1 कुरिन्थियों 3:10 - सिरमौरी नौवाँ नियम

¹⁰ पौरमेशवरे जू वरदान मुखै दैय राए, तिथका इस्तैमाल कौरदै बैई मोऐं तिथु घौरौ कै नीयुं ऐकी बुध्दिमान राजमिस्तरी साए राखै। औरौ औकै लोगै तियौं नीयुं पांदी काम छैड़ राए, पौरौ सौबी लोगौ खै चौकश रौणौ चैंई कै तिथपांदी कैशै काम छैड़ राए।

Sirmouri

¹⁰ पंणमिश्वर की तियों कृपा के मुताबिक जुण्जा मुँखे दिता गुवा, मुँऐंं संम्झदार बाढ़ई की जेऐ पह्-नींव पाँऐ, अरह् ओका तिन्दें गाशी रंद्दा लाँव। परह् ऐक नाँम आदमी च़ौक्क्ष रूऐ के से तिन्दें गाशी केष्णा रंद्दा लाँव।

1 कुरिन्थियों 3:10 ပူးပေါင်းရင်းမြစ်များ

मत्ती 24:45

“औरौ ऐक भोरोशे लायक औरौ ईमानदार नोकर सैजा औसौ, जैसीकै मालिक तैसी ओकी नोकरो कै दैखभाल कौरणौ औरौ तिनुकै खियाणौ पियाणौ कै जुमैवार दैय सौकौ।

मत्ती 7:24

“इथकारिए जू कुणिए मैरी ऐजी बातौ शौणैबा तिनुखै मानला, सै तैसी बुध्दिमान आदमी कै जैशणा औसौ, जैणै आपणौ घोर चट्टानो कै नियुं पांदी बाणौ।

लूका 11:35

इथकारिए इयौं बातौ का ध्यान राखौ कै जू पेयाशो तुऔं दौ औसौ सै इनारौ ना हौणौ चैंई।

लूका 21:8

यीशुए बौल़ौ, “चौकश रौया, कै भोरमाए नै जांव, जिथुखै बौहितै लोग मैरै औधिकार का दावा कौरदै औरौ बौलदै, कै हांव ही मसीहा औसौ, औरौ ऐजौ बै कै सौमय नेड़िक आए गौआ, तुऐं तिनकै पौछौड़ियौ नी हौए जाया।

प्रेरितो कै काम 18:27

औरौ जोबै तैणै ठाणी पोऊँ कै पार ओतरेयो अखाया प्रदेश कै जोऊं तौ बिशवाशी भाईए तैसी जाणौ कारिए हौंसला दैयौ चैलै खै ऐक चिट्ठी लैखै कै सै तैसीआरी आछै शै भैटियो, औरौ अपुल्लोसे तिथै पौंचेयौ तिनु लोगौ कै बौड़ै मौदद कौरे जिनुवै अनुग्रह कै बौजैह शै बिशवाश कौरे राए थिया।

रोमियों 1:5

मसीह दवारा मुखै अनुग्रह औरौ प्रेरिताए पौरमेशवर कै दवारा दैय राए कै तैसकै नांव कै बौजैह शै सौबै जाति कै लोग सुसमाचार पांदी बिशवाश कौरौ औरौ तैसकै आज्ञा का पालन कौरौ।

रोमियों 12:3

जिथुकै हांव तैसी अनुग्रह कै बौजैह शै जू मुखै भैटी रौआ, तुऔं मुंजीदै सौबी कै बुलू, कै जैशै सौमझणौ चैंई, तिदै बौढ़ेयौ कुणिए बै आपी कै ना सौमझौ; पौरौ जैशै पौरमेशवरे आमु कै जैतरा बिशवाश दैय राए तिथकै हिसाब शै, तैशैखैई सुबुध्‍दि कै साथै आपी कै सौमझौ।

रोमियों 15:15

तोबै मोऐं कौथी-कौथी याद दियाणौ कारिए तुऔं बैजाए हिम्मत कौरेयौ लिखु, ऐजौ तैसी अनुग्रह कै बौजैह शै हौं, जू पौरमेशवरे मुखै दैय राए।

रोमियों 15:20

पौरौ मैरै मन कै चाहत ऐजी औसौ, सुसमाचार का प्रचार तिनु प्रदेशो दा हौंव, जिथै यीशु मसीह कै बारै मुंजी इबी तौड़ी ना शुणाए रैई, हांव तैसी घोर बाणणौवाल़ै मिस्‍त्री कै जैशणा औसौ, जू कोसी ओकी कै नीयुं पांदी ना चिणो।

1 कुरिन्थियों 3:11

कोसी खै बै तुऔं बौचाणौ का नौवाँ तरीका ना शिखणा चैंई। बौचाए जाणौ का एकमात्र रास्ता यीशु मसीह ही औसौ, जू मोऐं आगै ही तुऔं बौताए राए थिया: पौरमेशवर आमु यीशु मसीह कै जरिए शै बौचांव।

