छिपैयौंदे सौचाई खै सौमझणौ का काम सौंपै राए।

Sirmouri

¹ आदमी आँमों मसीया के दास अरह् पंणमिश्वर के भेद् के भडारी जाँणों।

1 कुरिन्थियों 4:1 ပူးပေါင်းရင်းမြစ်များ

मत्ती 13:11

तैणै जोवाब दिया, “तुऔं खै तौ पौरमेशवरे आपणै राज्य कै भैद बौताए राए, पौरौ तिनुखै ना दैय रैई।

मत्ती 24:45

“औरौ ऐक भोरोशे लायक औरौ ईमानदार नोकर सैजा औसौ, जैसीकै मालिक तैसी ओकी नोकरो कै दैखभाल कौरणौ औरौ तिनुकै खियाणौ पियाणौ कै जुमैवार दैय सौकौ।

मरकुस 4:11

तैणै तिनुखै बौल़ौ, “तुऔं खै तौ पौरमेशवरे आपणै राज्य कै भैद बौताए राखै, पौरौ जू लोग मुं पांदी बिशवाश ना कौरौ तिनु सौबी कारिए ऐजी सौबै बातौ उदारण कै जैशणी औसौ।”

लूका 1:2

तिनुऐ सैजौ लिखु जू आमुखै तिनु लोगै बौताए राए थियु, जिनुवै यीशु कै सेवा कै शुरुआत शै दैख राए थिया औरौ जू बाद मै पौरमेशवर कै वचन कै सेवक बौणै गौवै।

लूका 12:42

प्रभु यीशुए बौल़ौ, “भोरोशे लायक औरौ ईमानदार भण्‍डारी सैजा औसौ, जैसका मालिक तैसीकै ओकी नोकरो कै दैखभाल कौरणौ औरौ तिनुकै खियाणौ कै जुमैवारै दैंव।

लूका 8:10

तैणै बौल़ौ, “तुऔं खै तौ पौरमेशवरे आपणै राज्य कै भैद बौताए राए, पौरौ ओकी कै उदारणो दौ शुणाए राए इथकारिए कै, ‘सैजै दैखदै बैई बै ना दैखौ, औरौ शुणौ तौ औसौ पौरौ किछै बै ना सौमझौ।’”

रोमियों 11:25

ओए रै बिशवाशी भाईयों, हांव ना चोऊं कै तुऐं ऐसी भैद शै अणजाण रौंव ऐशै ना हौंव कै तुऐं आपी पांदी घमण्‍ड कौरदै लागौ, ऐजौ साचौ औसौ कै इस्राएल देश कै किछै लोग बिशवाश कौरणौ कै तैयार ना आथी, पौरौ जोबै पौरमेशवर पांदी बिशवाश कौरणौवाल़ै बैगानै यहूदी लोगौ कै गिनती पूरै हौए जालै, तौ इस्राएल कै लोग बिशवाश कौरदै औरौ पौरमेशवर कै धोरे पाछु आए जांदै।

रोमियों 16:25

ऐबै जू तुऔं कै जैसी सुसमाचार का हांव प्रचार कौरु तुऔं खै बिशवाश दै मोजबूत बाणु, तैसी भैद कै पेयाशै कै हिसाब शै जू हमैशा शै छिपैयौंदा रौआ।

1 कुरिन्थियों 2:7

पौरौ आमै जैसी ज्ञान कै बात कौरु, सैजा ज्ञान पौरमेशवर का ज्ञान औसौ जू छिपैयौंदा औसौ। इबी तौड़ी कुणिए बै ऐसी ज्ञान कै ना सौमझौ थिए। इदै आगै कै पौरमेशवरे धोरती बाणै, तैणै आगै दा ही आपणै ज्ञान लैई फोयसला लौए राए थिया कै सै आमु आपणै महिमा दैंदा।

1 कुरिन्थियों 3:5

तौ तोबै अपुल्लोस कुण औसौ? औरौ पौलुस कुण औसौ? सिरफ सेवक औसौ, जिथकी बौजैह शै तुऐं लोगै मसीह पांदी बिशवाश कौरे राए, आमु मुंजीदै सौबीए सैजाई काम कौरा जू पौरमेशवरे आमु कौरणौ कारिए दैय राए।

1 कुरिन्थियों 4:13

सै बदनाम कौरौ, आमु तिनुवारी नम्रता शै बात कौरु इथै तौड़ी कै ऐबै बै लोग अमारा आदर ना कौरौ; सै बौल़ौए कै अमारै कुणजै कीमत ना आथी।

1 कुरिन्थियों 4:2

जैसी भण्‍डारी का काम सौंपै राए, तैसीयादै ऐजै उमीद कौरे जांव कै सै बिशवाश लायक हौं।

