1 कुरिन्थियों 3:3 - सिरमौरी नौवाँ नियम

³ जिथुकै ऐबै बै तुऐं इयौं दुनिया कै लोगौ कै जैशणै रौंव। इथकारिए, कै जोबै तुऔं मुंजी ज़लन औरौ झोगड़े औसौ, का ऐजौ साबित ना हौंव कै तुऐं पाप वाल़ी इछा कै काबू दै औसौ? तुऐं दुनिया कै लोगौ कै जैशणै जियौं जू प्रभु कै ना आथी।

Sirmouri

³ किन्देंखे के तुँऐं ऐभी तोड़ी भे बै-बिश्वाषी असो। हेबी भी तुँओं मुँझी डाह, झगड़े असो, तअ कियों तुँऐं हेभी तोड़ी भे आप्णा पाप मंऐं बिचार दे आथी ने? अरह् कियों तुँऐं हेभी भी आदमी के अज्ञाँ-निय्म दे चाल्दे ने?

1 कुरिन्थियों 3:3 ပူးပေါင်းရင်းမြစ်များ

रोमियों 13:13

आमु आपणा बर्ताव ठीक कौरे दैणा चैंई, तिनु लोगौ साए जू पेयाशै दै रौंव, औरौ इनारै दै ना रौंव, ना कै लीलाक्रीड़ा, औरौ पियक्‍कड़, ना गौलत सौमबंध दै औरौ लुचपन दै, औरौ ना झोगड़े औरौ ना ज़लन दै हौयौ बर्ताव कौरौ।

1 कुरिन्थियों 1:10

ओए रै बिशवाशी भाईयों, अमारै प्रभु यीशु मसीह कै औधिकार शै, हांव तुऔंआरी ऐशै कौरणौ कै बिन्ती कौरु, कै तुऔं सौबी खै ऐकी दुजैआरी सहमत हौणौ चैंई। औरौ तुऔं मुंजी झोगड़ा नी होणा चैंई पौरौ तुऔं ऐक जैशणी सोंच राखैयौ औरौ ऐकैई मकसद राखैयौ ऐकी दूजै कै साथै मिल-जोलैयौ रौणौ चैंई।

1 कुरिन्थियों 1:11

जिथुकै ओए रै मैरै बिशवाशी भाईयों, खलोए कै परिवार कै लोगै मुखै तोंवारै बारै मुंजी बौताए राए, कै तुऔं मुंजी झोगड़े हौए रौवै।

1 कुरिन्थियों 11:18

जिथुकै सौबी दै आगलै बात ऐजै औसौ, कै मोऐं ऐजौ शौणै राव, कै जोबै तुऐं कलीसिया दै आराधना कौरणौ कारिए कौठै हौंव, तौ तोंवारै आपी मुंजी ना बौणौ, औरौ मुखै बिशवाश औसौ कै तिनकी बातौ दै किछै तौ सौचाई औसौ।

1 कुरिन्थियों 3:4

इथकारिए कै जोबै ऐक बौल़ौ, “हांव पौलुस का औसौ,” औरौ दूजा, “हांव अपुल्लोस का औसौ,” तौ तुऐं दुनिया कै लोगौ कै जैशणै जिंदै लागै रौवै जू प्रभु कै ना आथी?

2 कुरिन्थियों 12:20

जिथुकै मुखै डौर औसौ, कोदी ऐशैखै ना हौंव, कै हांव आयौ जैशै चोऊं, तैशै तुऔं ना पोऊँ, औरौ मुखै बै जैशैखै तुऐं ना चांव तैशैखैई पांव, मुखै डौर औसौ कै तुऐं मुंजी झोगड़ा, बौदला, गुस्सा, मतलबीपन, ज़लन, चुगली, घमण्‍ड औरौ बौवाल ना हौंव।

गलातियौं 5:15

पौरौ जै तुऐं लगातार ऐकी दुजैआरी लोड़दै रौंव औरौ ऐकी दूजै खै पौरैशान कौरदै रौंव तौ चौकश रौया, तुऐं आपी खै बोरबाद कौरे दैंदै।

तीतुस 3:3

जिथुकै आमै बै इदै आगै मूर्ख, औरौ पौरमेशवर कै आज्ञा ना मानणोवाल़ै, लोगौ शै धौखा खाणौवाल़ै थिए, आमुए हर भान्त कै बुरै काम कौरे जू आमै कौरणा चोऊं थिए औरौ जिथु कौरणौ दा आमु मौज़ा आंव थिया। आमै आपणा सौमय बुरै तरीकै शै बर्ताव कौरणौ दै औरौ ओकी लोगौआरी ज़लन कौरणौ दै बितौऊं थिए, औरौ आमै नफरत कै लायक थिए; हर कुणिए आमुआरी नफरत कौरौ थिए औरौ आमै तिनुआरी नफरत कौरु थिए।

याकूब 3:16

इथकारिए कै जिथै जादा ज़लन औरौ स्वार्थ हौंव, तिथै बखेड़ा औरौ हर भान्त कै बुरै काम बै हौंव।

1 पतरस 4:2

ऐलौ दै ऊबै, औटेयौ, तुऐं आपणै बाकी दुनिया कै जिन्दगी कै आपणी शोरीरो की बुरी इछावं कै पूरा कौरणौ कारिए नी; पौरौ पौरमेशवर कै इछा पूरै कौरणौ कारिए जियौ।