1 कुरिन्थियों 9:2

जै औकै लोग ऐजौ ना मानौ कै हांव प्रभु यीशु का चोणेयौंदा चैला औसौ, तौ तुऔं भाईयों खै ऐजौ मानणौ चैंई। जिथुकै हांव सैजाई औसौ जू तोंवारै धोरे सुसमाचार लोयो आए रौआ थिया। प्रभु यीशु दा तोंवारा बिशवाश ऐजौ साबित कौरौ कै हांव सौथी कै तैसका चोणेयौंदा चैला औसौ।

2 कुरिन्थियों 10:15

औरौ आमै हद शै बायरै ओकी कै मैहनत पांदी घमण्‍ड ना कौरु; पौरौ आमुखै आशा औसौ कै जियुं-जियुं तोंवारा बिशवाश बौढ़दा जाला तियुं-तियुं आमै आपणी हद कै हिसाब शै तोंवारै बौजैह शै हौजौ बै जादा तोंवारै बीच काम कौरणौ दै मोजबूत हौंदै।

इफिसियों 2:20

ऐक साथै आमै तैसकै घोरो कै जैशणै औसौ, जू कै चोणेयौंदे चैलै औरौ पौरमेशवर कै बातौ बौताणौवाल़ै की नीयुं पांदी बौणैयौंदो औसौ, जिथकै कुणै का पाथर मसीह यीशु आपी औसौ।

कुलुस्सियों 1:29

औरौ ऐजौ पूरु कौरणौ कारिए हांव कड़ी मैहनत औरौ संघर्ष कौरु, तियौं अनौखी शौकतै कै इस्तैमाल कौरदै बैई जू मसीह दैंव औरौ जू मैरै भीतरै काम कौरौ।

कुलुस्सियों 4:17

औरौ अरखिप्पुस खै बौलेया, “कै जू सेवा प्रभु दै ताखै सौंपै राए सैजै कामकै पूरै कौरेयौ खत्म कौरेया।”

1 थिस्सलुनीकियों 3:2

औरौ आमुए तीमुथियुस खै तोंवारै धोरे भैजा जू मसीह कै सुसमाचार दा अमारा भाई औसौ, औरौ पौरमेशवर का सेवक औसौ, तैसी तोंवारै धोरे भैजा कै सै तुऔं मोजबूत राखौ; औरौ तोंवारै बिशवाश दै मोजबूत हौणौ कारिए तोंवारै मौदद कौरौ।

1 तीमुथियुस 4:16

इथ बारै मुंजी चौकश रौया कै तू कैशै रौए औरौ का शिखै। इनु बातौ पांदी मोजबूत रो, जै ऐशणौ कौरला, तौ इथका नतीजा ऐजा हौला कै पौरमेशवर तैरै दवारा ताखै औरौ तैरै शुणणौवाल़ै कै बै न्याय शै बौचांदा।

2 तीमुथियुस 2:15

तू जैतरै कड़ी मैहनत कौरे सौकै तेतरे कौर ताकि पौरमेशवर ताखै ऐक ऐशणै सेवक कै रुप दा पूरी तरह शै अपनाए सौकौ जू आपणै काम की बौजैह शै शर्मिंदा नी हौंव औरौ जू साची सौंदेश कै सोही रीति शै शिखांव।

याकूब 3:1

ओए रै मैरै भाईटु, तुऔं मुंजीदै बौहितै लोग कलीसिया कै उपदैशक ना बौणौ, जिथुकै तुऐं जाणौए कै ओकी कै तुलना दा अमारा न्याय हौजौ बै जादा सख्ती शै हौंदा।

1 पतरस 4:11

जै तुंवागै प्रचार कौरणौ का वरदान औसौ, तौ तुऔं पौरमेशवर कै सौंदेश का प्रचार कौरणा चैंई। जै तुंवागै ओकी लोगौ कै मौदद कौरणौ का वरदान औसौ, तौ ऐजौ तियौं शौकतै कै साथै कौरौ जू पौरमेशवर दैंव। तौ तोबै जू किछै बै तुऐं कौरलै सैजौ यीशु मसीह कै दवारा पौरमेश्‍वर कै महिमा दियांव। सारै महिमा औरौ शौकतै हमैशा-हमैशा कारिए तैसकै औसौ। आमीन।

2 पतरस 3:15

औरौ अमारै प्रभु कै सब्र खै ऐक मौकै कै रुप दा दैखौ जू तैणै तुऔं कै आणौवाल़ै न्याय शै बौचणौ कारिए दैय लौआ। ऐजौ पौलुसे बै, जू अमारा प्यारा साथी बिशवाशी औसौ, तुऔं ऐकी चिट्ठी दा तैसी ज्ञान का इस्तैमाल कौरदै बैई लिख राव थियु, जू पौरमेशवर तैसी दैंव।

प्रकाशितवाक्य 21:14

तिनुऐ शहर कै दीवार बारौ बौड़ै-बौड़ै पाथरो पांदी बाणै राए थी, औरौ हरेक पाथर पांदी मेम्ने कै बारौ चोणेयौंदे चैलै मुंजीदै ऐक-ऐक कौ नांव लैखयौंदा थियु।

प्रकाशितवाक्य 21:19

तैसी नोगर कै नीयुं हर भान्त मौंगै पाथरो लैई सँवारै राखै थै, आगलै नीयुं यशब कै, दूजै नीलमणी कै, तिजै लालड़ी कै, चौथै मरकत कै,