1 कुरिन्थियों 2:14 - सिरमौरी नौवाँ नियम

¹⁴ पौरौ शारीरिक आदमी पौरमेशवर कै आत्मा की शिक्षाओं खै ना मानौ, जिथुकै सैजी तैसकै नोज़रो दी मूर्खता की बातौ औसौ, जिथुकै ऐक आदमै पवित्र आत्मा कै शिखाएयौंदी बातौ कै जांच तोबैई कौरे सौकौ, जोबै तैसदै पौरमेशवर कै आत्मा रौंव।

Sirmouri

¹⁴ परह् बै-बिश्वाषी लोग पंणमिश्वर की आत्त्मा की बातो माँन्दें ने; किन्देंखे के सेजी बातो तिन के नंजरी दी बै-कार असो, अरह् ना तिनके सेजी बातो संम्झ आँदी किन्देंखे के सेजी बातो पबित्र-आत्त्मा की शक्त्ति शी ही सम्झ दी आँव।

1 कुरिन्थियों 2:14 ပူးပေါင်းရင်းမြစ်များ

मत्ती 16:23

तैणै पाछु फिरैयौ पतरस खै बौल़ौ, “ओए रै शैतान, मैरै सामणै दा दूर हौए जा: तू मुं कारिए ठोकर कै बौजैह औसौ; जिथु तोंवारै बिचार आदमी कै जैशणै औसौ, ना कै पौरमेशवर कै जैशणै औसौ।”

यूहन्ना 10:20

तिनुमुंजी दै बौहितै सारै लोग बौलदै लागै, “ऐसी दै दुष्टआत्मा औसौ, औरौ ऐजा पागल औसौ, ऐसकी नी शुणौ।”

यूहन्ना 12:37

तोबै यीशुए तिनकै सामणै ऐतरै चौमत्कार कै काम दिखाए, तोबै बै तिनुऐ तैसी पांदी बिशवाश ना कौरी;

यूहन्ना 14:17

सै पवित्र आत्मा औसौ, जू पौरमेशवर कै बारै मुंजी सच कै प्रकट कौरौ। जिथु दुनिया कै लोग अपनाए ना सौकौ, जिथुकै सै लोग तैसी ना दैखौ औरौ ना तैसीकै जाणौ: पौरौ तुऐं तैसी जाणौए, जिथुकै सै तोंवारै साथै रौंव, औरौ सै तुऔं दा हौंदा।”

यूहन्ना 14:26

पौरौ हौंसला दैणौवाल़ा, यानी पवित्र आत्मा जैसी पिता मैरै नांव शै भेजला, सै तुऔं सौबै बातौ शिखाला, औरौ जू किछै मोऐं तुऔं बौल़ै राए, सै सौबै तुऔं याद कौरांदा।”

यूहन्ना 15:26

पौरौ जोबै सैजा हौंसला दैणौवाल़ा आला, जैसी हांव तोंवारै धोरे पिता पौरमेशवर कै ढौबौशा भैजदा, या सच का आत्मा जू पिता पौरमेशवर कै ढौबौशा भेजेयोंदा औसौ, सै मैरै गवाही दैला।

यूहन्ना 5:44

तुऐं मुं पांदी बिशवाश ना कौरे सौकौ, जिथुकै तुऐं ऐकी दूजै शै तारीफ पाणै चांव, औरौ तुऐं तियौं तारीफ कै पाणौ कै कौचिश ना कौरौ जू सिरफ ऐकैई पौरमेशवर दैंव।

यूहन्ना 8:43

जू बातौ हांव बुलू तुऐं किथु ना सौमझौ? इथकारिए कै तुऐं मैरी शिक्षा खै मानणौ शै मोना कौरौ।

प्रेरितो कै काम 16:14

औरौ लुदिया नांव कै थुआतीरा शहर कै मोंगे बैंगनी रंगो कै खोटणो बिकणोवाल़ी ऐक बैटमाणिश जू पौरमेशवर कै भोक्‍ती कौरणौवाल़ै थी, ऐजी बातौ शौणै लोए थी। प्रभुए तियौंका मन खोले दिया, ताकि पौलुस की बातौ पांदी ध्यान लांव।

प्रेरितो कै काम 17:18

तोबै सैजै गुरुजी जू इपिकूरी औरौ स्‍तोईकी कौरेयौ जाणै जांव थिए, औरौ तिनुमुंजी दै किछै तैसीआरी बैहस कौरदै लागै, “ऐजा बकवादी का बौताणौ चांव?” पौरौ ओकीए बौल़ौ, “सै ओकी देवताओं का प्रचारक जाणियौ,” जिथुकै सै यीशु का औरौ मौरेयौंदे मुंजीदा जियुंदी हौणौ का सुसमाचार शुणांव थिया।

प्रेरितो कै काम 17:32

मौरेयौंदे मुंजीदा जियुंदी हौणौ की बात शोणेयो किछै लोग तौ ठाटा कौरदै लागै औरौ कैतरै लोगै बौल़ौ, “ऐजै बात आमै तांव कैईंदै हौजौ कोलो शुणदै।”

प्रेरितो कै काम 18:15

पौरौ जै ऐजै बात बैहस-बाजी शब्दो, औरौ नामो, औरौ तुंआरै इथै कै मूसा कै कानून कै बारै मुंजी औसौ, तौ तुऐं ही जाणौ; जिथुकै हांव इनु बातौ का न्यायी ना बोणणा चोऊं।”

