1 कुरिन्थियों 3:8 - सिरमौरी नौवाँ नियम

⁸ मोऐं तुऔं सुसमाचार शुणौऊवा औरौ पौरमेशवर कै वचन खै शिखाणा शुरु कौरा औरौ अपुल्लोसे तुऔं पढ़ाणा जारी राखा पौरौ आमु दु का ऐकैई मकसद औसौ। जू पौधे लांव तैसकै धियाड़ी औरौ जू पाणी दैंव तैसकै धियाड़ी ऐक जैशणै औसौ, औरौ इनु दु खै पौरमेशवर इनाम दैंदा जू तिनुऐ कौरे राए।

Sirmouri

⁸ बोणों वाल़ा, अरह् सिज्णों वाल़ा, दुईनें ऐक ही असो; परह् ऐक नाँम आदमी आप्णी ही मेंह्नत के हिसाब शा प्रत्ति-फल़ पाँदे।

1 कुरिन्थियों 3:8 ပူးပေါင်းရင်းမြစ်များ

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

लूका 19:19

मालिकै तैसीखै बौल़ौ, ‘हांव ताखै बै पाँची नोगरो का राजा बाणदा।’

रोमियों 2:6

पौरमेशवर हर आदमी कै तैसकै कामौ कै हिसाब शै बौदला दैंदा।

1 कुरिन्थियों 15:58

इथकारिए ओए रै बिशवाशी भाईयों, प्रभु कै खातिर आपणै बिशवाश दै मोजबूत रौव। औरौ प्रभु कै खातिर जू काम तुऐं कौरौए तिथमुंजी आपी कै कुरबान कौरौ। जिथुकै तुऐं जाणौए, कै तोंवारै मैहनत बैकार ना आथी।

1 कुरिन्थियों 3:14

जै कोसी सेवके नीयुं पांदी जू काम कौरे राए, सैजा काम बोणेयोंदा रौंव, तौ सै मौजदूरी पांदा।

1 कुरिन्थियों 3:7

इथकारिए जू पौधे लांव औरौ जू पाणी दैंव तिथका कुणजाई मतलब ना आथी। इकली पौरमेशवर बौड़ा औसौ, जिथुकै सै औसौ जू पौधे कै बौढ़णौ कै बौजैह बौणौ।

1 कुरिन्थियों 3:9

आमै पौरमेशवर कै साथै काम कौरणौवाल़ै औसौ; औरौ तुऐं कुरिन्थुस शहर कै बिशवाशी ऐकी बागड़ी साए औसौ जू पौरमेशवर कै औसौ। औरौ इथकै साथै, हांव तुंआरी तुलना ऐकी घौरौ शै कौरे सौकु जिथुखै पौरमेशवरे बाणै लौ।

1 कुरिन्थियों 4:15

भले ही तुऔं कैई पालन कौरणौ कारिए औरौ बाट दिखाणौ कारिए मसीह दै हज़ारो शिक्षक हौंव, तोबै बै हांव ही तोंवारै पिता कै जैशणा औसौ, जू तोंवारै खातिर सुसमाचार लायौ ओऊवा, जिथकै बौजैह शै तुऔं मसीह यीशु पांदी बिशवाश हौआ।

1 कुरिन्थियों 9:7

ऐक सैनिक खै कौलोंई बै आपणा खर्चा खुद ना दैणा पौड़ौ। ऐक आदमै जू अंगूरो का बगीचा लांव, सै तिथकै किछै फोल़ खाणौ कै उमीद कौरौ। औरौ ऐक भेड़वाल़ा आपणी भेड़ो कैईंदु दूध पिणौ कै उमीद कौरौ।

गलातियौं 6:4

हरेक आदमी आपणै खुद कै कामौ खै जांचो कै का सै आछै औसौ या आथी ना। जै तैणै आछै काम कौरे राए, तौ सै आपणै कामौ पांदी घमण्‍ड कौरे सौकौ।

गलातियौं 6:5

जिथुकै आमु मुंजीदै हरेक खै खुद कै कामौ कै जुमैवारै लोणे चैंई।

इब्रानियों 6:10

पौरमेशवर धरमी औसौ; सै तिनु कामौ खै जू तुऐं कौरौए औरौ तैसी प्यार खै ना बिसरौ जू तुऐं ओकी बिशवाशी कै मौदद कौरेयौ तैसीआरी दिखाए राए। औरौ सै याद राखदा कै तुऐं ऐबै बै तिनकै मौदद कौरे लोए।

1 पतरस 5:4

जोबै यीशु मसीह, जू कै अमारा प्रधान चौराईया औसौ, औटेयौ पाछु आन्दा, तोबै तुऔं ऐक सुन्दर मुकुट दैंदा जू कौलोंई बै आपणी चौमक ना खौंदा।

2 यूहन्ना 1:8

इथकारिए तुऔं ध्यान राखणा चैंई, कै कोदी ऐजै लोग तुऔं धौखा नै दैंव, ताकि पौरमेशवर कै सेवा कारिए तोंवारै कौरेयौंदे मैहनत बैकार नै जांव पौरौ पौरमेशवर तोंवारै सेवा का इनाम तुऔं जौरुर दैंदा।

प्रकाशितवाक्य 2:23

हांव तिनु लोगौ खै मारै दैंदा जू तियौं की शिक्षाओं खै मानौ, औरौ सौबै कलीसियाएं जाणै पांदी कै हांव ही औसौ जू हरेक आदमी कै विचारो औरौ मकसदो कै परख कौरु। हांव तुऔं मुंजीदै हरेक कै तिनकै कामौ कै हिसाब शै फोल़ दैंदा।

प्रकाशितवाक्य 22:12

तोबै प्रभु यीशुए बौल़ौ: “हांव तावल़ाई आन्‍दा, औरौ जू-जू बै आदमीए कौरे राए, हांव तिनु तिनकै कामौ कै दैखैयो इनाम औरौ सौजा दैन्दा।”