2 कुरिन्थियों 11:23

का सैजै ही मसीह कै सेवक औसौ? (हांव पागलो कै जैशै बुलू) हांव तिनुदा बौड़ैयौ औसौ! मोऐं तिनुदै जादा मैहनत कौरे, तिनुदा कैई जादा कोयदै दा रौआ, बार-बार पीटा, बैजाए बैई मैरै जान पौरैशानी दै पौड़ै।

2 कुरिन्थियों 12:6

जिथुकै जै हांव घमण्‍ड कौरणा चोऊं तोबै बै मूर्ख ना हौंदा, पौरौ साचौ बौलदा पौरौ हांव आपी कै ऐशणै घमण्‍ड शै रुकु, ऐशैखै ना हौं कै जैशैखै कुणिए मुखै दैखौए या मुंवादौ शुणौए, मुखै तिंदा बै बौड़ैयौ सौमझौ।

2 कुरिन्थियों 4:5

जिथुकै आमै आपी खै नी, पौरौ मसीह यीशु का प्रचार कौरु, कै यीशु मसीह प्रभु औसौ औरौ तैसकै बारै मुंजी ऐजौई बौल़ौ, कै आमै यीशु की बौजैह शै तोंवारै सेवक औसौ।

2 कुरिन्थियों 6:4

पौरौ हर बात मुंजी आमै ऐजौ साबित कौरु कै आमै पौरमेशवर कै साची सेवक औसौ। आमु आपणै आछै गुण खै दिखायौ, दुखो, कौल़ेशौ, गरीबी औरौ पौरैशानी खै बौड़ै हिम्मत कै साथै सैहन कौरु।

इफिसियों 1:9

पौरमेशवरे सैजौई कौरौ, जू तैणै ठाणै राए थियु, औरौ तियौं मैसौ कै योजना कै बारै मुंजी बौतौऊ जियौं तैणै आगै दी ही मसीह कै दवारा पूरा कौरणौ का फोयसला कौरे राए थिया।

इफिसियों 6:19

औरौ तुऐं मुं कारिए बै प्रार्थना कौरौ, ताकि बौलदै बैई मुखै शब्द दियै जांव औरौ हांव निडर हौयौ तैसी सुसमाचार का भैद बौताए सौकु।

कुलुस्सियों 2:2

हांव मैहनत इथकारिए कौरु कै जिथुकै हांव तुऔं बिशवाश दै मजबूत कौरणा चोऊं औरौ तुऐं सौबै ऐकी दूजै कै साथै प्यार दै बौणैयौंदे रौव औरौ पौरमेशवर पिता कै भैद कै जाणै सौकौ जू तुऔं कै आछी सौमझ दैंव ऐजा भैद मसीह कै बारै मुंजी औसौ।

कुलुस्सियों 4:3

औरौ इथकै साथ ही साथ आमु कारिए बै प्रार्थना कौरदै रौव कै पौरमेशवर आमु कै वचन शुणणौ कारिए बाट खोले दैंव कै आमु मसीह कै तैसी भैद का बखान कौरे सौकु। हांव ऐबै कोयदखाने दा औसौ जिथुकै मोऐं ऐसी सौंदेश का प्रचार कौरे राए।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

1 तीमुथियुस 3:6

तैसीकै बिशवाश दै मोजबूत हौणौ चैंई, नही तौ हौए सौकौ कै सै घमण्डी हौए जांव औरौ तैसी सैजै सौजा भैटलै जू पौरमेशवरे शैतान कै दैय राखै।

1 तीमुथियुस 3:9

तिनुकैईं ऐक स्पष्ट विवेक हौणा चैंई जोबै सै इनु बातौ पांदी बिशवाश राखणा जारी कौरौ कै पौरमेशवरे जू शिक्षाए दैय रैई सै साची औसौ।

तीतुस 1:7

जिथुकै ऐक अगुवे कै पौरमेशवर का भण्‍डारी हौणौ की बौजैह शै निर्दोष हौणौ चैंई; औरौ ना हठीला, ना गुस्से बाज, ना पियक्कड़, ना मारपीट कौरणौवाल़ा औरौ ना नीच कमाई का लालची हौणा चैंई।

1 पतरस 4:10

हरेक आदमी खै पौरमेशवर कै ढौबौशा वरदान भैटी रौआ, औरौ तिनु तैसी वरदान का इस्तैमाल ओकी कै मौदद कौरणौ कारिए कौरणा चैंई। तिनु पौरमेशवर कै आछै सेवको कै रुप दै हौयौ आपणै वरदानो का इस्तैमाल आछै शै कौरणा चैंई।