1 कुरिन्थियों 3:21 - सिरमौरी नौवाँ नियम

²¹ इथकारिए ऐक कोसी बै अगुवे का पालन कौरणौ कै बारै मुंजी घमण्‍ड कौरणा बंद कौरौ, जिथुकै पौरमेशवरे सौबै ठुँ तोंवारै भोलाए कारिए दैय राए।

Sirmouri

²¹ ईन्देंखे कुँऐं नाँषबान आदमी गाशी तारीफ ने करे, किन्देंखे के सब-कुछ तुवाँरो असो:

1 कुरिन्थियों 3:21 ပူးပေါင်းရင်းမြစ်များ

रोमियों 4:13

पौरमेशवरे अब्राहम औरौ तैसकी आणौवाल़ी पीढ़ी शै वादा कौरा कै सै तिनु इयौं दुनिया कै वारिस बाणदा। ऐजा वादा इथकारिए ना कौरे रैई थी जिथुकै अब्राहमै मूसा कै कानून का पालन कौरे राए थिया, पौरौ पौरमेशवर दा तैसकै बिशवाश की बौजैह शै तैसी धरमी साबित कौरा।

रोमियों 8:28

औरौ आमै जाणुए, कै जू लोग पौरमेशवर आरी प्यार राखौ, पौरमेशवर तिनु लोगौ कै खातिर सौबी चीज़ौ कै ऐक आछै अन्त पांदी लांदा जू तैसीआरी प्यार कौरौ। यानी तिनु कारिए जू तैसकै इछा शै चोणे राए।

रोमियों 8:32

पौरमेशवरे आपणै बैटै कै आपी कारिए ना राखी, पौरौ तैसीकै अमारै खातिर आपणै दुशमन कै सौंपै दिया, सै आमु सैजौ सौबै ठुँ बै दैंदा जू वादा तैणै आमुआरी कौरे राए।

1 कुरिन्थियों 4:6

ओए रै बिशवाशी भाईयों, मोऐं आपणा औरौ अपुल्लोस का उदारण इथकारिए दिया, ताकि तुऐं आमु शै ऐजौ शिखौ कै पवित्र शास्त्र दो जू लैख राए, तिथदै आगै नी बौढ़ौ। ऐजौ आछौ ना आथी कै तुऐं ऐक अगुवे कै इज्जत कौरौ औरौ दूजै कै बैज्जती कौरौ।

2 कुरिन्थियों 4:15

जिथुकै सौबै दुख जू आमुए सैहन कौरे तोंवारै खातिर औसौ, ताकि पौरमेशवर कै अनुग्रह कै दवारा जादा शै जादा लोगौ खै पौता चालै जांव कै पौरमेशवर कैतरा दयालु औसौ, औरौ पौरमेशवर कै महिमा कारिए धन्यवाद औरौ स्तुति कौरौ।

2 कुरिन्थियों 4:5

जिथुकै आमै आपी खै नी, पौरौ मसीह यीशु का प्रचार कौरु, कै यीशु मसीह प्रभु औसौ औरौ तैसकै बारै मुंजी ऐजौई बौल़ौ, कै आमै यीशु की बौजैह शै तोंवारै सेवक औसौ।

2 कुरिन्थियों 6:10

आमु बैजाए कोष्ट थिया, पौरौ सौदा खुशी मौनौऊं, आमु कंगाल औसौ, पौरौ बौहितै कै आत्मिक रुप शै धनवान बाणै दियै; ऐशै जैशै आमुकैंई किछै नी तोबै बै सौब ठुँ औसौ।

प्रकाशितवाक्य 21:7

जू जीत हासिल कौरौ, सै मुंकैई दी इनु सौबी आशीषौ खै पांदा; औरौ हांव तैसका पौरमेशवर हौंदा, औरौ सै मैरा बैटा हौंदा।