प्रेरितो कै काम 25:19

पौरौ तिनुमुंजी सिरफ आपणै धरम खै लोयो औरौ यीशु नांव का ऐक आदमी कै बारै मुंजी किछै मनमुटाव थिया, जैसकै मौत हौए रोए; पौरौ पौलुस दावा कौरौ की सै जियुंदी औसौ।

1 कुरिन्थियों 1:18

जोबै लोग ऐजा सौंदेश शुणौए कै मसीह क्रूसो पांदी मौरे गौआ, तौ तिनुमुंजी दै किछै सुंचौए कै ऐजा सौंदेश बकवास औसौ। ऐशैखै सुंचणौ वाल़ै लोग सैजै औसौ जू नरक कै ढौबौ जांदै लागै रौवै। पौरौ अमारै खातिर जू तैसी सौंदेश पांदी बिशवाश कौरौ, अमारा बौचाया जाणा पौरमेशवर कै अनौखी शौकतै का सबूत औसौ।

1 कुरिन्थियों 1:21

जिथुकै पौरमेशवरे आपणी बुध्दि लैई दैखै राए थियु कै आदमी कै ज्ञान कै हिसाब शै दुनिया तैसी कौलोंई ना जाणै पांदै, इथकारिए तैणै बिशवाश कौरणौवाल़ै खै बौचाणौ कारिए ऐसी सुसमाचार कै प्रचार का इस्तैमाल कौरे राए, पौरौ किछै लोग इथु मूर्ख मानौ।

1 कुरिन्थियों 1:23

पौरौ आमु तौ उपदैश दियु कै मसीह कै अमारै पापौ शै छुड़ाणो कारिए क्रूसो पांदी मौरणौ जू यहूदी लोगौ कारिए ढैस कै बौजैह, औरौ बैगानै यहूदी लोगौ कारिए मूर्खता औसौ।

1 कुरिन्थियों 1:25

जिथुकै पौरमेशवर कै मूर्खता आदमी कै ज्ञान शै जादा ज्ञानवान औसौ, औरौ पौरमेशवर कै कमजोरी आदमी कै शौकतै शै जादा ताकतवर औसौ।

1 कुरिन्थियों 15:44

जोबै शोरीर खै दबाया जांव, तौ ऐजा ऐक कुदरती शोरीर औसौ; पौरौ जोबै सै औटेयौ जियुंदी हौंव, तौ आत्मिक शोरीर हौंदा। जै ऐक कुदरती शोरीर औसौ तौ आत्मिक शोरीर बै औसौ।

1 कुरिन्थियों 15:46

आगै मांस औरौ लोऊ वाल़ा शोरीर पोएदा ओऊवा, तोबै सैजा शोरीर जिनु पौरमेशवर कै आत्मा कै दवारा जीवन दैय राए।

1 कुरिन्थियों 2:12

आमु दुनिया कै आत्मा नी पौरौ सैजी आत्मा भैटी रौए, जू पौरमेशवर कै ढौबौशी औसौ कै आमै सैजौ सौबै जाणै सौकु, जू पौरमेशवरे आमु दया शै दैय राए।

1 कुरिन्थियों 3:1

ओए रै बिशवाशी भाईयों, जोबै हांव तोंवारै साथै थिया तोबै हांव तुऔं आरी तैशैखैई बात ना कौरे सौकु थिया जैशैखै हांव आत्मिक लोगौ शै कौरु, मुखै इयौं बातौ लैई तुऔं पौछेयाण कौराणै थै कै तुऐं इयौं दुनिया शै औसौ ‍‍‍औरौ तुऐं मसीह जीवन दै नानड़िया औसौ।

याकूब 3:15

ऐजा ज्ञान सैजा ना आथी जू पौरमेशवर शै आंव पौरौ दुनिया कै तरफ शै औरौ शारीरिक, औरौ शैतानी औसौ।

1 यूहन्ना 2:20

पौरौ तुऔं तौ मसीह कै दवारा पवित्र आत्मा दैय राए, औरौ तुऐं सौबै साची शिक्षा जाणौए।

1 यूहन्ना 2:27

औरौ तुऔं मसीह कै ढौबौशा पवित्र आत्मा दैय राए औरौ सै तोंवारै भीतरै रौंव; इथकारिए तुऔं शिखाणौ कारिए कोसी कै जौरुरी ना आथी यानी पवित्र आत्मा तुऔं तिनु बातौ कै बारै मुंजी सारै सौचाई कै जाणणौ दै मौदद कौरदा। औरौ जू किछै पवित्र आत्मा तुऔं शिखांव सै साची बातौ औसौ झूठी ना आथी, इथकारिए जैशै कै पवित्र आत्मा तुऔं कै कौरणौ खै बौल़ौए तैशै कै ही मसीह कै साथै एकता दै बौणैयौंदे रौव।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।

यहूदा 1:19

ऐजैई सैजै लोग औसौ, जू तुऔं एकजुट ना हौणौ दैंव; सै आपणी खुद की इछाओं कै हिसाब शै बर्ताव कौरौ, औरौ तिनुमुंजी पवित्र आत्मा ना आथी।