1 कुरिन्थियों 2:9 - सिरमौरी नौवाँ नियम

⁹ पौरौ पवित्र शास्त्र का ऐजाई मतलब औसौ कै जोबै सैजै बौल़ौए, “जू कौलोंई आखो लैई ना दैखी, जू कौलोंई कानो लैई ना शौणै रैई, औरौ जू आदमी कै दिलो दु ना उतरी, सैजौ सौबै पौरमेशवरे तिनु कारिए, जू प्रभु आरी प्यार कौरौ, तैयार कौरे राए।”

Sirmouri

⁹ जेष्णों पबित्र-ग्रन्थों दो लिखी थो, “जुण्जी बातो आ:खिऐं ने दे:खी, अरह् काँने ने शुणीं, अरह् जुण्जी बातो आदमी के चींते-मंने भे थी ने, से सेजे ही असो जू पंणमिश्वर ऐ आपु आरी पियार कर्णो वाल़े खे तियार करी थई।”

1 कुरिन्थियों 2:9 ပူးပေါင်းရင်းမြစ်များ

मत्ती 20:23

यीशुए तिनुखै बौल़ौ, “तुऐं दुख तौ झैलै सौकौ पौरौ आपणै सोऐं औरौ डैरै ढौबौ बोठाल़णा मैरा काम ना आथी पौरौ मैरै बापूए जू जौगैह तिनु कारिए तैयार कौरे राए सैजै तिनु कारिए औसौ।”

मत्ती 25:34

तोबै यीशु राजा आपणै सोऐं ढौबौ खौड़ै हौणौवाल़ै कै बौलदा, ‘ओए रै मैरै पिता खै धन्‍य लोगौ, आव, तैसी राज्य कै औधिकारी हौए जाव जू दुनिया कै शुरु सै तुऔं कारिए तैयार कौरे राए।

यूहन्ना 3:16

“जिथुकै पौरमेशवरे दुनिया कै लोगौ शै ऐशणा प्यार कौरा, की तैणै आपणा इकलौता बैटा बै दैय दिया, ताकि जू कुणिए तैसी पांदी बिशवाश कौरौ सै नाश नी हौंव पौरौ सौदा कै जिन्दगी पांव।

रोमियों 8:28

औरौ आमै जाणुए, कै जू लोग पौरमेशवर आरी प्यार राखौ, पौरमेशवर तिनु लोगौ कै खातिर सौबी चीज़ौ कै ऐक आछै अन्त पांदी लांदा जू तैसीआरी प्यार कौरौ। यानी तिनु कारिए जू तैसकै इछा शै चोणे राए।

इब्रानियों 11:16

पौरौ तिनुऐ ऐक बौड़ै देश कै आशा कौरे, जिथका मतलब औसौ स्वर्ग जाणौ खै, इथकारिए पौरमेशवर तिनका पौरमेशवर बौल़ै जाणौ शै खुशी थिया, जिथुकै तैणै तिनु कारिए ऐक नगर तैयार कौरे राए।

याकूब 1:12

धन्‍य औसौ सैजा आदमै, जू परीक्षा दा टिकैयौंदा रौंव, जोबै सै खरा साबित हौंव तौ तैसी सौदा कै जिन्दगी का मुकुट भैटदा, जिथका वादा पौरमेशवरे आपणै प्यार कौरणौवाल़ै आरी कौरे राए।

याकूब 2:5

ओए रै मैरै प्यारे बिशवाशी भाईटु शुणौ। पौरमेशवरे इयौं दुनिया कै गरीब खै चोणे राए कै सै बिशवाश दै धनी हौए जांव, औरौ तैसी राज्‍य कै औधिकारी बौणै जांव, जैसी दैणौ का वादा तैणै तिनु आरी कौरे राए कै जू तैसीआरी प्यार कौरौ।

1 पतरस 1:12

पौरौ पौरमेशवरे इनु पौरमेशवर कै बातौ बौताणौवाल़ै खै बौतौऊं कै तिनकै सौंदेश सिरफ आपणै खातिर नी पौरौ तोंवारै खातिर थिए। सैजा सौंदेश यीशु मसीह कै बारै मुंजी सुसमाचार औसौ जू तुऐं इबी शौणै राए। पौरमेशवरे स्वर्ग पौरैशा आपणा पवित्र आत्मा भैजा कै तुऐं सुसमाचार प्रचार कौरणौ दै लोगौ कै मौदद कौरौ। ऐजौ सौबै ऐतरो अनौखौ औसौ कै इथै तौड़ी कै स्‍वर्गदूत बै बैजाए खुश हौयौ इनु चीज़ौ कै हौन्दै बैई दैखै लो।

1 यूहन्ना 4:19

आमु पौरमेशवर औरौ ऐकी दुजैआरी इथकारिए प्यार कौरु, जिथुकै आगै पौरमेशवरे आमुआरी प्यार कौरा।